Hoseya 9:1 - Mandinka Bible

¹ Banisirayila, ali kana seewoo, ali kana juurali ke ko banku koteŋolu. Kaatu ali be cakayaa le la, ka ali koo dii Alla la. Ali ka tara lafiriŋ cakayaa joo le la siimaŋ toñonka dulaa bee to.

Hoseya 9:1 Referans Kwoze

Hoseya 10:5

Ninsiriŋ jalaŋo meŋ be Beti-Aweni, a la kuwo ye Samariyankoolu dewuŋ ne. A batulaalu be a la kuwo woosii la le, a piriisoolu* si a la kallankeeyaa kumboo, kaatu a be taa mutoo kono le.

Hoseya 4:12

N na moolu ka yaamaroo ñini jalaŋ yiroo le bulu, ì la taamaraŋ dokoo le mu ì la juubeerilaŋo ti, cakayaa maañaa le ye ì filindi. Ì ye ì koo dii ì la Alla la, ì bulata jalaŋolu nooma, wo mu cakayaa le ti.

Yeremiya 44:17

Bari m̀ be kuu-wo-kuu ke la le ŋa meŋ tawoo taa. M̀ be cuuraayoo siisindi la Saŋo Santo Musumansoo* ye le, ŋà miŋ feŋ sadaalu* boŋ ko ǹ dalita a la ñaameŋ, ǹ niŋ ǹ na alifaa foloolu kafuriŋo, ǹ na mansoolu, aniŋ ǹ na maralilaalu, Yahuuda saatewolu kono taariŋ, aniŋ Yerusalaamu mbeedoolu kaŋ. Wo waatoo la ŋà domoroo jamaa soto le, m̀ firinta, aduŋ ǹ ñaa maŋ kasaara kuu je.

Yankuba 5:1

Alitolu fankamaalu, ali i lamoyi! Ali ye woosii niŋ kumboo baa la maasiiboolu kamma la, mennu ka naa laa ali kaŋ.

Yankuba 4:16

Bari saayiŋ, ali ye ali la faŋ waroo ke kibiri kuwo le ti! Wo kibiri siifaa bee mu kuu jawoo le ti.

Amosi 6:13

Ali ka kibiri ali la Lo-Deba saatewo noo la, ali ye ali faŋ wara ka a fo ko, ali ye Karinayimu saatewo taa niŋ ali faŋo birisoo le la.

Amosi 3:2

“Ŋa ali doroŋ ne tomboŋ duniyaa moolu muumewo bee kono. Wo kamma la m be ali jarabi la ali la junube kuukewolu bee la le.”

Hoseya 5:7

Ì ye foroyaabaliyaa le tiliŋ Yaawe la, kaatu ì ye diŋolu wuluu cakayaa le kono. Ì la Kari Kuta Juuraloo* sadaaboolu le be ì niŋ ì la kunkoolu bee kasaara la.”

Hoseya 5:4

“Ì la baara jawoolu ye a tinna le, ì maŋ muru noo ì la Alla kaŋ. Ì tarata cakayaa le bulu, ì maŋ Yaawe loŋ.

Hoseya 2:12

M be a la wayini yiroolu tiñaa la le, aniŋ a la sooto suŋolu, a ka a fo mennu la ko, ‘Ñinnu mu n na joo le ti, n kanuntewolu ye meŋ dii n na.’ M be a ke la le, a la yiri kankaŋolu ye yelema sutoo ti, wulakono daafeŋolu ye ì daañini ì la.

Esekiyeli 21:10

Ŋa hawusaroo daa diyaa faaroo le kamma, fo a ka ŋalasi ko saŋ ŋalasoo. Seewoo banta le, kaatu n na mansa faŋo le jututa n na dandalaaroolu niŋ n na kuluuroo la, a maŋ wolu muta feŋ ti.

Esekiyeli 20:32

“Ali ka meŋ miira, wo nene te ke la ali ye. Ali ka ñiŋ ne fo ko, ‘M̀ be ke la le ko bantala banku moolu, ì ka yiroolu niŋ beroolu dadaa ñaameŋ, ka ì batu.’ ”

Niikuyaa Suukuwolu 4:21

Wayi! Alitolu Edomunkoolu, mennu be siiriŋ Usi bankoo to, ali si seewoo ka jusulaa. Bari Alla la kamfaa mindaŋo be naa ali fanaa kaŋ ne, ali ye siira fo ali ye i wura fefes.

Yesaya 17:11

Hani niŋ ì falinta kuuke le, fo ì ye firoolu bondi, wo soomandaa meŋ na ali ye ì tutu, ali te hani diŋ kiliŋ ne kati la jee. Wo luŋo la, niitoora koleŋo le be tara la keriŋ, aniŋ dimiŋ jaarabaloo.

Amosi 8:10

N si ali la diina juuraloolu yelemandi ali ye saŋawoosiyo ti, ŋa ali la denkiloo yelemandi kumboo ti. N si a saabu ali ye booto funtoolu duŋ, ali ye ali kuŋolu lii niikuyaa kamma la. N si ñiŋ waatoo ke waati ti ali ye, komeŋ niŋ moo be woosii la a dinkee kiliŋo la faa la. Ñiŋ luŋo bee be ke la niikuyaa le ti ali ye.”

Jabuuroolu 73:27

A koyita m ma le ko, moolu mennu be jamfariŋ i la, wolu be kasaara la le. I be moolu buruka la le mennu badalita i ma.

Amosi 4:5

Ali ye ali la mbuuru leweñimaa fanaa jani ka ke Alla tenturulaŋ sadaa ti. Ali ye ali la fankadaŋ sadaa laa a kaŋ ka kibiri a la, fo moolu bee ye a moyi. Kaatu ali ka lafi a la wo le ñaama.” Maarii Yaawe le ye a fo.

Yeremiya 2:19

I la kuu jawoo le be kuluuroo naati la i kaŋ, aduŋ i badalita m ma, wo le be jalayiroo saabu la i ma. I si a loŋ aniŋ ka a je ko, kuu jawu le mu, aniŋ kuu dimindiŋ, ka i koo dii nte Yaawe i la Alla la. I maŋ n ñaasilaŋo soto.” Yaawe Alihawaa Maariyo* le ye a fo.

Yeremiya 2:20

Yaawe ko: “Biriŋ waati jaŋ koomanto le ite Banisirayila ye i la yookoo* kati, i ye i la juloolu kuntu ka balaŋ. I ko i te m batu la. Silaŋ, konko jaŋolu meŋ-wo-meŋ kaŋ, yirisuŋ biireeriŋolu koto taariŋ, i ka laañooyaa tuluŋo ke le ko cakoo.

Esekiyeli 16:15

Yaawe ko: “I laata i faŋo la ñiiñaa niŋ i la darajoo la ñaameŋ, wo le ye i duŋ cakayaa to. Moo-wo-moo tambita i si i la cakayaa maañaa yitandi a la. I ye i faŋo dii a la.

Esekiyeli 16:30

Maarii Yaawe ye ñiŋ ne fo ko: “I ñoŋ moo kee landiyo! I ka caka malubaloolu maañaa le ke,