Daniyeli 2:20 - Mandinka Bible

²⁰ “Tentoo be Alla ye fo abadaa, meŋ taa mu ñaameŋo niŋ semboo ti.

Daniyeli 2:20 Referans Kwoze

Jabuuroolu 113:2

Jayiroo ye ke Yaawe too la, ka bo saayiŋ, ka taa fo abadaa.

Yuuba 12:13

Bari ñaameŋo niŋ semboo be Alla le bulu, ate le mu yaamaroo diilaa ti, aniŋ fahaamuroo.

Lankenemoo 5:12

ì be a fo kaŋ niŋ sari baa la ko: “Saajiiriŋo meŋ kanateyita nuŋ, ate le jarita semboo niŋ fankoo bee la, aniŋ ñaameŋo, waroo niŋ horomoo, kallankeeyaa* niŋ jayiroo!”

Yeremiya 32:19

I la feeroolu warata le, aduŋ i la keroolu semboo warata. I ñaa ka tara hadamadiŋolu bee taaraŋ siloolu la le, aduŋ i ka moo-wo-moo joo ka bo niŋ a maañaa le la, aniŋ ka bo niŋ a kekuwolu la.

Jabuuroolu 147:5

M̀ Maariyo warata le, a semboo warata le, a la ñaameŋo tambita sumaŋo la le.

Yuuda 1:24

Tenturoo niŋ jayiroo be ate le ye, meŋ si ali tanka noo boyoo ma, ka ali sootaaribaloolu samba a la kallankeeyaa kono, ali be seewoo soto la a ñaatiliŋo la daameŋ.

Kuma Kotoomaalu 8:14

Dandalaari kendoo niŋ sondome kuniŋo mu n taa le ti, ŋa fahaamuroo niŋ semboo soto le.

Jabuuroolu 115:18

Bari ntolu be Yaawe tentu la le, ka bo saayiŋ na, ka taa fo abadaa. Ali Yaawe jayi.

1 Mansoolu 8:56

“Tentoo be Yaawe ye, meŋ ye dahaa dii a la moolu Banisirayilankoolu la, ko a ye a laahidi ñaameŋ. Hani kuma kiliŋ maŋ boyi a la laahidi kendoolu kono, a ye mennu dii ǹ na ka bo niŋ a la dookuulaa Musa la.

Matiyu 6:13

Aduŋ kana ǹ dundi marisa kuwo kono, bari i si m̀ bondi Seetaani* bulu. Kaatu ite le taa mu mansabaayaa ti, semboo aniŋ waroo fo abadaa. Amiin.

Jabuuroolu 62:11

Alla diyaamuta seneyaarinke le. Ŋa ñiŋ ne moyi n tulu fuloo la ko, semboo mu ite Alla le taa ti,

Jabuuroolu 50:23

Moo meŋ ka tenturoo dii n na sadaa ti, wo maarii ka nte le horoma a ñaama. Moo-wo-moo ka taama sila kendoo la, wo kono nte Alla be a kiisa la le.”

Jabuuroolu 41:13

Tentoo be Yaawe ye, Banisirayila la Alla, ka bo saayiŋ ka taa fo abadaa. Amiin! Amiin!

2 Taarika 20:21

Kabiriŋ a niŋ moolu diyaamuta kuwolu la, ì ñanta meŋ ke la, a ye moolu tomboŋ, mennu be tambi la kelediŋolu ñaato ka suukuwo laa Yaawe ye, ka a jayi a la seneyaa niŋ a la kallankeeyaa* kaŋ ko: “Ali Yaawe tentu, kaatu a la kanu bambaloo be tu la le fo abadaa.”

1 Taarika 29:20

Wo to le Dawuda ye jamaa bee yaamari ko, “Ali Yaawe tentu, ali la Alla.” Bituŋ jamaa bee ye Yaawe tentu, ì mumuñolu la Alla, ì sujudita a ye ka a batu, aduŋ ì ye Mansa fanaa kuliyaa.

1 Musa 14:20

Tentoo be Alla Mansa Tallaa ye, meŋ ye i jawoolu duŋ i buloo kono.” Iburama ye feŋolu siidulaa tanjaŋo dii a la, a ye mennu murundi naŋ.

Jabuuroolu 113:1

Ali Yaawe* jayi. Alitolu mennu mu Yaawe la dookuulaalu ti, ali a jayi. Ali a too jayi.

Esekiyeli 28:3

Hani ite le ñaamenta Daniyeli ti, kulloo te jee meŋ be maaboriŋ i ma.

Nehemiya 9:5

Bituŋ Lewi lasiloo moolu mennu keta Yesuwa ti, Kadimiyeli, Bani, Hasabuneya, Serebiya, Hodiya, Sebaniya, aniŋ Petahiya ko: “Ali wuli ka Yaawe, ali la Alla tentu, badaa-badaa Alla. Ali tentoo dii a too buuñaariŋo la, tenturoo niŋ jayiroo te a la waroo daŋo fo noo la ñaa-wo-ñaa.”