Hiburunkoolu 6:19 - Mandinka Bible

¹⁹ Ŋà ñiŋ jikoo soto bambandinke ǹ niyolu ye le ko lankaroo, meŋ dunta ridoo kooma, Dulaa Senuŋ Baa* to.

Hiburunkoolu 6:19 Referans Kwoze

Jabuuroolu 43:5

Muŋ ne ye nte jirandi teŋ, n niyo be fitiiriŋ n kono? N ñanta n jikoo loo la Alla le kaŋ, aduŋ m be a jayi la le kotenke, n na Alla, meŋ mu n na Kiisandirilaa ti.

3 Musa 16:15

Wo koolaa a si naa junube kafarilaŋ baakotoŋo faa moolu ye, a ye a yeloo doo samba naŋ ridoo ye konoto la tukuŋ, Dulaa Senuŋ Baa kono. A si a ke ko, a ye tuuraariŋo yeloo ke ñaameŋ, ka a sari junube kafari dulaa kaŋ, aniŋ a ñaatiliŋo la.

3 Musa 16:2

A ko Musa ye ko: A fo i kotoomaa Haaruna ye, a kana duŋ Dulaa Senuŋ Baa* kono, ridoo ye konoto la, niŋ a maŋ ke a ñanta duŋ na jee waatoo meŋ na. Niŋ a ye wo ke, a be faa la le, kaatu Kambeŋ Kunewo* bitindaŋo be jee le to, meŋ mu junube kafari dulaa ti, n ka finti minaayoo kono meŋ kunto.

Hiburunkoolu 9:7

Bari wo fannaa doo to, meŋ be konoto, piriisi kuntii baa doroŋ ne ka taa jee, siiñaa kiliŋ doroŋ saŋo kono. Aduŋ a te duŋ na jee, niŋ a maŋ yeloo samba ñoo la, a ka meŋ bo sadaa* ti a faŋo ye, aniŋ moolu la junuboolu ye, ì ye mennu ke lombaliyaa kono.

Hiburunkoolu 9:3

Fannaa fulanjaŋo konoto, meŋ be ridoo kooma, wo ka kumandi Dulaa Senuŋ Baa* le la.

Matiyu 27:51

Wo loo niŋ baroo teema, ridi baa meŋ tarata Alla Batudulaa Buŋo kono, a farata teema ka bo santo ka naa fo duuma. Banku jarajaroo keta, aniŋ bere konkoo farata.

Kolosankoolu 3:1

Baawo ali niŋ Kiristu* wulindita ñoo la le, ali ali sondomoolu loo kuwolu kaŋ, mennu be Arijana kono, Kiristu be siiriŋ daameŋ Alla bulubaa karoo la.

Jabuuroolu 42:11

Muŋ ne ye nte jirandi teŋ, n niyo be fitiiriŋ n kono? N ñanta n jikoo loo la Alla le kaŋ, aduŋ m be a jayi la le kotenke, n na Alla, meŋ mu n na Kiisandirilaa ti.

2 Timoti 2:19

Bari Alla la fondamaŋ bambandiŋo te maamaŋ noo la, a be notoriŋ ñiŋ kumoolu le la: “Maariyo ye moolu loŋ ne, mennu mu a taa ti.” Aduŋ “moo-wo-moo meŋ ka Maariyo too kumandi, wo ñanta a koo dii la tilimbaliyaa la le.”

Kiilaalu 27:29

Ì silata ko, m̀ be beroolu taki la le. Wo kamma la, ì ye lankari naani joloŋ baa kono ka bo kuluŋ feñoo to. Ì ye fanoo la kewo batu, ì niŋ duwaa.

Roomankoolu 4:16

Ka Alla la laahidoo soto, a be dendiŋ lannoo le la, fo a si tara looriŋ Alla la hiinoo kaŋ. Ñiŋ soorifeŋo be ke la Iburayima koomalankoolu bee le taa ti, a maŋ ke moolu dammaa ti, mennu ye Luwaa soto, bari a be moolu fanaa ye le, mennu ye Iburayima la lannoo soto. Ate le mu ntolu bee faamaa ti,

Kiilaalu 27:40

Wo to le ì ye lankaroolu kuntu ka ì tu baa kono. Wo waati kiliŋo le la, ì ye juloolu firiŋ baaroolu bala. Ì ye kuluŋo la ñaatobasoo wulindi foñoo ye ka taa tintoo to.

Yesaya 28:16

Bituŋ Maarii Yaawe ko, “A juubee, ŋa beroo le laa Siyoni* Konkoo kaŋ, bere kende baa, tonkonna bere buuñaariŋo, meŋ be ke la fondamaŋ bambandiŋo ti. Moo meŋ ye lannoo soto, wo maarii te jiijaa la.

Yesaya 12:2

Tooñaa-tooñaa, Alla le mu n tankandirilaa ti. M be n jikoo sembe la a la le, n te sila la. N semboo ka bo m Maarii Yaawe le bulu, n ka suukuwo laa ate le ye, kaatu ate le mu n tankandirilaa ti.”

Hiburunkoolu 4:16

Wo to, ali ŋà fatiyaa ka sutiyaa Alla hiinantewo la mansasiiraŋo ma, fo ǹ si balafaa niŋ hiinoo soto ǹ na maakoyiroo to, ǹ suulata ì la waatoo meŋ na.

Efesusinkoolu 2:6

A ye ǹ niŋ Yeesu wulindi ñoo la le, a ye ǹ niŋ a sindi Arijana dinkiraalu to Kiristu Yeesu kafuñooyaa kono.

Jabuuroolu 42:5

Muŋ ne ye nte jirandi teŋ, n niyo be fitiiriŋ n kono? N ñanta n jikoo loo la Alla le kaŋ, aduŋ m be a jayi la le kotenke, n na Alla, meŋ mu n na Kiisandirilaa ti.

1 Korintinkoolu 15:58

M baadiŋ kanuntewolu, wo kamma la, ali loo bambandinke. Ali kana soŋ, feŋ ye ali maamandi. Ali niŋ hame baa si tu dookuwo la Maariyo ye waati-wo-waati. Ali si a loŋ ko, ali ka katoo meŋ ke Maariyo ye, wo maŋ ke kenseŋ ti.

Jabuuroolu 39:7

“Wo to saayiŋ, Maariyo nte be jiki la muŋ ne la? Ŋa n jikoo loo ite le kaŋ.

Jakariya 9:12

Alitolu mutamoolu, ali niŋ jikoo, ali muru naŋ ali la saatee tatariŋo kono. Bii m be ñiŋ laahidi la ko, ali la niitoora-wo-niitoora, m be a jooseyi la neemoo la le ko siiñaa fula.

Kiilaalu 23:6

Kabiriŋ Pawulu ye a loŋ ko, ì kara kiliŋo mu Sadusewolu* le ti, kara doo mu Farisewolu* ti, a sarita kansulumoolu ñaatiliŋo la ko, “M baadiŋolu, nte mu Farisewo le ti, aduŋ Farisewo le ye n wuluu. N na jikoo niŋ lannoo saayaakoolaa wulindiroo la kuwo to, wo le ye a tinna m be kotoboroo kono bii.”

Roomankoolu 4:18

Iburayima tarata jikiriŋ Alla le la hani waatoo meŋ na, a ye jikilateyi kuwolu doroŋ je. A laata ko, a be ke la nasiyoŋ jamaa le faamaa ti ko Alla la kumoo ye a fo ñaameŋ ko, “I koomoo be siyaa la wo le ñaama.”

Roomankoolu 5:4

wakiiloo le ka daajika betoo saabu, aduŋ daajika betoo le ka jikoo saabu.

1 Korintinkoolu 13:13

Saayiŋ, ñiŋ feŋ saboo le tuta jee: Lannoo, jikoo aniŋ kanoo. Bari meŋ warata ñinnu bee ti, wo le mu kanoo ti.

Kolosankoolu 1:27

Alla ye wolu le tomboŋ fo ì si wo kulloo la kallankeeyaa* niŋ fankoo loŋ, aniŋ ka a futandi moolu ma, mennu maŋ ke Yahuudoolu ti. Aduŋ a kulloo fele: Kiristu be baluuriŋ alitolu kono le, ate meŋ mu ǹ na jikoo ti ka duŋ kallankeeyaa kono.

1 Pita 1:3

Jayiroo niŋ tenturoo be Alla ye, m̀ Maarii Yeesu Kiristu Faamaa! A la hiina baa le ye a tinna, ǹ wuluuta kotenke ka ke moo kutoolu ti, mennu ye jiki baluuriŋo soto, ka bo niŋ Yeesu Kiristu la saayaakoolaa wulindiroo la.