Hoseya 10:10 - Mandinka Bible

¹⁰ A diyaata n ye ñaameŋ, m be ali jarabi la wo le ñaama. Ali la junuboo la siyaa kaŋ, bankoolu si wuli ali kamma.

Hoseya 10:10 Referans Kwoze

Esekiyeli 5:13

“Wo le be n na kamfaa baŋ na, ka n jusoo sumayandi. Bituŋ ali si naa a loŋ ko, nte Yaawe faŋo le diyaamuta n na kamfaa kono ko, m maŋ lafi fulaŋ kafuñooyaa la.

Hoseya 4:9

Meŋ laata n na moolu kaŋ, wo le be laa la alitolu piriisoolu fanaa kaŋ. M be ali jarabi la ali la sila jawoolu la le, ŋa ali joo ali kebaaroo la.

Yeremiya 16:16

Yaawe ko: “A juubee, m be ñeemutalaa jamaalu le kumandi la naŋ, ì ye naa ì muta ko ñewolu. Wo koolaa m be deemalaalu fanaa kumandi la naŋ ne, ì ye ì deema konko baalu niŋ konkoriŋolu bee kaŋ taariŋ, aniŋ ka bo berehuwolu kono.

Matiyu 22:7

Wo kamma la mansakewo kamfaata baake. A ye a la kelediŋolu kii ka wo moofaalaalu bee faa, aniŋ ka ì la saatewo jani.

Hoseya 8:10

Hani ì si ì faŋ waafi banku koteŋolu to, n si ì kafu naŋ ñoo ma. Asiriya mansa ye ì toorandi, fo ì ye ŋuntaŋ.

Hoseya 8:1

Yaawe* ko, “Binoo ye fee! Jawoolu ka jii n na bankoo kaŋ ko seeliŋo, kaatu n na moolu ye n niŋ ì la kambeŋo tiñaa le, ì balanta n na yaamaroolu la.

Esekiyeli 23:46

Maarii Yaawe ye ñiŋ ne fo ko: “Kafu baa le naati naŋ ì kaŋ, ì si ì ke ì ye silandiri feŋo niŋ ñapinkaŋ feŋo ti.

Esekiyeli 23:9

“Wo daliiloo le ye a tinna ŋa a duŋ Asiriyankoolu bulu, a ka tara mennu nooma cakayaa la.

Esekiyeli 16:42

“Ñiŋ doroŋ ne be n na kamfaa jindi la i la karoo la, aduŋ n te i kiiliyaa la kotenke. M be sabari la le, n te kamfaa la i kamma kotenke.

Esekiyeli 16:37

Ñiŋ kuwo kamma la, i ye mennu kanu, i niŋ ì ka laañooyaa tuluŋo ke ka i faŋ seewondi, m be ì bee bendi la ñoo kaŋ ne, hani i ye mennu faŋo koŋ, ì ye i murubeŋ, ŋa i wura ì ñaatiliŋo la, ì ye i kenseŋo je.

Yeremiya 21:4

Yaawe Banisirayila la Alla ye ñiŋ ne fo ko: “A juubee, m be kelejooraŋolu murundi la ali faŋolu le kaŋ, mennu be ali bulu, ali ye mennu taa ka Babiloni mansakewo kele, meŋ niŋ a la kelediŋolu ye ali suki tata sansaŋo kono. M be ì samba la naŋ ñoo kaŋ ñiŋ saatewo teema le.

Yeremiya 15:6

Alitolu le ye i bo nte to, ali tuta ali koo dii la n na. Wo le ye a tinna m buloo laata ali kaŋ ka ali kasaara, kaatu m bataata sabari la le.

Yesaya 1:24

Silaŋ Yaawe Alihawaa Maariyo, Banisirayila la Alla Tallaa, ye ñiŋ ne bankee ko, “N jawoo, m be n na kamfaa jindi la i kaŋ ne, m be n na juloo joo la i to le!

5 Musa 28:63

Aduŋ ko a keta Yaawe ye seewoo ti ñaameŋ ka ali so firiŋo la aniŋ ka ali yaatewo siyandi, wo ñaa kiliŋo la, a be ke la a ye seewoo le ti ka mantooroo jurumi ali kaŋ ka ali kasaara. A si naa ali wutundi ka ali bondi bankoo kaŋ, ali be naa duŋ na daameŋ ka ke ali taa ti.

Hoseya 10:9

Yaawe ko: “Ka bo biriŋ waatoo meŋ na, kuu kuruŋ baa keta Kibeya, ite Banisirayila maŋ i dahaa ka junuboo ke. Fo ali la kuruŋyaa te a tinna la keloo ye boyi ali kaŋ baŋ, ko a keta nuŋ Kibeya ñaameŋ?

1 Mansoolu 12:28

Mansa Yerobowamu naata ñininkaaroo ke ka yaamaroo ñini ñiŋ kuwo to. Bituŋ a ye sani ninsiriŋ fula dadaa. A ko moolu ye ko, “Ka taa fo Yerusalaamu ka taa baturoo ke jee, wo koleyaata le. Alitolu Banisirayilankoolu, ali la alloolu fele mennu ye ali bondi naŋ Misira kono.”

Yuuba 39:10

Fo i si juloo duŋ noo a nuŋo la baŋ, ka daboo saba i ye? A si baliŋo fara i ye i la kunkoo to baŋ?

Hoseya 4:19

Foñoo le ye ì koora ñoo la ka ì samba, ì la sadaalu be maloo doroŋ ne naati la ì kaŋ.”