Hiburunkoolu 6:12 - Mandinka Bible

¹² M̀ maŋ lafi alitolu ye ke moo naafariŋolu ti, bari ali si moolu nikiŋ, mennu ka tu looriŋ lannoo niŋ muñoo kaŋ. Wo kamma la ì ka kuwolu keetaa le, mennu laahidita ì ye.

Hiburunkoolu 6:12 Referans Kwoze

Hiburunkoolu 13:7

Ali hakiloo si bula ali la ñaatonkoolu la, mennu ye Alla la kumoo fo ali ye nuŋ. Ali i miira ì la baluwo la, aniŋ ì ye kuu betoolu mennu saabu. Ali ì la lannoo kuwo nikiŋ.

Hiburunkoolu 10:36

Ali suulata wakiiloo le la, fo ali si Alla la lafoo ke noo, aniŋ ka a la laahidoo soto,

1 Yohana 2:25

Aduŋ kuwo, a ye meŋ laahidi ǹ ye, wo mu badaa-badaa baluwo le ti.

Roomankoolu 12:11

Ali kana dasa ali la hame baa la, bari ali fatiyaa Nooroo kono ka Maariyo batu.

Hiburunkoolu 5:11

Ŋà kuu jamaa le soto, ǹ si mennu fo ñiŋ kuwo to, bari a koleyaata le ka a bondi ñoo to ali ye, kaatu ali buka fahaamuroo ke kotenke.

2 Pita 1:10

Wo to baadiŋolu*, ali hame baa soto ali la kumandiroo niŋ tombondiroo to ka wolu bambandi. Niŋ ali ye wo ke, ali nene te boyi la,

Yankuba 1:3

kaatu ali ye a loŋ ne ko, ali la lannoo kotoboroo le ka wakiiloo dii ali la.

Hiburunkoolu 12:1

Wo to, baawo ñiŋ seedoolu siyaabaata teŋ ne, ì ye m̀ murubeŋ ko minaayoo, ali ŋà ǹ na dunoo bee landi kara la, sako junuboo meŋ ka lafi m̀ muta la. Ali ŋà bori wakiiloo kono boroo la, meŋ be laariŋ ǹ ñaato.

Hiburunkoolu 1:14

Fo malaayikoolu bee maŋ ke dookuulaalu doroŋ ne ti baŋ? Ì bee mu maakoyirilaa nooroolu le ti, Alla ye mennu kii wo moolu ye, mennu be kiisoo soto la.

Roomankoolu 4:12

Wo ñaa kiliŋo la, Iburayima mu sunnariŋolu fanaa le faamaa ti, mennu ye wo lannoo muta, Iburayima ye meŋ muta nuŋ, janniŋ a be sunna la.

Roomankoolu 2:7

A be badaa-badaa baluwo dii la moolu la le, mennu ka tu kuu bete kewo la muñoo kono ka Alla la kallankeeyaa* niŋ a la horomoo ñini, aniŋ ka badaa-badaa baluwo soto.

Yeremiya 6:16

Yaawe ye ñiŋ ne fo ko: “Ali loo sila fatoolu to, ali ye juubeeroo ke, ali sila kotoolu la kuu ñininkaa, ali ye ñininkaari ke sila betoo la, ali ye taama a la, wo to le ali niyo si dahaa soto. Bari ali ko ali te wo le ke la.

Kuma Kotoomaalu 18:9

Moo meŋ katoo koleyaata a fee a la dookuwo to, a niŋ tiñaarilaa bee be konti kiliŋ ne.

Lankenemoo 13:10

“Niŋ meŋ ñanta taa la mutoo kono, a be taa la mutoo kono le. Niŋ meŋ ñanta faa la niŋ hawusaroo* la, a be faa la niŋ wo le la.” Wo mu wakiilindiri kumoo le ti Alla la moo senuŋolu ye, fo ì si wakiili ì la lannoo kono.

Hiburunkoolu 11:33

Ka bo niŋ lannoo le la, ì ye mansoolu la mansayaa buruka, ì ye marali tilindiŋo londi, aduŋ ì naata kuwolu soto, mennu laahidita ì ye. Ì ye jatoolu daa muta,

Hiburunkoolu 6:15

Baawo Iburayima ye laahidoo batu muñoo niŋ wakiiloo le kono, a naata a soto.

2 Tesalonikankoolu 1:4

Wo kamma la, m̀ faŋolu ka kibiri ali la kuwo la le Alla la kafoolu kono, kaatu ali ye wakiiloo niŋ lannoo meŋ soto, aduŋ ali ka muña tooroolu niŋ bataa kuwolu bee kono le.

Luka 8:15

Bari mennu jolonta banku betoo kaŋ, wo ka moolu la kuwo le yitandi, mennu ye kumoo moyi, ì ye a muta sondome betoo la, meŋ tilinta. Wolu le ka diŋ betoo diŋ muñoo kono.”

Matiyu 22:32

‘Nte le mu Iburayima la Alla ti, Isiyaaka la Alla, aniŋ Yaakuba la Alla.’ A maŋ ke furewolu la Alla ti, bari baluuriŋolu.”

Kuma Kotoomaalu 15:19

Katakolentewo la siloo ka tara faariŋ ŋaniŋolu le la, bari moo tilindiŋo la siloo ka ke sila diimaa le ti.

Kuma Kotoomaalu 13:4

Katakolentewo si hame ñaa-wo-ñaa, a buka feŋ soto noo, bari moo soobewo ka feŋ-wo-feŋ ñini, a ka sooneeyaa a ye le.

Kuma Kotoomaalu 12:24

Soobeeyaa le ka maraloo sii moo la, bari moo hamentaŋo ka labaŋ joŋyaa dookuwo le la.

1 Tesalonikankoolu 1:3

Ǹ hakiloolu ka tu bula la ali la m̀ Faamaa Alla ñaatiliŋo la le. M̀ buka ñina ali la dookuwo la lannoo kono, ali la kata kuwolu kanoo kono, aniŋ jiki bambandiŋo, ali ye meŋ soto m̀ Maarii Yeesu Kiristu la kuwo to.

Luka 16:22

“Wo fuwaaroo naata faa, malaayikoolu ye a samba Iburayima fee. Fankamaa fanaa faata, ì ye a baadee.

Matiyu 25:26

Bari a maariyo ye a jaabi ko, ‘Ite dookuulaa jawoo, ite dookuulaa nafantaŋo! Baawo i ye a loŋ ne ko, n ka katiroo ke dulaa le to, m maŋ fiiroo ke daameŋ, aniŋ n ka kafuñoomoo ke dulaa le to, m maŋ turoolu sari daameŋ.

Suukuwo 1:8

Musoolu bee musu ñiimaa, niŋ i maŋ wo dulaa loŋ, wo to saajiyolu sinnoo nooma, i ye i la baariŋolu daañini kantarilaalu la tiriliisoolu maafaŋ.

Kuma Kotoomaalu 2:20

Wo kamma la, taama niŋ moo kendoolu la siloo la, aduŋ i ye bula moo tilindiŋolu nooma.

Kuma Kotoomaalu 28:10

Moo meŋ ka moo tilindiŋolu samba sila kuruŋo kaŋ, a be duŋ na a faŋo la kutindiŋo daa le, bari moo meŋ maŋ sootaari soto, wo be nafaa feŋo le keetaa la.

Kuma Kotoomaalu 26:14

Ko bundaa ka muruŋ-muruŋ koncoo bala ñaameŋ, katakolentewo ka yelemaŋ-yelemaŋ a la laaraŋo kaŋ wo le ñaama.