Amosi 5:24 - Mandinka Bible

²⁴ Janniŋ ali be wo ke la, ali tooñaa feenendi ko baajiyo, ali ye tiliŋo londi ko boloŋo meŋ jiyo te jaa la.

Amosi 5:24 Referans Kwoze

Mika 6:8

Ite hadamadiŋo, Yaawe ye a fo i ye le, meŋ mu kuu kendoo ti, aduŋ a ye meŋ kaniŋ i bulu, wo le mu, ka tooñaa taamandi, ka beteyaa kanu, aniŋ ka bula Alla nooma, i Maarii, fammajiyo kono.

Yeremiya 22:3

Nte Yaawe ye ñiŋ ne fo ko: Ali tooñaa niŋ tiliŋo taamandi. Ali moo-wo-moo bondi a toorandilaa bulu, ì ye meŋ nakari. Ali kana tumarankewolu toora waraŋ ka ì fitina, ka taa aliyatiimoolu, aniŋ furuyaamusoolu. Ali kana moolu yeloo boŋ ñiŋ bankoo kaŋ, mennu maŋ kuu ke.

Hoseya 6:6

N lafita kanu bambaloo le la, a maŋ ke beeyaŋ sadaa* ti, Alla loŋo diina jani sadaa ti.

Kuma Kotoomaalu 21:3

Ka kuu tilindiŋo ke aniŋ ka luwaa muta, Yaawe sonta wo le la, ka tambi beeyaŋ sadaa* ti.

Amosi 5:7

Kooroo be boyi la ali kaŋ ne, alitolu mennu ka tooñaa yelemandi faniyaa baa ti, ali ye ali siŋo loo tiliŋo kaŋ.

Yesaya 48:18

Niŋ ali ye ali hakiloo tu nuŋ n na yaamaroolu to, ali la kayiroo be feenee la le ko baajiyo, tiliŋo ye ke ko baa baliŋo.

Esekiyeli 45:9

Maarii Yaawe ye ñiŋ ne fo ko: “Alitolu Banisirayila mansoolu, ali kana n na moolu nakari. Kaatu ali la tilimbaliyaa niŋ fitinoo landatambita le. Ali i foño n na moolu toorandoo la, ali ye a dati ka tiliŋo niŋ tooñaa taamandi. Ali i foño ka n na moolu bondi ì la suwolu kono.” Maarii Yaawe le ye a fo.

Amosi 5:23

Ali ali suukuukaŋo bo n daala. M maŋ lafi ali la kontiŋ kosoo moyi la.