Hakayi 1:9 - Mandinka Bible

⁹ “Ali jikita le ko ali la katirifeŋolu be siyaa la le, bari a fele a naata ke domandiŋ ne ti. Ali ye meŋ samba naŋ suwo kono, ŋa a fee le ka a janjaŋ. Muŋ ne ye ñiŋ saabu?” Yaawe Alihawaa Maariyo le ye wo ñininkaa. A tententa ka a fo ko, “N na Batudulaa Buŋo tuta tumbundiŋ, wo tumoo alitolu meŋ-wo-meŋ ka tara boriŋ-boriŋ na a fansuŋ buŋo la kuwo la.

Hakayi 1:9 Referans Kwoze

Hakayi 1:4

“Fo ñiŋ mu waati le ti alitolu ñanta tara la ali fansuŋ buŋ betoolu kono meŋ na, Batudulaa Buŋo be tumbundiŋ?”

Lankenemoo 3:19

Ŋa moolu mennu kanu, n ka wolu le jalayi, aniŋ n ka ì kuluu. Wo kamma la, hame baa soto, i ye tuubi ka i koo dii i la junuboolu la.

Malaki 2:2

Niŋ ali maŋ i lamoyi a la, a maŋ duŋ ali sondomoo kono, ka n too horoma, m be jaraboo le jindi la naŋ ali kaŋ, aduŋ niŋ ali ye neemoo duwaa m be a yelemandi la ali ye dankoo le ti. Ŋa a ke ali ye a ti le fokabaŋ, kaatu n na dandalaaroo maŋ duŋ ali sondomoo kono.

Hakayi 1:6

Ali ye fiifeŋ jamaa le fii, bari ali ye meŋ kati a daŋo dooyaata baake le. Ali ka domoroo ke le, bari ali konoo buka faa. Ali ka i miŋ, bari mindoo buka bo ali la. Ali ka feetoofatoolu duŋ ne, bari ì buka nenoo bo ali la. Ali ka joo soto le, bari a ka munta le ko, ali ka a ke kufu sooriŋo le kono.”

Yesaya 40:7

Ñaamoo ka noro le, a firoolu ye joloŋ, kaatu Yaawe la niijii foñoo le ka futa ì ma. Tooñaa-tooñaa, hadamadiŋolu mu ñaamoo le ti!

Lankenemoo 2:4

Bari ŋa ñiŋ tuumiroo soto i la kuwo to le ko, i ye kanoo bula le, ì ye meŋ soto folooto nuŋ.

Yuuba 10:2

M be a fo la Alla ye le: Kana n halaki. A fo n ye, daliiloo meŋ ye a tinna, i be n tuumi la.

2 Mansoolu 19:7

I lamoyi, Yaawe be silaŋo le dundi la a la. Niŋ wo keta, a be kibaaroo le moyi la, aduŋ a be muru la a fansuŋ bankoo kaŋ ne. Wo to le ate Yaawe be a tinna la ì ye a faa niŋ hawusaroo* la.”

2 Samuweli 22:16

Fankaasoo duuma, wulumbaŋolu fintita jee, kabiriŋ Yaawe ye a jawoolu tindi niŋ a la niijii foñoo la. Duniyaa fondamaŋolu kenseŋyaata, a la dandalaaroo waatoo la.

2 Samuweli 21:1

Dawuda la waatoo la, konkoo le boyita fo sanji saba, bituŋ Dawuda ye Yaawe* ñininkaa. Yaawe ko, “Sawulu niŋ a la dimbaayaa maŋ a kekuu, kaatu itolu le ye Kibeyoninkoolu faa.”

Kuma Kotoomaalu 27:20

Kaburoo niŋ laakira buka wasa, sako ntolu hadamadiŋ hadumeriŋolu.

Kawandilaa 1:8

Kuu-wo-kuu, bataa le mu, moo te meŋ daŋo fo noo la. Ñaa buka jeroo ke fo a ye kaañaŋ, tuloo buka moyiroo ke fo a ye kaañaŋ.

Esekiyeli 21:31

M be n na kamfaa kupi la i kaŋ jee le to ka n na kamfaa fijoo jindi i kaŋ. M be i duŋ na moo kuruŋolu le bulu mennu ye kasaaraloo noo baake.

3 Musa 19:25

Bari sanji luulunjaŋo la, ali si ì diŋolu domo noo le. Niŋ ali ye a ke wo ñaama, ali la fiifeŋolu be wuluu la kendeke le. Nte le mu Yaawe ali la Alla ti.

5 Musa 28:38

Ali si siimaŋ kese jamaa fii, bari ali be meŋ soto la jee, a daŋo si dooyaa, kaatu kuntiŋolu le be a domo la.

Kuma Kotoomaalu 11:24

Doo ka sooroo ke le waati-wo-waati, hani wo, a la naafuloo ka tu siyaariŋ, bari doo buka sooroo ke muumeeke, a ka naa labaŋ fuwaareyaa la.

Yesaya 5:10

Yiri kankaŋ taŋ be wayinoo* liitari muwaŋ doroŋ ne bondi la, aduŋ turu booto saba be sinsiŋo dammaa le bondi la.”

Yeremiya 12:13

Ì ye siimaŋo le fii, bari ì ye ŋaniŋo le kati. Ì ye ì faŋ faa dookuwo la le, bari a maŋ ì nafaa feŋ na. Ì maluta ì la katiroo to le, nte Yaawe la kamfaa baa kamma la.”