Hoseya 11:4 - Mandinka Bible

⁴ Ŋa ì samba hadamayaa le la, meŋ mu mooyaa niŋ kanoo ti. Ŋa ì la yookoo* sika ì toŋo to, n jimita ì kaŋ ka ì domorindi.

Hoseya 11:4 Referans Kwoze

Yohana 12:32

Aduŋ nte, niŋ n wulindita ka bo bankoo to, m be moolu bee le katandi la m faŋo la.”

3 Musa 26:13

Nte le mu Yaawe ali la Alla ti, meŋ ye ali bondi joŋyaa kono, Misirankoolu bulu, ŋa ali bondi naŋ ì la bankoo kaŋ. Ŋa ali la joŋyaa yookoo* kati le ka bo ali toŋo to, ŋa ali kuŋo wulindi, ka ali firiŋ.

2 Korintinkoolu 5:14

M̀ be Kiristu la kanoo la maroo le koto, baawo ǹ dankeneyaata le ko, kiliŋ ne faata moolu bee ye, wo kamma la, moolu bee le faata.

Hoseya 2:8

A maŋ a loŋ ko, nte le ka siimaŋ kesoo dii a la, wayinoo niŋ olifu tuloo. A maŋ a kalamuta ko, nte le ye a la sanoo niŋ kodiforoo siyandi, a ka Baali* jalaŋo buuñaa meŋ na.

Yesaya 63:9

Niŋ ì ye niitoora-wo-niitoora soto, a fanaa niyo ka kuyaa le. A maŋ ke malaayikoo ti meŋ ye ì tanka, bari a la taroo ì fee. A ye ì kumakaa a la balafaa niŋ a la kanoo le kaŋ, a ye ì sika le ka ì bambu kabiriŋ waati jaŋ koomanto.

Suukuwo 1:4

N saba i nooma, ŋà m bambaŋ, n na mansa, n samba i yaa. M be seewoo la le, n jusoo ye laa i la kanoo to. M be i la kanoo le jayi la ka tambi wayinoo la. Fo musoolu si i kanu doroŋ.

Jabuuroolu 105:40

Ì ye kanindiroo ke, a ye woloolu dii ì la, a ye mbuuroo jindi ì ye naŋ Arijana kono, ka ì konoolu fandi.

2 Samuweli 7:14

M be ke la a faamaa le ti, aduŋ a be ke la n diŋo le ti. Niŋ a ye kuu jawoo ke, m be a kuluu la niŋ kewolu la busoo le la ko kuluuroo meŋ ka laa kewolu kaŋ, niŋ ì ye kuu jawoo ke.

2 Musa 16:32

Musa ko, “Yaawe ye ǹ yaamari le, ka manna sumandaŋñaa kiliŋ maabo kuu. Ǹ koomalankoolu si domoroo je, a ye meŋ dii ǹ na ka a domo keñewuloo kono, kabiriŋ a ye m̀ bondi naŋ Misira.”

5 Musa 32:12

Yaawe dammaa le ye ali kenkeŋ, alla koteŋ maŋ kafu a ma.

5 Musa 32:14

Ali ka ninsoolu nonoo miŋ, ka taa bula saajiyolu niŋ baalu la. Ali la saajiiriŋolu niŋ baalu bee niŋ keŋo le mu. Basani tundoo saakotoŋolu, niŋ baakotoŋolu le be ali bulu, ali la siimaŋ kesoolu, ñoŋ te wo la, wayini* jii wuleŋo, ali ka wo le miŋ.