Amosi 3:8 - Mandinka Bible

⁸ Niŋ jatoo bumbunta, jumaa le te sila la? Niŋ Maarii Yaawe diyaamuta, jumaa le si a la kumakaŋo bankewo baayi noo?

Amosi 3:8 Referans Kwoze

Kiilaalu 4:20

Ǹ te kuwolu fobaliyaa noo la, ŋà mennu je, aniŋ ŋà mennu moyi.”

Amosi 3:4

Fo jatoo ka bumbuŋ wuloo kono le baŋ, niŋ a maŋ subu je? Fo jatandiŋo ka tara kuma la a la koloo kono le baŋ, niŋ a maŋ feŋ muta?

Yeremiya 20:9

Bari niŋ n kumata ko, n te i la kuma fo la kotenke, waraŋ ka diyaamu i tooyaa la, i la kumoo ka ke n jusoo kono le ko dimbaa, ko dimbaa meŋ be fo n jusoo kono. M bataata n deyi la a kaŋ ne, n te wo noo la faŋ.

Amosi 1:2

Amosi ko, “Yaawe* kamfaatoo daalita Siyoni* Konkoo kaŋ Yerusalaamu, komeŋ niŋ jatoo bumbunta. Beeyaŋ daañini dulaa ñaamoo bee jaata, Karimeli Konkoo kaŋ bee norota.”

Lankenemoo 5:5

Wo to le alifaa kiliŋo ko n ye ko, “Kana kumboo! A juubee, Yahuuda lasiloo la jatoo meŋ bota Dawuda bala, a ye nooroo ke le. Wo kamma la, ate le si kitaabu moromororiŋo la noto woorowuloo teyi noo ka a yele.”

1 Korintinkoolu 9:16

Niŋ n ka kibaari betoo kawandi, wo te ke la kibiri kuwo ti n ye, kaatu a mu ñantoo le ti n kaŋ. Kooroo be n ye, niŋ m maŋ kibaari betoo kawandi!

Amosi 2:12

“Bari ali ye nasira moolu mindi doloo la le, ali balanta annabiyomoolu ma ka ì la kiilaariyaa kumoo bankee.

Kiilaalu 5:29

Bituŋ Pita niŋ kiilaa doolu ye ì jaabi ko, “Ntolu ñanta Alla la yaamaroolu le muta la ka tambi moolu taalu la.

Kiilaalu 5:20

A ko ì ye ko, “Ali taa, ali ye loo Alla Batudulaa to, ali ye ñiŋ baluu kutoo la kumoolu bee fo moolu ye.”

Yesaya 31:4

Yaawe ye ñiŋ ne fo n ye ko: “Nte Yaawe Alihawaa Maariyo* be naa la le ka keloo ke Siyoni* Konkoo kaŋ. M be ke la le ko jatakee mendiŋo ka kuma ñaameŋ, niŋ a loota suboo kunto. Hani ì ye kantarilaa jurumoo le kumandi a kamma, a buka sila ì sari kaŋo la, waraŋ ì maakaŋo si a bondi a noo to.”

Esekiyeli 29:21

“Wo luŋo la, m be n na moolu Banisirayilankoolu bambandi la le kotenke, aduŋ m be semboo dii la ite Esekiyeli la le kotenke ka diyaamu. Niŋ wo keta, ì be a loŋ na le ko, nte le mu Yaawe ti, ì Maariyo.”

Yesaya 21:10

Hee, n na moolu, Banisirayilankoolu, ì ye ali juru le ko munkoo. Ŋa a kankulaa ali ye le, ŋa meŋ moyi Yaawe Alihawaa Maariyo* la, Banisirayila la Alla.

Yeremiya 26:12

Bituŋ n diyaamuta maralilaalu niŋ moolu bee ye, n ko ì ye ko, “Yaawe le ye n kii ka wo kiilaariyaa kumoolu bee fo ñiŋ Batudulaa Buŋo ma, aniŋ ñiŋ saatewo, ali ye mennu moyi.