4 Musa 1:5 - Mandinka Bible

⁵ “Ñinnu le mu kewolu toolu ti mennu ñanta ali maakoyi la: “Elisuri, Sedeyuri dinkewo, ka bo Rubeni lasiloo kono.

4 Musa 1:5 Referans Kwoze

4 Musa 7:30

Luŋ naaninjaŋo, Elisuri le ye a la sadaa samba naŋ, Sedeyuri dinkewo, Rubeni lasiloo ñaatonkoo.

4 Musa 10:18

Kafoolu mennu be Rubeni daakaa to bulata wolu nooma. Ì tarata ì la bandeeroo le koto. Elisuri, Sedeyuri dinkewo, wo le ye ì ñaatonkayaa.

4 Musa 2:10

Bulubaa kara maafaŋo la, Rubeni kelediŋ kafoolu la daakaa ñanta tara la wo le to, ì la bandeeroo koto. Rubeni lasiloo moolu la ñaatonkoo mu Elisuri le ti, Sedeyuri dinkewo.

4 Musa 1:6

Selumiyeli, Surisadayi dinkewo, ka bo Simeyoni lasiloo kono.

4 Musa 7:2

Bituŋ Banisirayila maralilaalu mennu mu dimbaayaa ñaatonkoolu ti, lasili ñaatonkoolu, mennu tarata maakoyiroo la kuŋyaatewo to, naata sadaalu* bo.

4 Musa 2:3

Tilibo kara maafaŋo la, Tiriliisoo ñaatiliŋo la, Yahuuda kelediŋ kafoolu ñanta daakaa loo la wo le to, ì la bandeeroo koto. Yahuuda koomalankoolu la ñaatonkoo mu Naasoni le ti, Amminadabu dinkewo.

4 Musa 7:12

Moo meŋ ye a la sadaa samba naŋ luŋ foloo, wo le mu Naasoni ti, Amminadabu dinkewo, ka bo Yahuuda lasiloo kono.

4 Musa 10:14

Kafoolu mennu be Yahuuda daakaa to, wolu le foloo taata. Ì tarata ì la bandeeroo le koto. Naasoni, Amminadabu dinkewo, wo le ye ì ñaatonkayaa.

1 Taarika 27:16

Ñinnu le mu maralilaalu ti mennu marata Banisirayila lasiloolu moolu ma: Ka bo Rubeni lasiloo kono, Eliyesa Sikiri dinkewo le mu maralilaa ñaatonkoo ti. Ka bo Simeyoni lasiloo kono, Sefatiya Maaka dinkewo le mu.