Hoseya 13:11 - Mandinka Bible

¹¹ Bituŋ n kamfaatoo ye mansa dii ali la, n jusubotoo ye a buusi ali bulu.

Hoseya 13:11 Referans Kwoze

1 Samuweli 10:19

Bari saayiŋ ali ye ali koo dii ali la Alla la le, meŋ ye ali tankandi ali la bataalu niŋ koleyaa kuwolu kono. Ali ko, ‘Hanii, mansa ke ǹ ñaato.’ Bituŋ saayiŋ ali ali faŋolu bendi Yaawe ñaatiliŋo la niŋ kaabiiloolu, aniŋ lasiloolu la.”

Hoseya 10:3

Bituŋ ì si naa ñiŋ fo ko, “M̀ maŋ sila Yaawe la, wo le ye a tinna m̀ maŋ mansa soto. Bari mansa faŋo si muŋ ne ke noo ntolu ye?”

Kuma Kotoomaalu 28:2

Niŋ moolu keta balannaalu ti, bankoo ka maralilaa jamaa le soto, bari niŋ hakilimaa ye maraloo ke, tenkuŋo ka soto le.

1 Samuweli 16:1

Yaawe* ko Samuweli ye ko, “I be tu la i miira la Sawulu la kuwo la fo waati jumaa le? Ŋa a bondi Banisirayilankoolu la mansayaa to le. Bari saayiŋ tuloo fandi i la binoo kono, i ye taa Betilehemu. Taa kewo yaa jee, meŋ too mu Yese ti, kaatu a dinkewolu kono, ŋa moo kiliŋ ne tomboŋ, ka a ke mansa ti.”

1 Samuweli 12:13

“Mansa fele, ali ye meŋ tomboŋ, ali ye meŋ ñininkaa, bituŋ saayiŋ Yaawe ye a dii ali la le.

Hoseya 10:7

Samariya be tiñaa la le, a mansa si yanka, ko kolomoo ka yanka jiyo kaŋ ñaameŋ.

1 Samuweli 10:17

Samuweli ye Banisirayilankoolu bendi Yaawe ñaatiliŋo la Misipa,

1 Samuweli 15:26

Samuweli ko a ye ko, “N niŋ i te taa ñoo la. I ye Yaawe la yaamaroo tiñaa le, bituŋ a fanaa ye i la Banisirayila mansayaa tiñaa.”

Hoseya 3:4

Banisirayilankoolu la kuwo be wo le ñaama: Ì te mansa soto la fo waati jaŋ, ì te maralilaa soto la, waraŋ bere samasiŋ, efodi* waraŋ bunkono jalaŋ, aduŋ ì te beeyaŋ sadaa bo la.

Hoseya 8:4

“Ì ye mansoolu londi ì faŋ ye, ì maŋ feŋ fo n ye. Ì ye maralilaalu tomboŋ, ì maŋ n kalamutandi a la. Ì ka ì la sanoo niŋ kodiforoo taa, ka jalaŋolu dadaa ì la, ì la kasaaroo kaŋ.

1 Samuweli 12:1

Samuweli ko Banisirayilankoolu bee ye ko, “Ali ye feŋ-wo-feŋ fo n ye, ŋa n lamoyi a bee la le, aduŋ ŋa mansa dii ali la le.