Daniyeli 6:7 - Mandinka Bible

⁷ Ntolu mennu mu i la mansamarali bankoo kuntiyolu ti, kumandaŋolu, maralilaalu, yaamarilaalu, aniŋ mansakundaa alifaa koteŋolu bee kambenta le ko, i si kaŋo dii, aduŋ i si a taamandi niŋ forisee baa la. A kaŋo si ke ñiŋ ti ko, tili taŋ saba wucoo kono, moo kana duwaa, ka batufeŋ daani waraŋ hadamadiŋo, niŋ a maŋ ke ite Mansa doroŋ ti. Niŋ moo-wo-moo ye ñiŋ kaŋo soosoo, ì si a maarii fayi jatoolu la koloo kono.

Daniyeli 6:7 Referans Kwoze

Jabuuroolu 59:3

A juubee, ì be bitiriŋ n kamma le, ka m faa. Moo saŋaroolu le ye feeroo siti n kamma. Bari Yaawe*, a maŋ ke ko m boyita le waraŋ ŋa junuboo le ke.

Daniyeli 3:27

Wo le to maralilaalu, kumandaŋolu, kumandaŋ noomalankoolu, aniŋ mansa la yaamarilaalu bee benta ka kee saboo juubee, aduŋ ì ye a je le ko, dimbaa maŋ kuu ke ì jaatoolu la. Ì kuntiñoolu maŋ buruburu, ì la duŋ feŋolu maŋ jani, aduŋ siisii maŋ sunkaŋ ì bala.

Daniyeli 3:6

Moo-wo-moo maŋ sujudi duuma ka baturoo ke, ì be a maarii fayi la fuuri dimbaa wuleŋo le kono, wo loodulaa to.”

Daniyeli 3:2

Bituŋ a ye kaŋo dii ka a la ñiŋ ñaatonkoolu bee bendi ñoo kaŋ: maralilaalu, kumandaŋolu, aniŋ kumandaŋ noomalankoolu, ka taa yaamarilaalu, rankeesi maralaalu, luwaa taamandilaalu, kiitindirilaalu, aniŋ mansakundaa dookuulaa koteŋolu, mennu be tundoolu kaŋ. Ì ñanta maabee la moo muluŋo ñiŋ jomboo to le, Mansa Nebukanesa ye meŋ londi.

Jabuuroolu 62:4

Ì be pareeriŋ ne doroŋ ka a bondi a la dulaa buuñaariŋ baa to. Faniyaa le ka ì kontaani. Ì ka kuu kendoo duwaa ì daa le la, bari ì ka dankaroo ke ì sondomoo kono. S

Yohana 12:10

Wo kamma la piriisi* ñaatonkoolu ye feeroo siti ka Lasarus fanaa faa,

Maaka 15:1

Kabiriŋ fanoo keta doroŋ, piriisi* ñaatonkoolu, alifaalu, Luwaa karammoolu* aniŋ kansulumoolu bee kambenta. Ì ye yaamaroo dii ka Yeesu siti, ì naata a samba, ì ye a dii Payileti la.

Matiyu 26:4

Ì ye feeroo siti ka Yeesu muta kulloo kono aniŋ ka a faa.

Matiyu 12:14

Farisewolu* fintita banta ka jamfaa siti a kamma, ì be a faa la ñaameŋ.

Jabuuroolu 10:9

A jatamaa le ka tara bitiriŋ a la maabodulaa, a ka tara bitiriŋ ne ka boyi moo bataariŋolu kaŋ. A ka ì muta a la jaloolu le la, a ye ì kuruntu ka ì samba.

Nahumu 2:12

Jatoo ka daafeŋ koteŋolu le faa, a ye a diŋolu konoo fandi ì la, a ye ì kaŋo kati jatamusoolu ye. A ka a la koloo fandi deema suboo le la, a taradulaa ye tara faariŋ suboo la.

Mika 6:5

N na moolu, ali i miira Balaki Mowabi mansa ye feeroo meŋ siti ali kamma nuŋ, aniŋ Balaamu Bewori dinkewo ye a jaabi ñaameŋ. Ali i miira ali la taamasiloo la, ka bo Sitimu ka taa Kilikali, ali be a kalamuta la le, nte Yaawe ye baara kendoolu mennu ke.”

Daniyeli 3:11

Niŋ moo-wo-moo maŋ sujudi ka baturoo ke, ì be a maarii fayi la fuuri dimbaa wuleŋo le kono.

Jabuuroolu 94:20

Fo kiitindirilaa kuruŋolu niŋ ite si teeriyaa noo baŋ, wolu mennu ka kuu tilimbaloo ke luwaa tooyaa la?

Jabuuroolu 2:2

Duniyaa mansoolu ye i paree keloo la. Maralilaalu kafuta ñoo ma ka feeroo siti Yaawe* kamma, aniŋ a la tomboŋ mansa.

Jabuuroolu 83:5

Ì ye jamfaa siti kaŋ kiliŋ ne la, ì kambenta i kamma.

Daniyeli 6:16

Wo le to mansa ye yaamaroo dii ko, ì si Daniyeli samba, ì ye a fayi jatoolu la koloo kono. A ko Daniyeli ye ko, “Allamaa i la Alla ye i tankandi, i ka tu meŋ batu la waati-wo-waati.”

Jabuuroolu 59:5

Ite Yaawe Alihawaa Maariyo*, ite le mu Banisirayila la Alla ti. Wuli, i ye banku koteŋ moolu jarabi. Kana yamfa moo kiliŋ ye, wo jamfantuŋ jawoolu kono. S

Daniyeli 2:4

Ì ye mansa jaabi Arameya kaŋo to ko, “Mansa, Allamaa i mee la! Ntolu mu i la dookuulaalu le ti. I la siiboo fo ǹ ye, m̀ be a fasari la i ye le.”

Daniyeli 6:22

N na Alla ye a la malaayikoo le kii naŋ, a ye jatoolu daa muta, aduŋ ì maŋ kuu ke n na, kaatu a ye a loŋ ne ko, m maŋ sootaari soto a la karoo la. Aduŋ m maŋ kuu kuruŋ ke ite Mansa fanaa la.”