2 Timoti 3:11 - Mandinka Bible

¹¹ I ye tooroolu niŋ bataalu loŋ ne, mennu keta nte la Antiyoki saatewo kono, Ikoniyumu aniŋ Listara. Moo te wo tooroolu la jawuyaa fo noo la! Bari hani wo, Maariyo ye n kanandi wo kuwolu bee kono le.

2 Timoti 3:11 Referans Kwoze

Jabuuroolu 34:19

Mantoora kuu jamaa le ka laa moo tilindiŋo kaŋ, bari Yaawe ka a kiisa ì bee le kono.

Kiilaalu 13:45

Bari kabiriŋ Yahuudoolu ye ñiŋ kafu baa je, ì faata niŋ kiiliyaa la. Wo kamma la, ì ye Pawulu la kumoolu soosoo, aduŋ ì ye a dooyaa.

2 Pita 2:9

Wo to, a koyita le ko, Maariyo ye a loŋ ne, a ka a ñaasilannaalu kanandi marisa kuwolu kono ñaameŋ, aniŋ a ka tilimbaloolu tu yankankatiriŋ ñaameŋ fo kiitiiluŋo la.

2 Timoti 4:7

Ŋa kele betoo le kele, ŋa n na ñooseeyaa boroo ke le fo labandulaa to, aduŋ ŋa n na lannoo muta kuu le.

Kiilaalu 26:22

Bari Alla la maakoyiroo tarata n kaŋ ne fo ñiŋ luŋo la. Wo le ye a tinna n loota jaŋ bii ka a seedeyaa moolu bee ye, biriŋ moondiŋ fo moo baa. Aduŋ m maŋ feŋ fo, fo Musa niŋ annabiyomu doolu ye meŋ fo ko, a be ke la le.

Kiilaalu 26:17

M be i kanandi la i la moolu bulu le, aniŋ mennu maŋ ke Yahuudoolu ti, m be i kii la mennu kaŋ.

Kiilaalu 23:10

Bituŋ ñoosaboo naata wara baake fo kelediŋ kuntii baa silata ko, ì be Pawulu fara la ñoo teema le. Wo to le a ye kelediŋolu yaamari ka Pawulu diyaakuyaa bondi ì kono ka a samba kelediŋolu la koridaa to.

Kiilaalu 20:19

N ka Maariyo batu niŋ fammajii baa la, aniŋ ñaajiyo. N ka a batu bataa kuwolu le bee kono, mennu boyita n kaŋ ka bo niŋ Yahuudoolu la feeroolu la.

Kiilaalu 13:14

Bari Pawulu niŋ Barinabas bota Perika ka naa Pisidiya Antiyoki saatewo to. Loobula Luŋo la, ì taata Yahuudi diina bendulaa to, ì siita duuma.

Kiilaalu 9:16

M be a yitandi la a la le, a ñanta toora la ñaameŋ n too kamma la.”

Daniyeli 6:27

Ate le ka tankandiroo niŋ kiisandiroo ke, a ka kaawakuwolu baara saŋo santo le, aniŋ duniyaa kono. Ate le ye Daniyeli tankandi jatoolu ma.”

Yeremiya 1:19

Ì be i kele la le, bari ì te kuu noo la i ma, kaatu m be tara la i fee le, ka i tanka.” Yaawe le ye a fo.

Yesaya 43:2

Niŋ ali be teyi la niŋ baa la, m be tara la ali fee le. Niŋ ali be tambi la niŋ baa diinondiŋo la, jiyo te ali kunuŋ na. Niŋ ali taamata dimbaa kono, ali te jani la. Niŋ ali dunta mantooroo kono, a te ali dewuŋ na.

Yesaya 41:14

Yaakuba koomalankoolu, ali kana sila, alitolu mennu ka muluŋ moolu ñaa koto ko tumboo. Hee ite Banisirayilandiŋ, nte faŋo le be i maakoyi la.” Yaawe Banisirayila la Senuŋ Baa, ali Kumakaalaa faŋo le ye a fo.

Yesaya 41:10

Wo to ali kana sila, kaatu m be ali fee le. Ali kana dewuŋ, kaatu nte le mu ali la Alla ti. M be ali bambandi la le, ka ali maakoyi. M be ali muta la niŋ m bulubaa bulu tilindiŋo le la, ka ali tanka.

Jabuuroolu 91:14

Alla ko, “Bayiri i ye n kanu le, m be i kiisa la le. M be i tanka la le, bayiri i ye n loŋ ne, i jikita n na.

Jabuuroolu 37:40

A ka ì maakoyi le ka ì bondi. A ka ì bondi moo jawoolu bulu le, ka ì tankandi, kaatu ì tarata semberiŋ ate le la.

2 Samuweli 22:49

I ka m bondi n jawoolu bulu, i ye n ke n jawoolu bee ñaato. Fitina moolu la karoo la, i ye n tankandi le.

2 Samuweli 22:1

Dawuda ye ñiŋ suukuwo laa Yaawe* le ye, kabiriŋ Yaawe ye a tankandi a jawoolu bee buloo kono, aniŋ Sawulu bulu.

1 Musa 48:16

Aduŋ a la malaayikoo le ye n tanka kooroo kuwo bee ma. Allamaa Alla ye neema ke ñiŋ kambaanendiŋolu ye. Allamaa n too niŋ n na moo foloolu Iburayima niŋ Isiyaaka toolu ye tu keriŋ ka bo niŋ ñinnu la. Allamaa ì ke la jiidilaa ti, ì ye siyaa duniyaa kono.”

Kiilaalu 14:8

Namatoo doo le ka tara siiriŋ Listara saatewo kono. Ñiŋ kewo nene maŋ taama, a siŋolu be faariŋ biriŋ a wuluu waatoo la.

Roomankoolu 15:31

Ali duwaa n ye, fo n si tanka lannabaloolu ma, mennu be Yudeya tundoo kaŋ, aniŋ fo Yeesu la kafoo moolu si lafi ñiŋ soorifeŋo la, m be meŋ futandi la ì ma Yerusalaamu jee.

2 Korintinkoolu 1:5

Ko Kiristu la kuwo tooroolu be warariŋ ǹ kaŋ ñaameŋ, wo ñaa kiliŋo la, m̀ be sabarindi baa le soto la fanaa ka bo niŋ ate la.

2 Korintinkoolu 1:7

Ǹ na jikoo be bambandiŋ alitolu la kuwo to le, kaatu ŋà a loŋ ne ko, ali ye ǹ na tooroolu duni ñaameŋ, ali be ǹ na sabarindiroo fanaa taa la wo le ñaama.

2 Korintinkoolu 12:10

Kiristu la kuwo kamma la, n wasata n na sembentaŋyaa kono le, nendiroolu, koleyaa kuwolu, toora kuwolu aniŋ bataa kuwolu, kaatu niŋ n sembentaŋyaata tumoo meŋ na, n ka bambaŋ ne.