Amosi 8:12 - Mandinka Bible

¹² Ali si bankoo tonkoŋ naanoo bee yaayi. Ali si yamali-yamali daa-wo-daa ka nte Yaawe la kumakaŋo ñini, bari ali te a soto la.

Amosi 8:12 Referans Kwoze

Matiyu 12:30

“Moo meŋ maŋ tara m fee, wo balanta nte ma le. Aduŋ meŋ niŋ nte maŋ kafuroo ke ñoo ma, wo ka a janjaŋ ne.

Daniyeli 12:4

“Bari ite Daniyeli, i si ñiŋ kumoolu ke kulloo kuwo ti, i ye kitaaboo ñiŋ tawuŋ, fo labandulaa waatoo ye sii. Moo jamaa be tara la yaayiŋ-yaayiŋ na le, ka londoo lafaa.”

Kuma Kotoomaalu 14:6

Ñaawalilaa ka ñaameŋo ñini le, bari a buka a soto, londoo sotoo ka sooneeyaa moo bulu le, meŋ ye kuwolu bo noo ñoo to.

Esekiyeli 20:31

Ali ka ali diŋolu ke jani sadaalu ti, ka ali faŋ kosondi ali la jalaŋolu la, fo ka naa bula bii la. Fo ali si naa noo ka n na lafoo ñininkaa baŋ, a ye a tara ali ka ñiŋ kuu haraamuriŋ siifaalu ke? A be koyiriŋ ñaameŋ ko nte Yaawe be baluuriŋ ne, n te ali jaabi la hani feŋ ne la, ali ka n ñininkaa mennu la.

Esekiyeli 20:3

“Ite hadamadiŋo, a fo ñiŋ Banisirayila alifaalu ye ko, muŋ daliila le ye a tinna ì naata ka nte la lafoo ñininkaa? A be koyiriŋ ñaameŋ ko nte be baluuriŋ ne, hani feŋ, n te wo le fo la ì ye.” Maarii Yaawe le ye a fo.

1 Samuweli 3:1

Samuweli tarata nuŋ Yaawe* la dookuwo le la Eli koto. Wo waatoo Yaawe la kumoo la naa maŋ siyaa, jeroolu jamaa maŋ soto nuŋ.

Kuma Kotoomaalu 29:18

Niŋ Alla la yitandiroo te daameŋ, meŋ diyaata moo ye, a ka wo le ke, bari neemoo be moo le ye, meŋ ka luwaa muta.

Kuma Kotoomaalu 1:28

Wo to le ali be n kumandi la, bari n te ali danku la, ali be n ñini la le, bari ali te n je la.

Hoseya 5:6

Ì niŋ beeyaŋolu si Yaawe waliŋ sadaa* ti, bari a te i danku la ì ma, a ye a koo dii ì la le.