Daniyeli 5:30 - Mandinka Bible

³⁰ Wo suutoo faŋo le mu, ì ye Babiloni mansakewo Belisasa faa.

Daniyeli 5:30 Referans Kwoze

Yeremiya 51:31

Kiilaalu loota ñoo nooma, ì loota ñoo nooma, ì niŋ boroo, ka taa a fo Babiloni mansakewo ye ko, ì ye a la saatewo karoo bee muta le,

Yeremiya 51:57

M be a ñaatonkoolu niŋ a moo ñaamendiŋolu siirandi la le, a maralilaalu, wolu noomalankoolu, aniŋ a kelejawaroolu. M be ì tundi la siinoo le kono ì kana kuniŋ.” Mansoo le ye a fo, meŋ too mu Yaawe Alihawaa Maariyo ti.

Yeremiya 51:39

Tuma meŋ ì be haburiŋ, m be bidaŋ domoroo le londi la ì ye, ŋa ì siirandi fo ì ye kontaani, ì ye naa tu siinoo la, ì te kuniŋ na kotenke.” Yaawe le ye a fo.

Yeremiya 51:11

Yaawe ye Mediya mansoolu le suusundi ka Babiloni kele, kaatu a ye a nata le ka a kasaara. Wo le mu Yaawe la julujoo ti, a la julujoo ì to, ì ye meŋ ke a Batudulaa Buŋo* la. Ì ko, “Ali ali la kalabeñoolu melundi, ali ye ali la koteeroolu* ñafu!

Yesaya 47:9

Bari luŋ kiliŋ, ñaa biti niŋ ñaa yele kono, ñiŋ kuu fuloo be ke la le, i diŋolu bee be faa la le, i be ke la furuyaamusoo ti. I la batuutaalu niŋ saaboolu siyaata ñaa-wo-ñaa, ñiŋ kuwolu be laa la i kaŋ ne, ì te baayi la.

Yeremiya 50:24

Ite Babiloni, ŋa dooliŋo le laa i ye, a ye i muta, aduŋ i maŋ a loŋ. Ŋa i soto le, ŋa i ñankoŋ, kaatu i ka nte Yaawe le kele.

Amosi 6:7

Wo kamma la alitolu le foloo be tara la mutoo kono. Ka tara janjandiŋ siiraŋ baalu kaŋ aniŋ ka tara juuraloolu la, bee be daŋ na.