Hoseya 3:5 - Mandinka Bible

⁵ Wo koolaa, Banisirayilankoolu be muru la le, ì ye Yaawe ñini ì la Alla, aniŋ Dawuda koomalankoo, ì la mansa. Ì si naa Yaawe kaŋ, ì niŋ buuñaa, aduŋ a be neema la ì ma luŋ labaŋolu la le.

Hoseya 3:5 Referans Kwoze

Yeremiya 30:9

Bari ali be nte Yaawe, ali la Alla le batu la, aniŋ ali la mansakewo Dawuda koomalankoo, m be meŋ wulindi la ali ye.

Yesaya 2:2

Luŋ be naa le, Yaawe* Batudulaa Buŋo* be konkoo meŋ kaŋ, wo le be tara la konkoolu bee ye santo la, a jamfoo si tambi konko koteŋolu la. Aduŋ bankoolu bee moolu si jee waliŋ.

Roomankoolu 2:4

Fo i jututa Alla la beteyaa baa le la baŋ, a la sooneeyaa aniŋ a la muñoo? Fo i maŋ a loŋ, Alla la beteyaa ka i naati tuuboo le kaŋ?

Mika 4:1

Luŋ labaŋolu la, Yaawe* la Buŋo be konkoo meŋ kaŋ, wo le be tara la konkoolu bee ye santo la, a jamfoo si tambi konko koteŋolu la. Aduŋ moo jamaa le be jee waliŋ na.

Esekiyeli 38:8

Ñaato siniŋ m be i kumandi la dookuwo la le, ka bankoo boyinkaŋ, wo bankoo ì ye meŋ seyinkaŋ loo keloo koolaa. Wo moolu bota naŋ bantala banku* jamaalu le kaŋ, ka naa Banisirayila konkoolu kaŋ, ka ì la saatewolu lookuu, mennu tarata tumbundiŋ waati jaŋ na. Saayiŋ a fele, ì be sabatiriŋ kayiroo le kono jee.

Esekiyeli 16:63

Niŋ ŋa i la junube kuwolu bee kafari i ye, i hakiloo be bula la i kekuwolu la le, i ye malu, aduŋ i te i daa yele la ka feŋ fo kotenke, feŋ te fo maloo.” Maarii Yaawe le ye a fo.

Yeremiya 23:5

Yaawe le ye ñiŋ fo ko: “A juubee, luŋolu be naa le, m be yiribulu tilindiŋo sorondi la Mansa Dawuda koomalankoolu ye. A be ke la mansakewo le ti meŋ be maraloo ke la niŋ fahaamuroo la, aduŋ a be tooñaa kiitiiteyoo niŋ tiliŋo le taamandi la bankoo kaŋ.

Roomankoolu 11:25

Baadiŋolu, n lafita ali kalamutandi la kulloo le la fo ali la londoo kana tara dendiŋ ali fansuŋ miiroolu la. Wo le mu ñiŋ ti ko, Banisirayila kara doo sondomoo be tara la bambandiŋ ne fo waatoo meŋ na, wo moolu mennu maŋ ke Yahuudoolu ti hapoo ye timma ka Alla la kiisoo soto.

Amosi 9:11

“Luŋo be naa le, m be Dawuda la mansayaa lookuu la meŋ na, meŋ kasaarata ko buŋ tiñaariŋo. M be a faroolu bee suki la le, ŋa a dulaa tiñaariŋolu lookuu. M be a lookuu la le ko a be nuŋ ñaameŋ,

Hoseya 5:15

M be muru la n noo to le, fo janniŋ ì be ì la boyidaalu je la, ì ye n ñini. Ì la niikuyaa kono, ì be maakoyiroo ñini la m bulu le.”

Hoseya 5:6

Ì niŋ beeyaŋolu si Yaawe waliŋ sadaa* ti, bari a te i danku la ì ma, a ye a koo dii ì la le.

Daniyeli 10:14

N naata le ka i maakoyi fo i si a fahaamu meŋ be ke la i la moolu la ñaato. Kaatu ñiŋ jeroo mu ñaato kuwo le ti.”

Daniyeli 2:28

Bari Alla sotota le, meŋ ka kulloolu lankenemayandi, aduŋ a ye a yitandi ite Mansa la le, kuwolu mennu be ke la labandulaa to. Saayiŋ, m be siiboo ñiŋ fo la i ye le, i ye jeroo meŋ ke, kabiriŋ i be siinoo la.

Esekiyeli 38:16

I be naa ka ñapi n na moolu Banisirayilankoolu kaŋ, komeŋ minaayoo meŋ ye bankoo bee muuri. Ñaato siniŋ m be a ke la le i ye naa ñapi n na bankoo kaŋ. Bari niŋ m buloo laata ite Kooki kaŋ, m be n too senuŋo lankenemayandi la le, aduŋ wo bantala bankoolu be a je la le. Niŋ wo keta, duniyaa bee be a loŋ na le ko, nte le mu Yaawe ti.”

Yeremiya 33:17

Nte Yaawe ye ñiŋ ne fo ko: Dawuda nene te foo la moo la a koomalankoolu kono, meŋ be sii la a noo to Banisirayila mansasiiraŋo kaŋ ka maraloo ke.

1 Mansoolu 12:16

Kabiriŋ Banisirayila bee ye a je ko, mansa balanta le ka i lamoyi ì la, ì ye mansa jaabi ko: “Ŋà muŋ ne soto Dawuda la karoo la? Ntolu maŋ nii soto Yese dinkewo la kara la. Ali ali la buŋolu waliŋ, Banisirayilankoolu! Dawuda dinkewo si a faŋo la moolu mara!” Bituŋ Banisirayilankoolu seyita suwo kono.

5 Musa 4:30

Niŋ ali bulata mantooroo kono, bataa siifaa bee laata ali kaŋ, ali be ali faŋ seyi la Yaawe ali la Alla ma le ka a la yaamaroolu muta.

4 Musa 24:14

Nte ka taa n na moolu yaa le, bari m be a fo la i ye le, ñiŋ moolu be naa meŋ ke la i la moolu la siniŋ saama.”

Yeremiya 33:9

Ñiŋ Yerusalaamu saatewo too si ke n ye seewoo ti, duniyaa banku koteŋolu bee ye n jayi, ka n horoma baake, niŋ ì ye a moyi nte ye kuu kendoo meŋ bee ke ñiŋ saatewo moolu ye. Wo moolu be kuu kendoo niŋ firiŋo je la le, ŋa meŋ dii ñiŋ saatewo la, fo ì ye sila ka jarajara.

Yeremiya 30:24

Yaawe la kamfaa saŋaroo te sumayaa la, fo niŋ a ye a la feeroolu taa, a ye ì taamandi, mennu be a sondomoo to. Wo luŋo la, labandulaa to, ali be a kuwo fahaamu la le.

Yesaya 2:3

Moo jamaa si naa, ka a fo ñoo ye ko, “Ali naa ŋà taa Yaawe la konkoo kaŋ, ka taa Yaakuba la Alla Batudulaa Buŋo to, fo a si ǹ karandi a la siloolu la, fo ǹ si taama noo a la lafoo kaŋ.” Yaamaroo be finti la naŋ Siyoni* le, Yaawe la kumoo be bo la naŋ Yerusalaamu le.

Yesaya 9:13

Bari moolu maŋ muruŋ Yaawe kaŋ, Alihawaa Maariyo meŋ ye i mantoora, sako ka a la kuwo ñini.

Yesaya 17:7

Wo luŋo la, moolu be ì ñaa loo la Daamansoo kaŋ ne, ì ye ì ñaa tiliŋ Banisirayila la Senuŋ Baa la.

Hoseya 1:11

Yahuuda moolu niŋ Banisirayila moolu be kafu la ñoo ma le, ì ye ke kiliŋ ti, ì ye ñaatonka kiliŋ tomboŋ. Ì si yiriwaa ì la bankoo kaŋ kotenke. Tooñaa-tooñaa, Yesireeli la luŋo be ke la luŋ baa le ti.”

Hoseya 11:10

Niŋ nte Yaawe bumbunta ko jatoo, n na moolu be bula la n nooma le. Niŋ m bumbunta, n diŋolu kijafaratoo si naa, ka bo tilijii karoo la.

Yesaya 60:5

I be ñiŋ je la le, kontaanoo ye i futufaa, seewoo kamma la, i be jarajara la le. Bankoolu la naafuloo be dii la i la le, ka bo fo baa kankuŋ doo la, ì bee la naafuloo be naa ite le kaŋ.

Hoseya 6:1

Moolu ko, “Ali naa, ŋà muru Yaawe* kaŋ, ate le ye ǹ dimindi, a be ǹ jaara la le. Ate le ye m̀ barama, a be ǹ kendeyandi la le.