Hoseya 10:12 - Mandinka Bible

¹² Ali ali la bankulaa sene, ali ye tiliŋo fii jee, kanu bambaloo be faliŋ na ali ye le. Waatoo siita le ka nte Yaawe ñini, fo n si naa ka tiliŋo jindi ali kaŋ ko sanjoo.

Hoseya 10:12 Referans Kwoze

Yankuba 3:18

Kayiramoolu ye meŋ fii kayiroo kono, wo be tiliŋo diŋ na le.

Yesaya 45:8

“Alitolu saŋ fatoolu ali tiliŋo samaamaa jindi naŋ, tawaloo ye a naati tariyaake. Bankoo ye yele fo kiisoo si finti naŋ, tiliŋo ye bula a nooma. Nte Yaawe le ye ì daa.”

Kuma Kotoomaalu 11:18

Moo kuruŋo buka a halaaloo soto, bari meŋ ka kuu betoo baara, a la joo ka ke kuu kendoo le ti.

Yesaya 55:6

Ali Yaawe ñini, janniŋ a ñiniŋ waatoo be ali daŋ na, ali a kumandi, a be sutiyaariŋ ali la tuma meŋ.

Hoseya 6:3

Saayiŋ, ali ŋà ǹ na katoo daŋo bee ke, ka Yaawe loŋ, ka a la kuwo fahaamu. A be naa ǹ kaŋ ne, wo be koyiriŋ ne ko perekaanoo, a be naa la ǹ kaŋ ne ko, samaajiyo ka bankoo jiiboŋ ñaameŋ, samaa foloo niŋ samaa labaŋ jiyo.”

Yesaya 44:3

Bankoo meŋ suulata jiyo la, m be jamaa ke la jee le, ŋa jiyo boŋ banku jaaroo kaŋ. M be n na Nooroo dii la ali diŋolu la le, ŋa n na neemoo jindi ali koomalankoolu kaŋ.

Kawandilaa 11:6

I la turoo fii soomandaa la, wulaaroo i kana i buloo laa ñoo kaŋ. Kaatu i maŋ a loŋ meŋ be beteyaa la, ñiŋ kunkoo waraŋ wo doo, waraŋ fo ì bee le be beteyaa la.

Jabuuroolu 105:4

Ali ñinindiri ke Yaawe la, aniŋ a la semboo, ali a ñini ka tara a ñaatiliŋo la waati-wo-waati.

Luka 13:24

“Ali si a kata kendeke ka duŋ niŋ bundaa deteriŋo la. Ŋa a fo ali ye, moo jamaa le be a kata la ka duŋ, bari ì te duŋ noo la.

Amosi 5:15

Ali kuu kuruŋo koŋ, ali ye kuu kendoo kanu. Ali ye tooñaa sabatindi kiitiidulaalu to. A si ke noo Yaawe Alihawaa Maariyo ye naa hiinoo soto Yusufa koomalanka toomaalu ye.

Amosi 5:6

Ali Yaawe ñini ka baluu. Niŋ wo nte, a be naa la ali kaŋ ne, alitolu Yusufa koomalankoolu, komeŋ dimbaa. A si Beteli jani, aduŋ moo te a dubeŋ noo la.

Yesaya 31:1

Kooroo be boyi la moolu kaŋ ne, mennu ka taa maakoyiroo ñini Misira. Ì ka tara jikiriŋ wolu la suwoolu le la, aniŋ ka taamaayaa wolu la keleraŋ sareeti* jurumoolu la, aniŋ ì la suuborindilaa sembemaa baalu. Bari ì buka ì ñaa loo Banisirayila la Senuŋ Baa kaŋ, waraŋ ka maakoyiroo ñini Yaawe* bulu.

Amosi 5:4

Yaawe ye ñiŋ ne fo alitolu Banisirayilankoolu ye ko, “Ali nte doroŋ ñini ka baluu.

Hoseya 12:6

Saayiŋ alitolu Yaakuba koomalankoolu, ali muru Alla kaŋ, ali kanoo muta, ali ye tiliŋ, ali si i tuuku ali la Alla la waatoo bee la.

Amosi 5:8

Alla le ye Sanjaani Benteŋ Looloolu daa, aniŋ Mfaalii Looloolu. Ate le ka suutoo diboo yelemandi soomandaa maloo ti, a ye tiloo ke suutoo ti. Ate le ka fankaasoo jiyolu kili, a ye ì woyindi duniyaa kono. Ate le too mu Yaawe ti.

Hoseya 8:7

“Moo meŋ ye foñoo fii, turubaadoo le be faliŋ na wo maarii ye. Siimaŋ kaloo meŋ maŋ konomaa, muna wo si wuluu noo baŋ? Hani niŋ siimaŋo sotota fanaa, jawoolu si a bee kunuŋ.

Kiilaalu 2:18

Wo luŋolu kono, m be n na Nooroo boŋ na n na dookuulaalu kaŋ, kewolu niŋ musoolu, aduŋ ì bee be kiilaariyaa kumoolu fo la le.

Esekiyeli 34:26

M be wo dulaalu aniŋ n na konko senuŋo* niŋ a dandaŋolu bee ke la ì ye neemoo le ti, aduŋ m be n na samaa neemoo dii la ì la a waatoo le la. M be neemoo sanjimaa le boŋ na ì kaŋ.

Yesaya 32:20

Seewoo be moo le ye, meŋ ye a la fiifeŋolu fii boloŋ daalu to, a si a la ninsoolu niŋ a la faloolu bula, ka ì daañini daa-wo-daa.

Yesaya 30:23

Yaawe be samaa jindi la ali la fiifeŋolu kaŋ ne, siimaŋo meŋ be faliŋ na bankoo kaŋ si beteyaa, a ye siyaa. Wo luŋo la, ali la ninsi koorewolu be daañiniŋo ke la dulaa fanuriŋ baalu le to.

Yeremiya 50:4

Yaawe ko: “Wo luŋolu la, a waatoo la, Banisirayilankoolu aniŋ Yahuuda moolu kafuriŋo ñaajiitoo be nte Yaawe, ì la Alla ñini la le.

Yesaya 5:6

M be a ke la doodulaa nafantaŋo le ti, n te a yiribuloolu kuntu la n te a juwo koto bindee la. Ŋaniŋolu si faliŋ jee! M be saŋo yaamari la le, a kana samaa jindi jee.

Kuma Kotoomaalu 18:21

Niŋ i ye kumoo fo, a si ke noo kuma kendoo ti le, waraŋ moofaa kuwo. Wo to niŋ i fokumoo ye a tinna i ye kuu soto, i ñanta soŋ na a la le.

Jabuuroolu 72:6

Allamaa mansa ke la komeŋ samaajiyo, meŋ ka ke fiifeŋolu kaŋ, komeŋ sanjiyo ka buruntu bankoo kaŋ ñaameŋ.

2 Korintinkoolu 9:10

Saayiŋ, Alla meŋ ka fiifeŋ kesoo dii fiirilaa la, aniŋ meŋ ka mbuuroo dii ka a domo, ate le fanaa be ali la fiifeŋ kesoo dii la ali la ka yiriwaa, aduŋ a be ali la tiliŋo yiriwandi la le ko katiri betoo.

Yesaya 48:18

Niŋ ali ye ali hakiloo tu nuŋ n na yaamaroolu to, ali la kayiroo be feenee la le ko baajiyo, tiliŋo ye ke ko baa baliŋo.

Hoseya 14:1

Banisirayila, ali muru Yaawe* kaŋ, ali la Alla. Ali faŋolu la kuruŋyaa le ye ali boyindi.

Yesaya 54:14

I be tara la bambandiŋ tiliŋo le kaŋ. Mantooroo be jamfa la i la le, i kijoo te fara la, silaŋ kuu baa fanaa te kata la i la.