Daniyeli 7:4 - Mandinka Bible

⁴ Daafeŋ foloo ka munta le ko jatoo, aduŋ seeliŋ dampaŋolu le be a la. Kabiriŋ m be juubeeroo la, feŋ ne ye a dampaŋolu wutu, aduŋ ì ye a sikandi ka bo bankoo to, ì ye a londi a siŋ fuloo la, komeŋ hadamadiŋo. Ì ye hadamadiŋ hakiloo ke a la.

Daniyeli 7:4 Referans Kwoze

Yeremiya 4:7

Jatoo le wulita ka bo a la ñunkoo kono, banku tiñaalaa baa le wulita naŋ, a wulita ka bo naŋ a yaa, ka ali la bankoo kenseŋyandi. Ali la saatewolu be ke la tumbuŋolu le ti, moo te tu la sabatiriŋ jee.

Esekiyeli 17:3

a fo ì ye, nte Yaawe ì Maariyo ye ñiŋ ne fo ko: Sontiŋ baa doo le sotota nuŋ. A dampaŋolu warata, a ye semboo soto. A tiyolu siyaata, ì jaŋayaata, aduŋ kuloori siifaa jamaa le be a bala. A naata Libanooni. A tiita fo sedari* yiroo turoo to,

Matiyu 24:28

Feŋ furewo be daa-wo-daa to, duwoolu ka jii jee le to.

Daniyeli 4:36

Wo waatoo le mu n sondomoo seyita a ñaama. N na mansayaa horomoo niŋ semboo muruta n kaŋ. N na mansakundaa yaamarilaalu niŋ ñaatonkoolu naata n kaŋ, aduŋ ì ye m murundi mansayaa to kotenke. Bituŋ n na darajoo naata lafaa kuu.

Esekiyeli 28:9

Niŋ i loota i faalaalu ñaatiliŋo la, fo hani saayiŋ, i be a fo la le ko, ite mu alla le ti baŋ? Bari hani wo, i maŋ ke alla ti. Hadamadiŋo doroŋ ne mu i ti, i wo faalaalu buloo kono.

Esekiyeli 28:2

“Hadamadiŋo, a fo Tire maralilaa ye, Maarii Yaawe ye ñiŋ ne fo a la kuwo to ko: I ye sondome waroo le soto, i ka tintiŋ meŋ na, i ka a fo le ko, ite mu alla le ti. I ko, i be siiriŋ alloolu la siiraŋo le kaŋ, baa teema. Bari i maŋ ke alla ti, hadamadiŋo doroŋ ne mu i ti, hani niŋ a ye a tara ite ye a miira ko, i ñaamenta le ko alla.

Niikuyaa Suukuwolu 4:19

Seeliŋo tiitoo, m̀ bayindilaalu le tariyaata wo faŋo ti. Ì ye m̀ bayindi konkoolu kaŋ, ì bitita ǹ kamma keñewuloo kono.

Yeremiya 48:40

Yaawe ye ñiŋ ne fo ko: “A juubee, jawoolu tariyaariŋo be tii la naŋ ne ko seeliŋo, ì ye ì dampaŋolu waree Mowabi kamma.

Yeremiya 25:38

A jatamaa le be finti la naŋ a la ñunkoo kono, ka ì la bankoo kenseŋyandi, ka bo niŋ moo toorandilaalu la hawusaroo la, aniŋ Yaawe la kamfaa saŋaroo kamma la.

Yeremiya 4:13

A juubee, jawoolu be naa kaŋ ne komeŋ saŋ tawaloolu, ì la keleraŋ sareetoolu* ka munta ko saafoñotoo, ì la suwoolu tariyaata ka tambi seeliŋolu la. Kooroo boyita ǹ kaŋ ne, ǹ kenseŋo tuta.

Jabuuroolu 9:20

Yaawe, silaŋo dundi ì la. Ì londi ñiŋ na ko, ì mu hadamadiŋolu doroŋ ne ti. S

Yuuba 25:6

Saayiŋ sako hadamadiŋo duŋ, meŋ, a ka faa le, a ye toli. A la kuwo ka muluŋ ne ko tumboo.

2 Samuweli 1:23

Sawulu niŋ Yonatani ye ñoo kanu, aduŋ ì diyaata baluwo to, hani saayaa to, ì maŋ talaa. Ì be tariyaariŋ ne ko saŋ ŋalasoo, aduŋ itolu le bambanta jatoolu ti.

5 Musa 28:49

Yaawe be banku koteŋo moolu le wulindi la ali kamma ka bo naŋ dulaa jaŋ, ali nene maŋ mennu la kaŋo moyi sako ka a fahaamu. Wolu si naa boyi ali kaŋ, ì ye ali cansu ko seeliŋo.

Lankenemoo 13:2

Nte ye daafeŋ saŋarariŋo meŋ je, a mulunta le ko soloo, aduŋ a siŋolu be ko wulakono daafeŋ saŋarariŋ* doo. A daa be le ko jatoo daa. Wo ninkinankoo ye semboo dii ate le la, a la mansayaa, aniŋ a la kantiiyaa baa.

Daniyeli 7:5

Daafeŋ fulanjaŋo warata le, a mulunta ko daafeŋ saŋarariŋ* doo. A be cufayiriŋ. A ye karakulu saba le muta a ñiŋolu la. Bituŋ ì ko a ye ko, “Wuli i ye loo, i ye subu jamaa domo.”

Yeremiya 49:19

“Ko niŋ jatoo bota naŋ ñunkoo kono, Yoridani sutoo kono, ka naa boyinkaŋo la, Edomu beeyaŋ daañini dulaalu to, m be a moolu bayi la a bankoo kaŋ wo le ñaama, kataba kiliŋ. Ŋa moo-wo-moo tomboŋ, wo le be a mara la. Jumaa le niŋ nte si tembe noo, ka i loo m fee? Ñaatonka jumaa le si loo noo n ñaato?

Daniyeli 2:38

A ye i ke maralilaa le ti moolu bee kunna, daafeŋolu, aniŋ kunoolu, duniyaa daa-wo-daa. Ite le mu wo sani kuŋo ti.

Daniyeli 7:12

Daafeŋ toomaalu mennu tuta, ì ye wolu la semboo taa ì bulu le. Bari ì ye ì tu baluwo to le, ka taa fo ì ye waatoo meŋ londi ì ye.