Amosi 9:7 - Mandinka Bible

⁷ Yaawe ye ñiŋ ne fo a ko, “Alitolu Banisirayilankoolu, fo ali ye ñiŋ ne miira baŋ ko alitolu le kummaayaata n ñaa koto ka tambi Kusinkoolu* la? Nte le ye ali bondi naŋ Misira kono. Nte le fanaa ye Filisitinkoolu bondi naŋ Kireti jooyoo kono, aniŋ Aramunkoolu ka bo Kiri bankoo kaŋ.

Amosi 9:7 Referans Kwoze

Yeremiya 47:4

Kaatu luŋo siita le silaŋ, ka Filisitinkoolu bee kasaara, aniŋ ka ì la kana moolu bee faa, mennu si Tire niŋ Sidoni maakoyi. Nte Yaawe pareeta le ka Filisitinkoolu kasaara, mennu bajonkita naŋ ka bo Kireti baajooyoo to.

2 Mansoolu 16:9

Asiriya mansa sonta Ahasi ye a daani kuwo meŋ na. A wulita Damasiku saatewo kamma, a ye jee muta. A ye jee moolu bayi ka taa Kiri maafaŋo la, aduŋ a ye Mansa Resini faa.

5 Musa 2:23

Ñiŋ kuu siifaa le keta Awinkoolu fanaa la. Ì tarata siiriŋ nuŋ saateeriŋolu to le taariŋ ka taa fo Kaasa saatewo ye bulubaa karoo la. Filisitinkoolu mennu bajonkita ka bo Kireti jooyoo to le ye ì faa, ì siita ì la bankoo kaŋ.

Amosi 2:10

Ŋa ali bondi Misira. Ŋa ali ñaatonkayaa keñewuloo* kono sanji taŋ naani, ka Amorinkoolu la bankoo dii ali la ka ke ali taa ti.

Amosi 1:5

M be Damasiku saatewo daa tawundaŋolu kati la, ŋa Bikati-Aweninkoolu kasaara, aniŋ mansadokoo be meŋ bulu Beti-Edeni. Aramunkoolu ye tara mutoo kono Kiri bankoo kaŋ.” Yaawe le ye a fo.

Hoseya 12:13

Yaawe ye annabiyomoo le taa, ka Banisirayila bondi naŋ Misira, a ye wo annabiyomoo le taa fanaa, ka ì kanta.

Yeremiya 13:23

Fo Kusinkoo* si a balafatoo yelemandi noo baŋ, waraŋ soloo ye a baloo tompoolu yelemandi noo? Niŋ wo keta, wo to ite si kuu kendoo ke noo, ite meŋ dalita kuu kuruŋ kewo la.

Yesaya 22:6

Elamunkoolu niŋ kalabeñoolu naata le, ì la keleraŋ sareeti* borindilaalu niŋ ì la suwoolu, Kiri kelediŋolu ye ì la koteeroolu* parendi le.

Yesaya 20:4

Asiriya mansa be Misirankoolu niŋ Kusinkoolu samba la mutoo kono le, dindiŋ, keebaa, ì bala kenseŋo niŋ ì siŋ kenseŋo, ì juwo ye tara banta. Wo be ke la Misira la maloo le ti.

2 Musa 12:51

Aduŋ wo luŋo faŋo le Yaawe ye Banisirayilankoolu kafumaalu bondi Misira kono.

Yesaya 43:3

Kaatu nte le mu Yaawe ali la Alla ti, Banisirayila la Senuŋ Baa, ali Kiisandirilaa. Ali la kuwo le ye a tinna ŋa Misira, Kusi* aniŋ Seeba ke ali ye kumakaaraŋo ti.

2 Taarika 14:9

Sera Kusinkoo* niŋ kelediŋ wuliwuloolu aniŋ keleraŋ sareeti* keme saba le fintita Yahuuda kamma, aniŋ ì taata le fo Maresa saatewo to.

2 Taarika 14:12

Bituŋ Yaawe wulita Kusinkoolu kamma, Asa niŋ Yahuuda ñaatiliŋo la, bituŋ Kusinkoolu borita.