3 Musa 3:3 - Mandinka Bible

³ I si doo bondi kayira sabatindiraŋ sadaa ñiŋ to, ka a bo niŋ dimbaa la nte Yaawe ye sadaa ti, meŋ keta ñinnu ti: Keŋo meŋ be feeneeriŋ nuwolu kaŋ, aniŋ meŋ niŋ konokono feŋolu be ñoo bala,

3 Musa 3:3 Referans Kwoze

2 Musa 29:13

Bituŋ i si naa keŋo bondi, meŋ be konokono feŋolu bala, jusoo dulaa betoo, aniŋ kookili fuloo, keŋo be mennu bala. I si ì jani wo ñaama sadaajanidulaa kaŋ, ka a ke n ye sadaa ti.

Matiyu 15:8

‘Ñiŋ moolu ka m batu ì daalu doroŋ ne la, bari ì sondomoolu jamfata n na le.

2 Musa 29:22

I si keŋo taa ñiŋ saakotoŋo bala, feñetuŋo niŋ a keŋo, keŋo meŋ be konokono feŋolu bala, jusoo dulaa betoo, kookili fuloo, keŋo ye tara ì bala, aniŋ a bulubaa wutoo. Ñiŋ mu toloori saakotoŋo le ti.

Roomankoolu 6:6

Ŋà a loŋ ne ko, ntolu la baluuñaa kotoo niŋ Kiristu pempenta ñoo la yiribantambiloo bala le, fo m̀ balajaatoo niŋ a la hame kuu jawoolu bee si kasaara, aduŋ junuboo te ǹ joŋyandi la kotenke.

Roomankoolu 5:5

Jikoo buka bo ǹ koto, kaatu Alla le ye ǹ sondomoolu fandi niŋ a la kanoo la ka bo niŋ Noora Kuliŋo la, a ye meŋ dii ǹ na.

Matiyu 13:16

“Bari barakoo be alitolu ñaalu niŋ ali tuloolu ye le, kaatu ali ye jeroo ke le, aniŋ ali ye moyiroo ke le fanaa.

Esekiyeli 36:26

M be sondome kutoo niŋ noora kutoo le duŋ na ali kono. M be wo sondome jaaroo bo la ali kono le, ŋa sondomoo dii ali la meŋ si soŋ m ma.

Yesaya 6:10

Ñiŋ moolu sondomoolu suki, i ye ì tuloo kuyandi aniŋ i ye ì ñaa finkindi. Niŋ wo nte, ì si jeroo ke niŋ ì ñaalu la le, ì ye moyiroo ke niŋ ì tuloolu la, ì ye fahaamuroo ke niŋ ì sondomoolu la, ì ye naa yelema, ì ye kendeyaa.”

Kuma Kotoomaalu 23:26

N diŋo, i hakiloo tu n na kumoo to, aduŋ i si bula n na misaaloo nooma,

Jabuuroolu 119:70

Itolu sondomoolu sukita le, bari i la karandiroo ka nte seewondi le.

5 Musa 30:6

Aduŋ fanaa, a be ali niŋ ali koomalankoolu sondomoolu sunna la le, fo ali si a kanu ali sondomoo bee la aniŋ ali niyo bee la, bituŋ ali si baluu noo.

3 Musa 3:16

Piriisoo si ì bee jani sadaajanidulaa kaŋ ka ke domori sadaa ti, meŋ bota dimbaa la, meŋ seeroo ka nte Yaawe seewondi. Keŋo bee mu nte le taa ti.

3 Musa 1:8

Bituŋ itolu piriisoolu si kunturoolu taa, kuŋo, aniŋ keŋo, ka ì tembendi kuu loo kaŋ, meŋ keta taa to, sadaajanidulaa kaŋ.

3 Musa 1:12

I si a kuntuŋ-kuntuŋ foloo, ka a kuŋo niŋ a keŋo kafu ñoo ma, wo koolaa piriisoo si naa ì tembendi kuu loo kaŋ, meŋ keta taa to, sadaajanidulaa kaŋ.

3 Musa 3:2

I si i buloo laa beeyaŋo ñiŋ kuŋo kaŋ, i ye a kanateyi Bendulaa Tiriliisoo dundaŋ daa to. Haaruna dinkee piriisoolu* si naa a yeloo sari sadaajanidulaa* karadandaŋolu bala.

3 Musa 3:4

kookili fuloo aniŋ keŋo meŋ be ì bala, aniŋ jusoo dulaa kendoo, ka a niŋ kookiloolu bondi ñoo la.

1 Samuweli 2:15

Aduŋ hani wo faŋo, janniŋ keŋo ka jani Yaawe ye, piriisoo la dookuulaa si naa a ye a fo keendiŋo meŋ ka sadaa bo ye ko, “Suboo doo dii piriisoo la, a ye a tabi, a te soŋ na subu fajiriŋo taa la i bulu fo a keroo.”

3 Musa 4:10

Piriisoo si ì bondi ko a ka ì bondi ñaameŋ kayira sabatindiraŋ ninsoo bala, a ye ì jani sadaajanidulaa kaŋ.

3 Musa 7:5

Piriisoo* si ì jani sadaajanidulaa kaŋ, ka ke sadaa ti meŋ bota niŋ dimbaa la nte Yaawe ye. A mu jooseyiraŋ sadaa le ti.

3 Musa 7:30

Ate faŋo si sadaa samba naŋ meŋ be bo la nte Yaawe ye niŋ dimbaa la. A si beeyaŋo ñiŋ keŋo samba naŋ, aniŋ a sisoo, a ye sisoo teeka, ka ke teekandiri sadaa ti nte Yaawe ye.

3 Musa 9:10

A ye a keŋo, a kookiloolu, aniŋ a jusoo dulaa kendoo jani sadaajanidulaa kaŋ ne, komeŋ Yaawe ye Musa yaamari ñaameŋ.

3 Musa 16:25

A si junube kafarilaŋ sadaalu keŋo jani sadaajanidulaa kaŋ.

Esekiyeli 44:15

“Piriisoolu mennu keta Sadoki koomalankoolu ti Lewi lasiloo moolu kono, wolu le marata n na Batudulaa Senuŋo dookuwo la nuŋ, aduŋ ì foroyaata nte ñaatiliŋo la le biriŋ Banisirayilanka toomaalu ye ì koo dii n na. Wo kamma la, ñiŋ piriisoolu le be sutiyaa noo la n na, aniŋ ka tenteŋ ka dookuwo ke n ye. Itolu doroŋ ne be beeyaŋ jani sadaa keŋo niŋ a yeloo bo noo la n ye sadaa ti.” Maarii Yaawe le ye a fo.