Daniyeli 11:27 - Mandinka Bible

²⁷ Kuu jawu kewo le be tara la mansakee fuloo ñinnu sondomoo kono. Ì be domoroo ke la ñoo kaŋ dulaa kiliŋ ne, aduŋ ì be faniyaa fo la ñoo ye le. Bari ì lafita meŋ na a te ke la, kaatu a waatoo maŋ sii.

Daniyeli 11:27 Referans Kwoze

Jabuuroolu 12:2

Moolu bee ka faniyaa le fo ñoo ye. Ì ka ñoo yooti ì daalu le la, aduŋ neeneeroo le ka tara ì sondomoolu kono.

Habakuki 2:3

Ñiŋ lankenemayandiroo ka a waatoo le batu. A diyaamuta labandulaa kuwolu le la, aduŋ a te ke la faniyaa ti. A kuwo naafata ñaa-wo-ñaa, hani wo a batu. A be koyiriŋ ne lewu ko a be naa le, a te baayi la muk.

Daniyeli 11:35

Moo ñaamendiŋo doolu be faa la le ñiŋ kamma la moolu ñinnu si seneyaa, ì ye janku. Ñiŋ kuwo be tara la ke la le fo labandulaa ye sii, Alla ye waatoo meŋ londi.

Jabuuroolu 64:6

Niŋ ì ye ì la tilimbaliyaa feeroolu dadaa, ì ye a fo ko ì ye feere kendoo le laa. Muna, hadamadiŋo le sondomoo niŋ a hakiloo dibita.

Daniyeli 11:40

“Waatoo meŋ londita Aramu mansa ye, niŋ wo waatoo siita, Misira mansa be a boyinkaŋ na keloo la le. Bari Aramu mansa be a benduŋ na keloo la le, komeŋ burufatoo niŋ kankaŋo, a niŋ a la keleraŋ sareetoolu*, suwoolu, aniŋ kuluŋ jamaalu. A be banku jamaa le boyinkaŋ na ko waamoo.

Daniyeli 8:19

A ko n ye ko, “A juubee, m be a yitandi la i la le meŋ be ke la Alla la kamfaa labandulaa to. Jeroo ñiŋ ye labandulaa la kuwo le yitandi, Alla ye meŋ londi fokabaŋ.

Kuma Kotoomaalu 26:23

Daandiŋo meŋ muurita kodiforoo la, wo mu moo le ti, meŋ ka kuma diimaa fo, a maŋ futa a kono.

Kuma Kotoomaalu 12:20

Neeneeroo ka tara moolu le hakiloo kono, mennu pareeta kuu kuruŋ kewo la, bari mennu ka tara kayira kuwo to, ka seewoo soto le.

Jabuuroolu 58:2

Hanii, ali ka kuu kuruŋolu le siti ali sondomoolu kono. Ali ka fitinoo le taamandi bankoo kaŋ.

Jabuuroolu 52:1

Ite jarintewo, muŋ ne ye a tinna i ka i faŋ wara kuu jawoolu kaŋ, a ye a tara Alla la kanu bambaloo be nte le fee luŋ-wo-luŋ?

1 Tesalonikankoolu 5:1

Baadiŋolu*, m̀ maŋ suula ka safeeroo ke waatoolu niŋ luŋolu la kuwo to,

Kiilaalu 17:31

Alla ye luŋo londi le, a be duniyaa moolu kiitindi la meŋ na tiliŋo kono, aduŋ a be a ke la ka bo niŋ kewo le la, a ye meŋ tomboŋ. A ye seedeyaa dii moolu bee la le a la kuwo to, ka a wulindi saayaa kono.”

Kiilaalu 1:7

A ko ì ye ko, “A maŋ ke alitolu la kuwo ti ka waatoolu niŋ luŋolu loŋ, m Faamaa ye mennu londi a fansuŋ kaŋo kaŋ.

Daniyeli 11:29

“A be muru la Misira bankoo kaŋ ne, niŋ a waatoo siita, bari ñiŋ siloo, kuwolu be yelema la le.

Daniyeli 10:1

Perisiya mansakewo Kirusi la mansayaa sanji sabanjaŋo la, lankenemayaa kumoo naata Daniyeli kaŋ, ì ye meŋ toolaa Belitesasa la. Kumoo ñiŋ mu tooñaa le ti, aduŋ a keta fitina baa le ti. A ye a hakilitu kumoo ñiŋ to le, aduŋ a ye lankenemayaa ñiŋ fahaamu le.

Esekiyeli 17:9

“A fo ì ye, nte Yaawe ì Maariyo ye ñiŋ ne fo ko: Fo a be baluu noo la le ka yiriwaa baŋ? Fo sontiŋ foloo te a suloolu wutu la baŋ? A ye a diŋolu warasi a bala, a ye a suloolu bula ì ye noro, a soroŋ kutoolu bee ye noro. A te suula la moo sembemaa jamaa la faŋ ka a wutu faŋ.

Kuma Kotoomaalu 19:21

Moo ka kuu jamaa feere a sondomoo kono le, bari Yaawe taa le ka ke kuu looriŋo ti.

Jabuuroolu 62:9

Hadamadiŋo mu niijii foñoo doroŋ ne ti, biriŋ moo baa fo moo koteŋ kenseŋ, a bee nafantaŋ. Niŋ i ye ì laa peesaraŋo kaŋ, ì te feŋ boyi la. Hani niijii foñoo le kuliyaata ì ti.

2 Samuweli 13:26

Wo to le Abusalomu ko, “Wo to, dukaree, n kotoo Amunoni bula, a niŋ ŋà taa ñoo la.” Mansa ye a ñininkaa ko, “Muŋ ne ye a tinna, a niŋ i be taa ñoo la?”

Daniyeli 11:28

Aramu mansa be seyi la a la bankoo kaŋ ne, a niŋ feŋ jamaalu, a ye mennu taa keloo kono. Hani wo, a be tara la hameriŋ ne ka Alla la moolu la diinoo tiñaa. Meŋ diyaata a ye, a be wo le ke la, a ye muru a la bankoo kaŋ.

Daniyeli 8:17

Wo le to Jibiril naata loo n daala. N silata le fo ŋa m boyi a ye bankoo to. Bituŋ a ko n ye ko, “Ite hadamadiŋo, a loŋ ko, jeroo ñiŋ ye duniyaa la baŋ waatoo le yitandi.”