Hoseya 8:7 - Mandinka Bible

⁷ “Moo meŋ ye foñoo fii, turubaadoo le be faliŋ na wo maarii ye. Siimaŋ kaloo meŋ maŋ konomaa, muna wo si wuluu noo baŋ? Hani niŋ siimaŋo sotota fanaa, jawoolu si a bee kunuŋ.

Hoseya 8:7 Referans Kwoze

Kuma Kotoomaalu 22:8

Moo-wo-moo ka tilimbaliyaa turoo fii, kooroo le be faliŋ na a ye, aduŋ tilimbaliyaa busoo si kati.

Yuuba 4:8

Nte ye kuwo je wo le ñaama: Moolu mennu ye kuu jawoo kunkoo sene, ì ye kataa fii jee, niŋ sanjaanoo siita, ì be wo kiliŋo le kati la jee.

Kalatiyankoolu 6:7

Ali ali hakiloo tu, moo kana ali filindi ka a miira ko, moo si Alla ke noo jelefeŋo ti le: Moo ye feŋ-wo-feŋ fii, a be wo le kati la.

Nahumu 1:3

Yaawe semboo warata le, aduŋ a la kamfaa maŋ tariyaa. A la jarabiroo te kuu kuruŋ kelaa hani kiliŋ ne kaari la. Saafoñotoo le mu a taaraŋ siloo ti, aniŋ sanji foñoto baa. A siŋo ka tawaloolu wulindi le ko niŋ kankaŋo be tii la.

Hoseya 7:9

Naalaalu ye a semboo suusuu, bari a maŋ a loŋ. A kuŋo ye a dati ka koyi, a maŋ a kalamuta.

Hoseya 2:9

“Wo to m be n na siimaŋ kesoo taa la a waatoo la le, aniŋ n na wayinoo a sanjaanoo la. M be n na sitifeŋolu buusi la a bulu le, meŋ ye a sutura.

Yeremiya 12:13

Ì ye siimaŋo le fii, bari ì ye ŋaniŋo le kati. Ì ye ì faŋ faa dookuwo la le, bari a maŋ ì nafaa feŋ na. Ì maluta ì la katiroo to le, nte Yaawe la kamfaa baa kamma la.”

Yesaya 66:15

A juubee, Yaawe niŋ dimbaa le be naa kaŋ, aduŋ a la keleraŋ sareetoolu* ka munta le ko saafoñotoo, a be a la kamfaa jindi la niŋ semboo le la, a la jalayiroo ye naa naŋ ko dimbaa neŋo.

Yesaya 17:11

Hani niŋ ì falinta kuuke le, fo ì ye firoolu bondi, wo soomandaa meŋ na ali ye ì tutu, ali te hani diŋ kiliŋ ne kati la jee. Wo luŋo la, niitoora koleŋo le be tara la keriŋ, aniŋ dimiŋ jaarabaloo.

Kawandilaa 5:16

Ñiŋ fanaa mu kuu dimindiŋo le ti: Ko hadamadiŋo naata ñaameŋ, a be muru la wo le ñaama. Wo to, a la munafaŋ sotoo nafaa lee, baawo a ye dookuwo ke foñoo le ye?

2 Mansoolu 15:29

Banisirayila mansa Peka la mansayaa waatoo kono le Asiriya mansa Tikilati-Pilesa naata ka dulaalu muta mennu keta Iyoni ti, Abeli-Beti-Maaka, Yanowa, Kedesi, aniŋ Hasori. A ye Kileyadi niŋ Kalilee taa, ka taa Nafutali bankoo muumewo bee, aduŋ a ye moolu muta ka ì samba Asiriya.

2 Mansoolu 15:19

Asiriya mansa Tikilati-Pilesa dunta Banisirayila bankoo kaŋ. Bituŋ Menahemu ye kodiforoo kilo wuli taŋ saba niŋ naani dii a la, ñiŋ kamma la a si a maakoyi ka a la mansayaa bambandi bankoo kaŋ.

5 Musa 28:33

Ali la senefeŋolu aniŋ ali la dookuu koteŋo tinewo, banku koteŋo moolu le be ì domo la, ali maŋ mennu loŋ. Aduŋ niitooroo niŋ tilimbaliyaa le be tara la ali kaŋ, daŋ te ke la meŋ na.

Kalatiyankoolu 6:8

Moolu mennu ka tara bulariŋ ì la niidiyaa kuwolu nooma, wolu ka kasaaroo le kati. Bari mennu ka tara Nooroo la siloo nooma, wolu ka badaa-badaa baluwo le kati meŋ ka soto Nooroo la.

Yesaya 55:2

Muŋ ne ye a tinna ali ka kodoo duŋ kuu to, meŋ te ali balundi noo la, aduŋ ali ka dookuwo ke kuu to meŋ te ali wasa la? Ali i lamoyi, ali i lamoyi n na, ali ye domori kendoo domo, meŋ be ali niyo seewoo la.

Niikuyaa Suukuwolu 5:2

Ǹ na keetaabankoo dunta luntaŋolu le bulu, ǹ na suwolu, bantala moolu bulu.

Hoseya 9:16

Efurayimu be le ko fiifeŋo, meŋ kuuranta. A suloolu jaata le, a te diŋ soto la. Hani niŋ a ye a tara faŋ, a ye diŋolu soto, n si a kanudiŋolu faa.”

Hakayi 1:6

Ali ye fiifeŋ jamaa le fii, bari ali ye meŋ kati a daŋo dooyaata baake le. Ali ka domoroo ke le, bari ali konoo buka faa. Ali ka i miŋ, bari mindoo buka bo ali la. Ali ka feetoofatoolu duŋ ne, bari ì buka nenoo bo ali la. Ali ka joo soto le, bari a ka munta le ko, ali ka a ke kufu sooriŋo le kono.”

1 Musa 41:23

Bituŋ siimaŋ muru woorowula, tilibo foñoo ye mennu jaa, naata wuluu ì nooma.