Hakayi 2:12 - Mandinka Bible

¹² Niŋ moo ye sadaa* subu senuŋo fudi a la dendika baa tuloo to, aduŋ a la dendika tuloo maata mbuuroo la, duuraŋo, wayinoo*, tuloo, waraŋ domori siifaa-wo-siifaa, fo wo domori feŋo be seneyaa la le baŋ?” Piriisoolu ye jaabiroo ke ko, “Hanii.”

Hakayi 2:12 Referans Kwoze

Matiyu 23:19

Alitolu finkintewolu! Fo muŋ ne kummaayaata, sadaa waraŋ sadaajanidulaa, meŋ ye sadaa seneyandi?

3 Musa 6:27

Meŋ-wo-meŋ waraŋ feŋ-wo-feŋ maata wo beeyaŋo suboo la, a la seneyaa be sele la a la le. Niŋ a yeloo sarita duŋ feŋo kaŋ, wo duŋ feŋo maarii ñanta a kuu la dulaa jankuriŋo le to.

Esekiyeli 44:19

Niŋ ì ye i bandi ì la dookuwo la ka taa moo doolu be daameŋ banta luwo to, ì ñanta ì la piriisi dendikoo wura la le, ka a tu wo buŋ senuŋo kono jee. Bituŋ ì si dendika doolu duŋ, i si a je, moo doolu kana taa wo dendika senuŋolu maa meŋ si naa mantooroo saabu ì ma.

3 Musa 7:6

Meŋ-wo-meŋ mu kewo ti piriisoolu la dimbaayaalu kono si a domo noo le. Bari a ñanta domo la dulaa jankuriŋo le to. A mu feŋ senuŋ baa le ti.

3 Musa 6:29

Meŋ-wo-meŋ mu kewo ti piriisoolu la dimbaayaalu kono, wo si a domo noo le. A mu feŋ senuŋ baa le ti.

2 Musa 29:37

I si ñiŋ ke fo tili woorowula. Bituŋ sadaajanidulaa muumee bee si ke dulaa senuŋo ti, aduŋ moo-wo-moo waraŋ feŋ-wo-feŋ maata a la, a la seneyaa be sele la a la le.

5 Musa 33:10

Itolu le be Yaakuba karandi la i la yaamaroolu la, ì si Banisirayila karandi i la luwaalu la, itolu le be cuuraayi sadaa siisindi la i ye, ì ye beeyaŋ sadaalu bo i ye i la sadaajanidulaa* kaŋ.

Kawandilaa 10:1

Ko sii furewolu ka tulu seeralaa seeroo tiñaa ñaameŋ, tooleeyaa, hani a domandiŋ, a ka ñaameŋo tiñaa le, aniŋ horomoo.