Hoseya 13:3 - Mandinka Bible

³ Wo to ì si ke ko tuutuwo, ko soomandaa komboo, meŋ ka yeemaŋ waati kiliŋ, ko fuufulewo ka tii feeridulaa ñaameŋ, waraŋ ko siisiyo ka finti palanteeroo la ñaameŋ.

Hoseya 13:3 Referans Kwoze

Hoseya 6:4

Bari Yaawe ko: “Ite Efurayimu*, m be i la kuwo laa la ñaadii le? Ite Yahuuda, m be i ke la ñaadii le? Ali la kanoo ka yeemaŋ ne ko tuutuwo, a ka yeemaŋ ne waati kiliŋ ko komboo.

Jabuuroolu 1:4

Bari moo kuruŋolu maŋ tara wo ñaama. Ì ka munta le ko fuufulewo, foñoo ka meŋ tindi.

Jabuuroolu 68:2

Ko foñoo ka siisiyo tindi taariŋ ñaameŋ, Allamaa a ye ì bayi wo ñaama. Ko dimbaa maloo ka kaañoo yeluŋ ñaameŋ, Allamaa moo kuruŋolu ye kasaara Alla ñaatiliŋo la wo ñaama.

Daniyeli 2:35

Bituŋ newo, potoo, jaawaloo, kodiforoo, aniŋ sanoo bee teyita ka janjaŋ ñoo la, ì keta ko ŋañaa meŋ ka tu siimaŋ toñonkadulaa to, katiri koolaa. Foñoo ye a bee le samba, hani a noo maŋ tu jee. Bari beroo meŋ boyita a kaŋ, a naata ke konko baa le ti, aduŋ a ye duniyaa bee le beŋ.

Yesaya 17:13

Bankoolu la maakaŋ waroo ka bumbuŋ ne ko fankaasoo, bari niŋ Yaawe ye ì jalayi, ì si bori dulaa jaŋ, foñoo ye ì samba ko fuufulewo meŋ be konkoo kaŋ, waraŋ ko niŋ saafoñotoo be kankaŋo tindi kaŋ.

Yuuba 21:18

Fo foñoo nene ka ì fee le ko siimaŋ kaloo baŋ, waraŋ foño baa ye ì samba ko fuufulewo?

Yuuba 30:15

N kijoo bota, n na foroyaa bota komeŋ niŋ foñoo le ye a tindi, n na sotoo yeemanta komeŋ saŋ tawaloo.

Sefaniya 2:2

janniŋ ì be ali bayi la, ko foñoo ka fuufulewo tindi ñaameŋ, janniŋ Yaawe* be jusubo la ali kamma, janniŋ Yaawe la kamfaa luŋo be futa la ali ma.

Jakariya 8:12

Ali be fiiroo ke la kayiroo kono le, wayini* yiroolu ye diŋ kendeke. M be ali la bankoo barakandi la le, saŋo ye sanjiyo jindi. Ñiŋ bee be ke la alitolu moo toomaalu le taa ti.