Hoseya 12:14 - Mandinka Bible

¹⁴ Bari Efurayimu ye a Maarii Alla kamfandi jawuke le, a be a la yeleboŋo dunoo laa la a faŋo kuŋo le to, a be a joo la a la nendiroo la le.

Hoseya 12:14 Referans Kwoze

Esekiyeli 18:13

a ka dontoroo ke ka kañewo ñini jee, aniŋ a ka lankaŋ landatambiriŋo laa moolu kaŋ, fo ñiŋ moo siifaa ñanta baluu la le baŋ? Hanii, a maŋ ñaŋ na baluu la. A ñanta faa la a la wo kuu haraamuriŋ kewo le kamma, aduŋ a la saayaa dunoo be tara la laariŋ a faŋo le kaŋ.

Daniyeli 11:18

Wo koolaa le mu a be naa a ñaa tiliŋ na bankoolu la, mennu be baa dandaŋo la, aduŋ a be jamaa le muta la ì kono. Bari kelediŋ kuntiyo doo le be a noo la keloo to, wo be a la faŋ waroo daŋ na le. A be a la faŋ waroo murundi la a faŋo kuŋo le kaŋ.

Hoseya 7:16

Ì maŋ muru nte Alla Tallaa kaŋ, ì ka muluŋ ne ko kala jenkeriŋo. Hawusaroo* le be ì la maralilaalu faa la, ì daakumoo la jawuyaa kamma. Ñiŋ be ì ke la jelefeŋo le ti Misira.”

1 Samuweli 2:30

“Yaawe, Banisirayilankoolu la Alla ye a bankee le nuŋ ko: Ŋa ñiŋ laahidi le ko, i la dimbaayaa aniŋ i la kaabiiloo be dookuwo ke la n ye le fo abadaa! Bari saayiŋ Yaawe ye a bankee le ko: N niŋ wo kuwo kewo teemoo ye jamfa ñoo la. Moolu mennu ye n horoma, m be ì horoma la le, bari moolu mennu maŋ m batu, wolu be tara la jutunnayaa le kono.

5 Musa 28:37

A be ke la jee moolu ye masilaŋ kuwo le ti, niŋ ì ye a je meŋ be laariŋ ali kaŋ. Ali si naa ke ì ye jelefeŋo niŋ jutunna moolu ti bankoolu kaŋ, Yaawe be ali bayi la daamennu to.

Esekiyeli 33:5

Niŋ a ye wo binoo kumakaŋo moyi, aduŋ a maŋ a muta feŋ ti, a la saayaa sunta a faŋo le la. Bari niŋ a ye a hakiloo tu a to, a be a faŋo niyo tankandi la le.

Esekiyeli 18:10

“Niŋ a ye diŋo soto meŋ jarinteeyaata, a ka moofaa ke, waraŋ ka kuu jawoolu ke,

Hoseya 4:2

Kaloo, faniyaa, aniŋ moofaa, suuñaaroo niŋ jeenoo be fuumariŋ, yeleboŋ be yeleboŋ nooma.

Mika 6:16

Kaatu ali tarata Omuri la sila kuruŋolu le nooma, aduŋ ali ye Ahabu la dimbaayaa moolu jikoo le taa, ali bulata ì la yaamaroolu nooma. Wo kamma la, m be ali la saatewo ke la tumbuŋo le ti, a moolu ye ke jelefeŋo ti, aduŋ ali si muña tooñeeri kumoolu kaŋ, banku koteŋo moolu be mennu fo la ali ye.”

5 Musa 18:15

Yaawe ali la Alla be annabiyomoo wulindi la ali ye ali faŋolu la moolu le kono meŋ be ko m faŋo. Ali ñanta i lamoyi la wo le la yaamaroo la.

5 Musa 18:18

M be annabiyomoo wulindi la ì kono le, meŋ mu ì fansuŋ moo ti ko ite. M be n na kumakaŋolu duŋ na a daa le, aduŋ ŋa a yaamari meŋ na, a be a bee sindi la moolu ma le.