Amosi 7:3 - Mandinka Bible

³ Yaawe bala naata faa a ko, a ye a baayi le.

Amosi 7:3 Referans Kwoze

5 Musa 32:36

Yaawe be a la moolu la kuwo kiitii la le, a be balafaa soto la a la dookuulaalu ye le, niŋ a ye a je, ì semboo banta, moo maŋ tu ì kono, biriŋ a foro fo a joŋ.

Yunusa 3:10

Kabiriŋ Alla ye a je, ì ye meŋ ke, ì ye ì koo dii ì la sila kuruŋo la ñaameŋ, a ye balafaa soto, aduŋ a maŋ kasaaroo samba naŋ ì kaŋ ko a ye a fo nuŋ ñaameŋ.

Hoseya 11:8

“Bari Efurayimu, n si i bula noo ñaadii le? Banisirayila, n si m bo noo i to ñaadii le? N si ali kasaara noo ñaadii le ko Aduma saatewo, waraŋ Seboyimu saatewo? Ali la kuwo ye n niyo kuyaa le, balafaa ye m futufaa.

Amosi 7:6

Maarii Yaawe bala naata faa a ko, a ye ñiŋ fanaa baayi le.

Yoweli 2:14

Jumaa le ye a loŋ? A si ke noo, Yaawe ye a hakiloo faliŋ, a si balafaa soto noo ali ye, a ye neema ali ma siimaŋ jamaa la. Bituŋ ali si siimaŋ sadaa* niŋ miŋ feŋ sadaalu bo noo ali la Alla ye kotenke.

Jabuuroolu 106:45

Ì la kuwo kamma la a ye i miira a la kambeŋo la le a niŋ ì teema, aduŋ a sabarita le, a la kanu bambaloo la waroo kamma la.

Yankuba 5:16

Wo kamma la, ali i tuubiseyi ali la junuboolu la ñoo ye, aduŋ ali si duwaa ñoo ye, fo ali si kendeyaa. Moo tilindiŋo la duwaa ye sembe baa le soto.

Yeremiya 26:19

Fo Yahuuda mansakewo Hesekiya, aniŋ Yahuuda moolu ye a faa le baŋ? Fo Hesekiya maŋ Yaawe kuliyaa le, a ye a daani fo a si kaayaa a ye? Fo Yaawe maŋ sabari baŋ, a maŋ naa kasaaroo naati a ye meŋ fo ì ma? Ntolu lafita kasaara baa le samba la naŋ m̀ faŋolu kaŋ!”

1 Taarika 21:15

Alla ye malaayikoo kii, ka Yerusalaamu kasaara. Biriŋ a ye a dati ka jee kasaara, Yaawe balafaata, a ko a ye ko, “A kaañanta. A tu jee.” Wo waatoo Yaawe la malaayikoo tarata Arawuna Yebusinkoo la toñonkari dulaa le to.

1 Musa 6:7

Bituŋ Yaawe kumata ko, “M be hadamadiŋolu bee bondi la duniyaa kono le, ŋa mennu daa, aniŋ daafeŋolu, kuruntu feŋolu, aniŋ kunoolu. N na ì daa keta m fee le.”

Jabuuroolu 90:13

Hee Yaawe*, i la kamfaa be baŋ na muŋ tuma le? I kooma fele, i ye balafaa ǹ ye, ntolu mu i la dookuulaalu le ti.

Yeremiya 42:10

‘Niŋ a ye a tara tooñaa, ali be tu la sabatiriŋ ñiŋ bankoo kaŋ ne, wo to m be ali wulindi la le ka loo, n te ali boyindi la duuma, m be ali tutu la le, n te ali wutu la, kaatu ŋa kasaaroo meŋ naati ali kaŋ, a ye n niyo toora baake le.

Yoweli 2:13

Ali sondomoolu le ñanta ali la niikuyaa yitandi la, a maŋ ke duŋ feŋ faroo ti. Ali muru Yaawe kaŋ, ali la Alla, kaatu a hiinanteeyaata le, aduŋ a balafaa warata, a buka kamfaa juuna, a la kanu bambaloo maŋ dandulaa soto, aduŋ a buka lafi ka jarabiroo ke.

Amosi 5:15

Ali kuu kuruŋo koŋ, ali ye kuu kendoo kanu. Ali ye tooñaa sabatindi kiitiidulaalu to. A si ke noo Yaawe Alihawaa Maariyo ye naa hiinoo soto Yusufa koomalanka toomaalu ye.

2 Musa 32:14

Wo to le Yaawe yamfata, a maŋ naa maasiiba kuwo naati a la moolu kaŋ, ko a ye a fo nuŋ ñaameŋ.

Jabuuroolu 78:38

Hani wo, ate ye balafaa soto ì ye le. A yamfata ì la junuboolu la le, a maŋ ì kasaara. A ka muña a la kamfaa kaŋ ne siiñaa jamaa, a buka a fijoo jindi ì kaŋ.