Hoseya 12:2 - Mandinka Bible

² Yaawe* be kiitiyo laa la Yahuuda kaŋ ne. A be Yaakuba koomalankoolu fanaa jarabi la ì taaraŋ siloo la le, a ye ì joo ì kebaaroolu la.

Hoseya 12:2 Referans Kwoze

Mika 6:2

Ali i lamoyi, alitolu konkoolu, alitolu duniyaa fondamaŋolu mennu be tu la fo abadaa. Ali i lamoyi Yaawe la kiitiyo la, a ye meŋ landi a la moolu kamma, Banisirayilankoolu, a niŋ ì ka taa loo kiitii kenoo le to.

Hoseya 4:1

Alitolu Banisirayilankoolu, ali ali tuloo loo Yaawe* la kumakaŋo la. Yaawe ye Banisirayila siilaalu tuumi ñiŋ ne la ko: “Ñiŋ bankoo kaŋ, foroyaa te keriŋ waraŋ tiliŋo, fo Alla lombaliyaa doroŋ.

Yesaya 10:6

Ŋa a kii banku le kaŋ, meŋ ye a koo dii n na. Ŋa a kii moolu le kaŋ, mennu ka n kamfandi, ka i tuu ì kaŋ ko potoo meŋ be mbeedoolu kaŋ, ka ì ñapinkaŋ ka ì la feŋolu taa.

Kalatiyankoolu 6:7

Ali ali hakiloo tu, moo kana ali filindi ka a miira ko, moo si Alla ke noo jelefeŋo ti le: Moo ye feŋ-wo-feŋ fii, a be wo le kati la.

Roomankoolu 2:6

Wo luŋo la, Alla be moo-wo-moo joo la a la kebaaroolu le la.

Matiyu 16:27

Moo Dinkewo niŋ a la malaayikoolu be naa la le, a niŋ a Faamaa la kallankeeyaa*. Bituŋ a be moo-wo-moo joo la a la baara kuwolu la le.

Hoseya 8:13

Ì ka beeyaŋ sadaa* le bo, ì ka ì konoolu fandi a suboo la, ì ko, ì ka ì bondi nte le ye. Ì la wo sadaalu maŋ nte Yaawe seewondi. N te ñina la ì la junuboo la, m be ì yankankati la le, ŋa ì murundi Misira.

Hoseya 4:9

Meŋ laata n na moolu kaŋ, wo le be laa la alitolu piriisoolu fanaa kaŋ. M be ali jarabi la ali la sila jawoolu la le, ŋa ali joo ali kebaaroo la.

Hoseya 2:13

M be a jarabi la Baali jalaŋ feeti luŋolu la le, a ka cuuraayi sadaa* siisindi a ye mennu la. A ka konnaalu niŋ ñarandi feŋ koteŋolu duŋ, ka bula a tuluŋñoolu nooma, a ñinata nte la.” Yaawe* le ye a fo.

Yeremiya 25:31

Maakaŋo be i danku la duniyaa tonkoŋolu to le, kaatu nte Yaawe be kuluuroo le naati la duniyaa moolu kaŋ. N niŋ moo bee le be taa kiitiyo la, aduŋ m be moo kuruŋolu bee le faa la hawusaroo la.” Yaawe le ye a fo.

Yesaya 59:18

Ì ye kuu jawoolu ke ñaameŋ, a be ì joo la wo le ñaama: A be a la kamfaa juloo joo la a jawoolu to le, yankankatoo, a sookilaalu ye, a be banku jamfariŋolu joo la ì ñaama le.

Yesaya 24:21

Wo waatoo la, Yaawe be saŋo santo sembetiyolu jarabi la le, aniŋ maralilaalu mennu be duniyaa kono.

Yesaya 10:12

Niŋ Maariyo pareeta a la dookuwo bee la, Siyoni* Konkoo niŋ Yerusalaamu kamma, a be Asiriya mansa mantoora la a la faŋ sikandoo niŋ a la faratoo kaŋ ne.

Yesaya 3:11

Bari kooroo be moo kuruŋolu ye, maasiiboo be naa boyi la ì kaŋ ne. Ì ye meŋ dookuu, ì be ì joo la wo le la.

Hoseya 9:9

Ali tunenta kuruŋyaa kono le, ko a keta nuŋ Kibeya ñaameŋ. Alla hakiloo be ali la kuu jawoo kaŋ ne, a be ali jarabi la ali la junuboo la le.

Hoseya 7:2

Bari ì maŋ ñiŋ miira ko, n hakiloo be tara la ì la tilimbaliyaa bee kaŋ ne, ì kebaaroolu ye ì murubeŋ ne, ì be n ñaatiliŋo le la.”

Hoseya 9:15

Yaawe ko: “Ì ye ì la kuruŋyaa bee dati naŋ Kilikali le, ŋa ì koŋ jee le to. Ì kebaaroolu la jawuyaa kaŋ, m be ì bayi la n na bankoo kaŋ ne. N te ì kanu la kotenke, ì la maralilaalu bee mu balannaalu le ti.

Amosi 2:4

Yaawe ye ñiŋ ne fo ko, “Yahuuda moolu ye landatambi junube kuwolu le ke. Ì ye nte Yaawe la luwaa soosoo, aduŋ ì maŋ bula n na yaamaroolu nooma. Ì bulata ì la alifaa foloolu la jalambatu siloolu le nooma, wo ye ì filindi. Wo kamma la n te ì jaraboo baayi la muk.

2 Mansoolu 17:4

Bari Asiriya mansa naata a loŋ ko, Hoseya ye a jamfaa le, kaatu a ye kiilaalu kii Mansa So yaa le, Misira mansa, ka maakoyiroo daani a bulu. Hoseya balanta le fanaa ka naamoo joo Asiriya mansa yaa, ko a dalita ka a joo a yaa ñaameŋ saŋ-wo-saŋ. Wo kamma la Asiriya mansa ye a muta, a ye a soroŋ buŋ jawoo kono.

Yuuba 15:2

Yuuba, fo moo ñaamendiŋo si jaabiroo ke niŋ kuma kenseŋolu la baŋ, ka i daakumoolu ke foño baa kenseŋo ti?

Jabuuroolu 78:36

Bari ì ka neeneeri kumoolu le fo a ye ì daalu la, aniŋ ka faniyaa fo a ye.

Kawandilaa 5:15

Hadamadiŋo naata ñaameŋ ka bo a baamaa wuluuñaŋo kono, a be muru la wo le ñaama. Ko a kenseŋo naata ñaameŋ, a la dookuwo munafaŋo, a niŋ hani feŋ ne te muru la ka tara a bulu.

Yesaya 30:6

Ñiŋ kiilaariyaa kumoo le fota Nekefu* tundoo daafeŋolu la kuwo to: Ñiŋ kiilaalu ka taa niŋ banku le la, ì be bataa niŋ niitooroo taki la daameŋ. Jata kewolu niŋ jata musoolu le be siloo kaŋ, daŋaroolu niŋ capatoolu. Ì ye faloolu niŋ ñonkomoolu dunindi ì la naafuloo la, ka ì samba wo banku nafantaŋo to.

Hoseya 7:1

Waati-wo-waati niŋ n ko, m be n na moolu murundi la ì la firiŋo kono, niŋ n ko, m be n na moolu jaara la waatoo meŋ na, Efurayimu* la junube baaroo si laa kenoo to, aniŋ Samariya la kuu kuruŋolu. Ì ka moolu nakari, suŋolu ka buŋolu teyi, bandiyolu ka ñapi moolu kaŋ mbeedoolu kaŋ.

Hoseya 7:11

“Efurayimu be le ko puraa, a neenewo feeyaata, hakili te a la, a be Misira le kili kaŋ deemaaroo la, saayiŋ a fele, a yelemata Asiriya.

Hoseya 8:9

Ì taata le fo Asiriya maakoyiri ñinoo la, ko faloo, meŋ maŋ dali, ì be yaayi la ì faŋ ma. Efurayimu* ye soorifeŋolu bondi ka kanuntewolu soto.

Hoseya 8:10

Hani ì si ì faŋ waafi banku koteŋolu to, n si ì kafu naŋ ñoo ma. Asiriya mansa ye ì toorandi, fo ì ye ŋuntaŋ.