Amosi 8:4 - Mandinka Bible

⁴ Ali i lamoyi ñiŋ na alitolu mennu ka i tuu fuwaaroolu kaŋ, ali ka sembentaŋolu kasaara bankoo kaŋ.

Amosi 8:4 Referans Kwoze

Amosi 5:11

Ali ye fuwaaroolu toorandi, aniŋ ali ye siimaŋ kese naamoo laa ì kaŋ. Wo kamma la, ali ye buŋolu mennu loo bere leseriŋo la, ali te sabati la ì kono. Ali ye wayini* yiri diimaalu mennu tutu, ali te ì jiyo miŋ na.

Kuma Kotoomaalu 30:14

Doolu be jee, mennu ñiŋolu mu hawusaroolu* ti, aniŋ mennu ŋaaŋaalu ka munta ko muroolu, ka fuwaaroolu bondi duniyaa kono, aniŋ mennu ka fentaŋolu bondi moolu kono.

Jabuuroolu 14:4

Fo moo jawoolu maŋ fahaamuroo ke baŋ? Ì ka i baluu n na moolu suboo le la, aduŋ ì buka Yaawe daani.

Jabuuroolu 140:12

Yaawe, ŋa a loŋ ne ko, ite le ka loo moo bataariŋolu la kiitiyo la, aniŋ fentaŋolu la boloo ye.

Jabuuroolu 12:5

Yaawe ko, “M be wuli la le, kaatu ì ye fuwaaroolu mantoora le, aduŋ fentaŋolu be woosii kaŋ ne. M be tankoo dii la ì la le, ì be lafiriŋ meŋ na.”

Yankuba 5:6

Ali ye moo tilindiŋo kiitindi, ali ye a faa, a maŋ balaŋ noo ali ma.

Matiyu 23:13

“Kooroo be alitolu Luwaa karammoolu niŋ Farisewolu ye, alitolu bunaafayoolu! Ali ye siloo soroŋ moolu ma ka taa Arijana mansabaayaa kono. Ali faŋolu te duŋ na, aduŋ ali te moolu bula la, mennu lafita ka duŋ.

Yeremiya 5:21

Ali ali tuloo tu ñiŋ to, alitolu toolee hakilintaŋolu. Ñaa be ali la le, bari ali buka i je, tuloo be ali la, bari ali buka i moyi.

1 Mansoolu 22:19

Bari Mikaya tententa ka a fo ko, “I lamoyi saayiŋ Yaawe ye kumoo meŋ fo. Ŋa Yaawe je siiriŋ a la mansasiiraŋo kaŋ Arijana kono, a la malaayikoolu bee be looriŋ a karadandaŋolu la.

Amosi 7:16

Ite ko, n kana kiilaariyaa kumoo ñiŋ futandi Banisirayilankoolu ma, Isiyaaka koomalankoolu, aniŋ ŋa n dahaa ì kawandoo la. Wo kamma la, i lamoyi kumakaŋo la Yaawe ye meŋ fo i la kuwo to.

Yeremiya 28:15

Wo le to n naata a fo Hananiya ye ko, “Hananiya, i lamoyi baŋ! Yaawe maŋ i kii, aduŋ i ye ñiŋ moolu landi faniyaa le la.

Yesaya 28:14

Wo to saayiŋ, alitolu ñaawalilaalu, alitolu mennu marata ñiŋ Yerusalaamunkoolu ma, ali Yaawe la kumoo moyi.

Yesaya 1:10

Alitolu Yerusalaamunkoolu, ali niŋ ali la maralilaalu ka munta le ko Sodomu niŋ Komorankoolu! Ali ali tuloo loo Yaawe la kumoo la! Ali ali hakiloo tu ǹ na Alla la luwaa to!

Jabuuroolu 56:1

Hee Alla, balafaa n ye, kaatu moolu le be n toorandi kaŋ. N jawoolu le ka tu m mantoora la.

Yuuba 24:4

Ì ka semboo tiliŋ fentaŋolu la ka ì bali ì hakoo la. Ì ka sembetiiyaa tiliŋ fuwaaroolu la, fo ì ka bori ka maabo.

Esekiyeli 45:10

Yaawe ko: “Ka bo saayiŋ na ali ñanta tiliŋ na ali la peesaroolu to le, ka bo ali la siimaŋ kese peesarilaŋolu niŋ ali la tulu sumandaŋolu la.

Amosi 5:12

Ŋa a loŋ ne, ali ye kuruŋyaa kuwolu mennu bee ke, aniŋ ali la junube kuukewo warata ñaameŋ. Ali ye moo tilindiŋolu batandi, ali ye dukoolu muta. Ali ye tooñaa nakari fuwaaroolu bulu kiitiidulaalu to.

Mika 2:2

Niŋ ì hameta kunku meŋ na, ì ka wo buusi a maarii bulu le. Niŋ ì lafita buŋo meŋ na, ì ka a taa le. Ì ka kewolu niŋ ì la dimbaayaalu toorandi, ì ka ì sotofeŋolu foriseetoo taa.

Jabuuroolu 10:7

A daa kono ka tara faariŋ dankaroo le la, neeneeroo, aniŋ mantoora kumoo. A neŋo be kalandiŋ kuruŋyaa niŋ kuu jawoo le la.

Esekiyeli 22:12

Doolu ka dukoolu muta, ì ka boloo buusi bolootiyo la, ì ka naa a tilimbaliyaa faa wo kaŋ, doolu ka kañewo ñini le fo ì ka lankaŋ tambiriŋo kaniŋ ì baadiŋolu bulu, mennu ye dontoroo ke ì bulu. Ì ka ì siiñoolu la sotofeŋolu taa nakaroo kono, aduŋ a bee jawumaa, ì naata ñina nte Yaawe la le fereŋ.” Maarii Yaawe le ye a fo.

Mika 3:3

Ali la ì busuriŋ koolaa, ali ye ì kuloolu teyiŋ-teyiŋ, ka ì bala suboolu kuntuŋ-kuntuŋ kudewolu ti, ka ì ke kaleeroo kono, ka ì ke nee walaa kaŋ, ali ye ì ñimi.

Jakariya 5:6

Bituŋ ŋa a ñininkaa ko, “Ñiŋ mu muŋ ne ti?” A ye n jaabi ko, “Keraŋo le mu. A ka bankoo bee la kuruŋyaa le yitandi.”