Daniyeli 11:40 - Mandinka Bible

⁴⁰ “Waatoo meŋ londita Aramu mansa ye, niŋ wo waatoo siita, Misira mansa be a boyinkaŋ na keloo la le. Bari Aramu mansa be a benduŋ na keloo la le, komeŋ burufatoo niŋ kankaŋo, a niŋ a la keleraŋ sareetoolu*, suwoolu, aniŋ kuluŋ jamaalu. A be banku jamaa le boyinkaŋ na ko waamoo.

Daniyeli 11:40 Referans Kwoze

Daniyeli 11:35

Moo ñaamendiŋo doolu be faa la le ñiŋ kamma la moolu ñinnu si seneyaa, ì ye janku. Ñiŋ kuwo be tara la ke la le fo labandulaa ye sii, Alla ye waatoo meŋ londi.

Daniyeli 11:10

“Aramu mansa dinkewolu be kelediŋ jamaa baa le kafu la ñoo ma. Ì kono kiliŋ ne niŋ a la kelediŋolu waamemaa be naa, aduŋ ì niŋ keloo le be taa, ka ì jawoolu la tatoo boyinkaŋ.

Yesaya 5:28

Ì la beñoolu be melundiŋ ne, ì la kaloolu be pareeriŋ keloo ye. Ì la suwoolu worosoolu be bambandiŋ ko beroo, ì la sareetoolu siŋolu ka bori ko saafoñotoo.

Lankenemoo 16:12

Malaayika wooronjaŋo ye a la booloo boŋ Yufurati Boloŋo kaŋ. Bituŋ a jiyo jaata kes, ka siloo parendi mansoolu niŋ ì la kelediŋ kafoolu ye, mennu ka bo naŋ tilibo maafaŋo la.

Jakariya 9:14

Yaawe be finti la naŋ ne, a ye tara a la moolu kunto, a la kalabeñoo ye ŋalasi ko saŋ ŋalasoo. Maarii Alla si kelebinoo fee, a ye wuli naŋ a jawoolu kamma ko turubaadoo, meŋ ka bo naŋ bulubaa karoo la.

Daniyeli 12:4

“Bari ite Daniyeli, i si ñiŋ kumoolu ke kulloo kuwo ti, i ye kitaaboo ñiŋ tawuŋ, fo labandulaa waatoo ye sii. Moo jamaa be tara la yaayiŋ-yaayiŋ na le, ka londoo lafaa.”

Esekiyeli 38:4

M be i murundi la i koo le la, ŋa dooliŋo bula i ŋaaŋaa daa ka i kuruntu, i niŋ i la kelediŋolu, aniŋ suwoolu niŋ suuborindilaalu muumee bee, mennu bee be pareeriŋ, ì niŋ ì la kelejooraŋolu. Ì mu kafu baa le ti, ì niŋ ì la koteerindiŋolu* niŋ koteeri baalu, ì bee niŋ ì la hawusaroolu*.

Yeremiya 4:13

A juubee, jawoolu be naa kaŋ ne komeŋ saŋ tawaloolu, ì la keleraŋ sareetoolu* ka munta ko saafoñotoo, ì la suwoolu tariyaata ka tambi seeliŋolu la. Kooroo boyita ǹ kaŋ ne, ǹ kenseŋo tuta.

Yesaya 21:1

Kiilaariyaa kumoo fele keñewuloo* ye baa maafaŋo la. Ko saafoñotoo niŋ semboo ka naa Nekefu* tundoo to ñaameŋ, kasaaroo ka bo naŋ keñewuloo kono wo le ñaama, ka bo bankoo to meŋ silaŋñaa warata.

Lankenemoo 9:16

Kelediŋolu mennu mu suuborindilaalu ti, wolu yaatewo mu miliyoŋ keme fula le ti. Nte ye ì yaatewo moyi le.

Daniyeli 11:22

Niŋ a wulita keloo la, a be kelediŋ jamaa le koora la komeŋ waamoo. Hani Alla la moolu la piriisi* kuntiyo, a be a kasaara la le.

Daniyeli 8:17

Wo le to Jibiril naata loo n daala. N silata le fo ŋa m boyi a ye bankoo to. Bituŋ a ko n ye ko, “Ite hadamadiŋo, a loŋ ko, jeroo ñiŋ ye duniyaa la baŋ waatoo le yitandi.”

Yesaya 66:15

A juubee, Yaawe niŋ dimbaa le be naa kaŋ, aduŋ a la keleraŋ sareetoolu* ka munta le ko saafoñotoo, a be a la kamfaa jindi la niŋ semboo le la, a la jalayiroo ye naa naŋ ko dimbaa neŋo.

Daniyeli 11:7

musoo ñiŋ baadiŋolu kono, doo be seyi la a faamaa noo to mansayaa la. Wo le be taa boyi la Aramu mansa la kelediŋ kafoo kaŋ. A be duŋ na ì la tatoo kono le, a ye ì kele, aduŋ a be ì noo la le.

Daniyeli 11:11

Misira mansa be kamfaa la baake le, a be finti la le ka taa Aramu mansa kele. Wo fanaa be kelediŋ jamaa baa le kafu la ñoo ma, bari Misira mansa be a noo la le.

Daniyeli 11:13

Aramu mansa be muru la le, a ye kelediŋ jamaa baa kafu ñoo ma, meŋ siyaata ka tambi folooto taa la. Sanji jamaa koolaa, a be naa le tukuŋ, a niŋ a la kelediŋ kafu baa niŋ ì la jooraŋolu kempuriŋo.

Daniyeli 11:25

“A be a faŋ kafu la semboo la le, a ye fatiyaa, a niŋ a la kelediŋ kafu baa ye taa keloo boyi Misira mansa kaŋ. Wo fanaa niŋ kelediŋolu le be a kele la, mennu siyaata a taa ti. Bari ì be feeroo le taamandi la Misira mansa kaŋ, aduŋ a te kututeyi la.

Daniyeli 11:39

A be tata baalu boyinkaŋ na keloo la le ka bo niŋ batufeŋo la maakoyiroo la, meŋ bota bantala bankoo kaŋ. Moolu mennu sonta a la mansayaa la, a be horoma baa le dii la wolu la. A be ì marandi la moo jamaa le ma, aduŋ a be kenoo talaa la ì teema le, ka ì joo a la.

Daniyeli 12:9

A ko n ye ko, “Daniyeli, taa doroŋ, bayiri ñiŋ kuwolu keta kulloo le ti, aduŋ ì maabota le, fo niŋ labandulaa waatoo siita.

Habakuki 3:14

Ite le ye a kuŋo soo a faŋo la kalabeñoo la, biriŋ a la kelediŋolu naata ǹ kaŋ niŋ semboo la, ka ǹ caarindi. Ì niŋ seewoo baa, ì pareeriŋo ka moo bataariŋolu kasaara, mennu be maaboriŋ.

Esekiyeli 38:9

Ite Kooki, i niŋ i kafuñoolu aniŋ i la kelediŋ kafu baa be taa la le ka kirimbaasi wo bankoo kaŋ, aniŋ ka ñapi ì kaŋ ko turubaadi baa, ka wo bankoo bee muuri komeŋ minaayoo.”