Efesusinkoolu 1:5 - Mandinka Bible

⁵ a ye ǹ tomboŋ ne biriŋ waati jaŋ ka ke a diŋolu ti ka bo niŋ Yeesu Kiristu la. A ye ñiŋ ke ka bo niŋ a faŋo la natoo le la,

Efesusinkoolu 1:5 Referans Kwoze

Efesusinkoolu 1:11

Ka bo niŋ ate Kiristu le la, ǹ naata ǹ niyo fanaa soto keetaa to. Ñiŋ keta a faŋo la natoo le kaŋ, a ye meŋ feere biriŋ, meŋ ka kuwolu bee timmandi ko a la lafoo be ñaameŋ.

1 Yohana 3:1

Ali ñiŋ kanu baa juubee, m̀ Faamaa ye meŋ yitandi ǹ na ko, ǹ si kumandi Alla diŋolu la. Aduŋ m̀ mu wolu le ti! Bari duniyaa moolu maŋ Kiristu* loŋ, wo kamma la, ì maŋ ntolu loŋ.

Yohana 1:12

Bari mennu bee ye a jiyaa, aduŋ ì laata a too la, a ye siloo dii wolu le la ka ke Alla diŋolu ti.

Roomankoolu 8:23

Aduŋ a maŋ ke daaroo doroŋ ti, bari ntolu faŋolu fanaa, mennu naata Nooroo soto Alla la soorifeŋ foloo ti, ǹ ka ŋuntaŋ ǹ sondomoo kono le, kaatu m̀ be waatoo batu kaŋ ne, ka ke Alla diŋolu ti, aniŋ ka balajaata kutoo soto.

Kalatiyankoolu 3:26

Kaatu alitolu bee mu Alla diŋolu le ti ka bo niŋ lannoo la Kiristu Yeesu kono.

2 Korintinkoolu 6:18

aduŋ m be ke la ali Faamaa ti, ali be ke la n dinkewolu ti, aniŋ n dimmusoolu.’ Alla Mansa Tallaa ye wo le fo.”

Lankenemoo 21:7

Moo meŋ ye nooroo ke, a be ñiŋ kuwolu bee le soto la. Aduŋ nte be ke la a la Alla le ti, ate ye ke n diŋo ti.

Hoseya 1:10

“Hani wo Banisirayilankoolu yaatewo be ke la le ko bankumunkoo, meŋ te sumaŋ noo la sako a yaatewo si loŋ. Aduŋ a fota a ma daameŋ to ko, ‘Ali maŋ ke n na moolu ti,’ a be fo la a ma jee le to ko, ‘Alla baluuriŋo diŋolu.’

Efesusinkoolu 1:9

a ye a la lafoo lankenema ǹ ye, meŋ be maaboriŋ kulloo kono nuŋ. Feeroo, a ye meŋ siti ka bo niŋ Kiristu la, a ye wo ke ka bo niŋ a la natoo le la,

Yohana 11:52

Aduŋ a la saayaa maŋ ke Yahuudoolu dammaa ye, bari Alla diŋolu bee, fo a si ì bee kafu ñoo ma ka ì ke kiliŋ ti, mennu be manee duniyaa kono taariŋ.

Yeremiya 3:19

“Nte Yaawe ko m faŋ ye le ko: Wo si nte seewoo, ka ali bulandi ñiŋ kontoo kono ko, n diŋolu le mu ali ti, ŋa ñaaboo bankoo dii ali la, bankoolu bee banku ñiimaa. Ŋa ñiŋ ne muta ko ali be n kumandi la ali Faamaa le la, aduŋ ali te muru la ka ali koo dii n na.

2 Tesalonikankoolu 1:11

Wo kamma la, ntolu te n dahaa la duwaa la ali ye. Ǹ ka ǹ na Alla daani le fo a si ali jarindi a la kumandiroo la, aduŋ fo ali la hame betoolu aniŋ dookuwo lannoo kono bee si timma ka bo niŋ a la semboo la.

Luka 10:21

Wo waatoo la, Yeesu seewoota Noora Kuliŋo kono, a ko, “M Faamaa, saŋo niŋ bankoo Maariyo, ŋa i jayi, kaatu i ye ñiŋ kuwolu maabo moo ñaamendiŋolu niŋ londitiyolu ma le, i naata ì yitandi dindiŋ mereŋolu la. Tooñaa, m Faamaa, ñiŋ ne beteyaata i fee.

1 Korintinkoolu 1:21

Alla ye a la ñaameŋo yitandi le, bari duniyaa moolu maŋ Alla loŋ noo niŋ ì la ñaameŋo la. Wo kamma la Alla kontaanita le ka moolu kiisa, mennu laata, ka bo niŋ ntolu la tooleeyaa kawandoo la.

Yohana 20:17

Bituŋ Yeesu ko a ye ko, “Kana m maa, kaatu m maŋ muru foloo ka taa m Faamaa yaa. Bari taa m baadinkewolu yaa, i ye a fo ì ye ko, m be muru la le ka taa m Faamaa niŋ ali Faamaa yaa, n na Alla aniŋ ali la Alla.”

Daniyeli 4:35

Duniyaa moolu bee buka muluŋ a ñaa koto feŋ ti. A la lafoo mu meŋ ti, a ka wo le ke malaayikoolu kono santo, aniŋ hadamadiŋolu kono duuma. Moo te a la keroo baayi noo la, waraŋ ka a ñininkaa a kekuwo la.

Matiyu 11:26

Tooñaa, m Faamaa, ñiŋ ne beteyaata i fee.

Luka 11:32

Ninewenkoolu niŋ ñiŋ jamaanoo moolu be wuli la kiitiiluŋo la le, aduŋ ì be ñiŋ jamaanoo moolu tuumi la, kaatu itolu tuubita ì la junuboolu la le ka bo niŋ Annabilayi Yunusa la kawandoo la. Aduŋ a juubee, meŋ na kuwo warata Yunusa ti, a fele.

Filipinkoolu 2:13

Kaatu Alla meŋ be dookuwo la alitolu kono, ate le be ali la hamoo niŋ kebaaroolu taamandi la, fo kuwolu si ke ko a la hame betoo be ñaameŋ.

1 Korintinkoolu 1:1

Nte Pawulu, meŋ kumandita ka ke Kiristu* Yeesu la kiilaa* ti ka bo niŋ Alla la lafoo la, nte niŋ m̀ baadiŋo* Sostenes

Matiyu 1:25

bari a maŋ a loŋ musu ti fo kabiriŋ a ye a dinkee foloo wuluu. Yusufa ye a toolaa Yeesu la.

Yeremiya 3:4

Fo i maŋ bo n kumandi la saayiŋ ne ko: ‘M Faamaa, ite ye nte kanu le biriŋ n dindiŋ’?

Luka 12:32

Kafundiŋo, ali kana sila! A mu ali Faamaa ye seewoo le ti ka a la mansabaayaa dii ali la.

Kiilaalu 13:48

Kabiriŋ moolu mennu maŋ ke Yahuudoolu ti ye ñiŋ moyi, ì seewoota, aduŋ ì ye Alla la kumoo jayi. Moo jamaa laata, mennu tombonta badaa-badaa baluwo ye.

Kolosankoolu 1:19

Alla faŋo kontaanita le ko, a la timmoo ye tara ate kono.

Hiburunkoolu 2:4

Alla fanaa ye ì la kumoolu tooñaayandi le ka bo niŋ taamanseeroolu la, kaawakuwolu, aniŋ baara sembemaa jamaa, aduŋ a ye seedeyaa ke Noora Kuliŋo la soorifeŋolu fanaa la le, a ye mennu dii a faŋo la lafoo kaŋ.