5 Musa 1:1 - Mandinka Bible

¹ Ñinnu le keta kumoolu ti, Musa ye mennu fo Banisirayilankoolu bee ye, biriŋ ì be nuŋ keñewuloo kono Yoridani Boloŋo tiliboo la. Ì be Araba* tundoo le kaŋ Sufu ñaatiliŋo la, Parani saatewo niŋ ñiŋ saatewolu teema: Tofeli, Labani, Haseroti, aniŋ Disahabu.

5 Musa 1:1 Referans Kwoze

1 Samuweli 25:1

Kabiriŋ Samuweli faata, Banisirayilankoolu bee benta le ka ì la sunoo yitandi. Ì ye a baadee Rama le a la suwo kono. Wo to le Dawuda taata Parani Keñewuloo* kono.

Yosuwa 22:7

Manase lasili talanteemoo, Musa ye bankoo dii wolu la Basani tundoo le kaŋ. Bituŋ talanteema doo, Yosuwa ye bankoo dii wolu la Yoridani Boloŋo tilijii kara maafaŋo le la, ì niŋ ì baadiŋo doolu. Kabiriŋ a ye ì bula ka seyi suwo kono, a naata neemoo duwaa ì ye.

Yosuwa 22:4

Saayiŋ teŋ, Yaawe ali la Alla ye dahaa dii ali baadiŋolu la le, ko a ye ì laahidi ñaameŋ. Ali muru ali la suwolu kono bankoo kaŋ, Musa Yaawe la dookuulaa ye meŋ dii ali la, Yoridani Boloŋo ñiŋ kara doo la.

Yosuwa 9:10

aniŋ a ye meŋ bee ke Amori mansakee fuloo la, mennu be Yoridani tilibo karoo la: Sihoni, Hesiboni mansa aniŋ Oki, Basani mansa meŋ ye Asitaroti mara.

Yosuwa 9:1

Mansakewolu mennu bee be Yoridani Boloŋo tilijii karoo la konkotundoo* kaŋ, Sefela* konkotundoo aniŋ wo Baa Baa* borindoo bee la ka taa fo Libanooni, ì ye Banisirayila la kuwo moyi le. Wo mansoolu le be Hitinkoolu, Amorinkoolu, Kanaaninkoolu, Perisi koomalankoolu, Hiwinkoolu aniŋ Yebusinkoolu mara kaŋ nuŋ. Kabiriŋ ì ye ñiŋ kuwo moyi,

5 Musa 33:2

A ko: “Ka bo naŋ Sinayi Konkoo santo, Yaawe* naata ǹ kaŋ. A wulita ko tiloo, a malata ǹ kaŋ ka bo naŋ Seyiri. A la maloo malamalata naŋ ka bo Parani Konkoo to, a niŋ malaayika wuliwuloolu, dimbaa be ŋalasi la a bulubaa karoo la.

4 Musa 35:14

Ali saatee saba dii ka bo Yoridani Boloŋo ñiŋ kankuŋo la, ali ye saba dii ka bo Kanaani, ka ke tankañini dulaa ti.

4 Musa 34:15

Ñiŋ lasili fuloo niŋ lasili talanteemoo ye ì la bankoo soto Yoridani Boloŋo tiliboo la, Yeriko be a ye boloŋo tilijiyo la.”

4 Musa 32:32

M̀ be jooraŋolu taa la le ŋà teyi Yoridani Boloŋo la Yaawe ñaatiliŋo la ka taa Kanaani bankoo kaŋ, bari ŋà feŋolu mennu keetaa, wolu be tu la Yoridani Boloŋo ñiŋ kankuŋ doo le la.”

4 Musa 32:19

Ntolu te keetaafeŋ soto la ì fee Yoridani Boloŋo kankuŋ doo la, kaatu ntolu ye ǹ taa soto jaŋ ne, a tilibo kara maafaŋo la.”

4 Musa 32:5

Niŋ ŋà yamfoo soto i la karoo la, ñiŋ bankoo si dii ntolu, i la dookuulaalu la, a ye tara ǹ taayaa to. I kana ntolu teyindi ka taa Yoridani Boloŋo kankuŋ doo la.”

4 Musa 13:3

Bituŋ Musa ye ì kii ka bo Parani Keñewuloo* kono, ko Yaawe ye a yaamaroo dii ñaameŋ. Ñinnu bee mu ñaatonkoolu le ti Banisirayilankoolu kono.

4 Musa 12:16

Wo koolaa le mu moolu naata wuli ka bo Haseroti, ì taata daakaa loo Parani Keñewuloo* kono.

4 Musa 11:35

Bituŋ moolu wulita ka bo ñiŋ dulaa to ka taa Haseroti, ì sabatita jee.

4 Musa 10:12

Bituŋ Banisirayilankoolu fanaa wututa ka bo Sinayi Keñewuloo* kono ka taa ka bo dulaa ka taa dulaa, fo biriŋ minaayoo ñiŋ loota Parani Keñewuloo kono.

4 Musa 13:26

Ì muruta naŋ Musa niŋ Haaruna kaŋ aniŋ Banisirayila jamaa bee Kadesi, Parani Keñewuloo kono. Ì ye i dantee ì ye jee le to, ì niŋ jamaa bee, ì ye bankoo ñiŋ yiridiŋolu yitandi ì la.

Habakuki 3:3

Alla naata ka bo Temani, Senuŋ Baa ka bo Parani Konkoo kaŋ. S A la kallankeeyaa* ye saŋ fatoolu muuri, duniyaa bee faata a jayi kaŋo la.

4 Musa 33:20

Ì bota Rimmoni-Peresi, ì taata daakaa loo Libuna.

5 Musa 2:8

Bituŋ ǹ tambita m̀ baadiŋolu la dulaa to la, Esawu koomalankoolu, mennu be siiriŋ Seyiri konkotundoo kaŋ. Ǹ tententa, ŋà Araba* siloo bula meŋ bota naŋ Elati niŋ Esiyoni-Keberi saatewolu to. Ŋà keñewula siloo taa ka taa Mowabi.

5 Musa 4:46

Ì be daakaariŋ wulumbaŋo le kono Yoridani Boloŋo tiliboo la. Wo wulumbaŋo ñaa be tilindiŋ Beti-Pewori saatewo le la. Ì daakaata tundoo le kaŋ Mansa Sihoni marata nuŋ daameŋ na. Ate le marata nuŋ Amorinkoolu la saatee baa la, meŋ mu Hesiboni ti. Bari Musa niŋ Banisirayilankoolu naata i kutu ì la keloo kono.

Yosuwa 3:16

jiyo la boroo loota. A samasimmaa be looriŋ dulaa jaŋ saatewo doo daala, ì ka a fo daameŋ ye Adama, Saretani saatewo daala. Bituŋ jiyo meŋ ka bori naŋ ka taa Koojii Baa kono, Araba* tundoo la, bee loota kat. Bituŋ moolu naata teyi ka taa Yeriko wo kankuŋ doo la.

1 Mansoolu 11:18

Ì wulita ka bo Midiyani, ì taata Parani. Bituŋ kabiriŋ ì ye moolu taa Parani ka kafu ì ma, ì taata Misira, ka taa Firawoona yaa Misira mansa, meŋ naata buŋo niŋ kenoo dii Hadadi la, aniŋ domoroo.

4 Musa 33:21

Ì bota Libuna, ì taata daakaa loo Risa.

5 Musa 5:1

Bituŋ Musa naata Banisirayilankoolu bee kumandi ka ì bendi ñoo kaŋ, a ko ì ye ko: Alitolu Banisirayilankoolu, ali i lamoyi luwaalu niŋ yaamaroolu bee la m be naa mennu fo la ali ye bii luŋo la. Ali ñanta le ka ì karaŋ, aduŋ ali si ì muta kuuke.

5 Musa 27:1

Musa niŋ Banisirayila alifaalu kafuriŋo ñoo ma, ì ye moolu yaamari ko: Ali yaamaroolu bee muta, n ka mennu dii ali la teŋ bii luŋo la.

5 Musa 29:1

Ñiŋ ne mu kumakaŋolu ti, Yaawe* ye Musa yaamari ka mennu siti kambeŋo ti ate Yaawe niŋ Banisirayilankoolu teema Mowabi bankoo kaŋ, ka lafaa kambeŋo kaŋ, a niŋ ì ye meŋ siti Sinayi Konkoo to.

5 Musa 31:1

Bituŋ Musa tententa ka ñiŋ kumakaŋolu fo Banisirayilankoolu ye,