2 Samuweli 7:2 - Mandinka Bible

² a ko Annabilayi Natani ye ko, “Nte fele, m be sabatiriŋ mansabuŋo kono, meŋ dadaata niŋ sedari* babaroo la, aduŋ Alla la Kambeŋ Kunewo* be looriŋ tiriliisoo* koto.”

2 Samuweli 7:2 Referans Kwoze

2 Samuweli 5:11

Saayiŋ Hiramu, meŋ keta Tire mansa ti, ye kiilaalu kii Dawuda yaa. A ye ì niŋ sedari* yiroolu, kapintaalu aniŋ masoŋolu le bula, ì taata Dawuda yaa, ka mansabuŋo loo a ye.

2 Samuweli 12:1

Yaawe* ye Natani kii Dawuda kaŋ. Kabiriŋ a taata a yaa, a ko, “Kee fula le tarata nuŋ saatee kiliŋ, doo keta nuŋ fankamaa le ti, bari doo, wo mu fuwaaroo le ti.

Kiilaalu 7:46

Alla la hiinoo tarata Dawuda fee, aduŋ a ye daaniroo ke le fo a si buŋo loo Yaakuba la Alla ye.

Yohana 2:17

Wo to le a la saayiboolu hakiloolu bulata kumoo la, meŋ safeeta nuŋ ko: “Ŋa hamoo meŋ soto i Batudulaa Buŋo* la kuwo to, a ka mala n kono le ko dimbaa.”

Hakayi 1:4

“Fo ñiŋ mu waati le ti alitolu ñanta tara la ali fansuŋ buŋ betoolu kono meŋ na, Batudulaa Buŋo be tumbundiŋ?”

1 Taarika 29:29

Bituŋ Mansa Dawuda ye kekuwolu mennu bee ke, kabiriŋ foloodulaa to ka taa fo labandulaa to, naata safee Annabilayi Samuweli, Annabilayi Natani, aniŋ Annabilayi Kadu la Taarika Kitaaboolu kono.

1 Taarika 16:1

Ì ye Alla la Kambeŋ Kunewo* samba naŋ, ì ye a londi tiriliisoo* koto, Dawuda ye meŋ loo a ye. Bituŋ ì ye jani sadaalu* niŋ kayira sabatindiraŋ sadaalu bondi Alla ñaatiliŋo la.

Jabuuroolu 132:5

fo niŋ ŋa dulaa ñiniŋ Yaawe ye, sabatidulaa, Sembetii Baa ye, Yaakuba ka meŋ batu.”

2 Taarika 1:4

Bari Alla la Kambeŋ Kunewo*, Dawuda ye wo bondi naŋ Kiriyati-Yeyarimu le, ka a naati naŋ dulaa to Yerusalaamu, a ye tiriliisoo* wanka a ye daameŋ to.

1 Taarika 14:1

Saayiŋ Hiramu, meŋ keta Tire mansa ti, ye kiilaalu kii Dawuda yaa. A ye ì niŋ sedari* yiroolu, kapintaalu aniŋ masoŋolu le bula, ì taata Dawuda yaa, ka mansabuŋo loo a ye.

2 Samuweli 7:17

Natani ye kumoo bee seyinkaŋ Dawuda ye le, ko Alla ye a yitandi a la ñaameŋ.

2 Samuweli 6:17

Ì ye Yaawe la Kambeŋ Kunewo samba naŋ, ì ye a londi tiriliisoo* koto, Dawuda ye meŋ loo a ye. Bituŋ a ye jani sadaalu niŋ kayira sabatindiraŋ sadaalu bondi Yaawe ñaatiliŋo la.

2 Musa 40:21

A naata kunewo dundi tiriliisoo kono, a ye ridoo siti. Musa ye Kambeŋ Kunewo maabo wo le ñaama, ko Yaawe ye a yaamari a la ñaameŋ.

2 Samuweli 11:11

Uriya ko Dawuda ye ko, “Kambeŋ Kunewo* aniŋ Banisirayilankoolu niŋ Yahuuda be sabatiriŋ tiriliisoo* le koto, aniŋ n na keebaa Yowabu aduŋ m maarii la kewolu be daakaariŋ kene kenseŋolu le kono. Nte be taa n na suwo kono ñaadii le, ŋa domoroo niŋ miŋo ke, aniŋ n niŋ n na musoo ye n laa? A be koyiriŋ ñaameŋ ko ite be baluuriŋ ne, n te ñiŋ kuu siifaa ke la.”

1 Mansoolu 1:22

Kabiriŋ Batiseba be diyaamu kaŋ mansa ye, Annabilayi Natani futata.

1 Mansoolu 8:17

Mansa tententa ka a fo ko: “M faamaa Dawuda ye ñiŋ ne ŋaniya nuŋ ka buŋo loo Yaawe tooyaa la, Banisirayila la Alla.

1 Taarika 22:7

Dawuda ko Sulemani ye ko, “N diŋo, ŋa a hame le ka buŋo loo ka Yaawe n na Alla too kuliyaa.

2 Taarika 9:29

Sulemani ye kuu koteŋolu mennu ke, biriŋ foloodulaa fo labandulaa to, ì be safeeriŋ Annabilayi Natani la Taarika Kitaaboo kono le, Ahiya Silonkoo la Kiilaariyaa Kumoolu Kitaaboo, aniŋ Annabilayi Ido la Kitaaboo, a la jeroolu be safeeriŋ daameŋ Mansa Yerobowamu, Nebati dinkewo la kuwo to.

2 Taarika 29:25

A ye Lewi lasiloo moolu londi Yaawe Batudulaa Buŋo kono, ì niŋ jaawali palaatoolu, kontiŋolu, aniŋ kooraalu, ko Dawuda niŋ Annabilayi Kadu niŋ Annabilayi Natani ye a yaamari ñaameŋ. Kaatu ñiŋ yaamaroo bota naŋ Yaawe le bulu, ka bo niŋ annabiyomoolu la.

1 Mansoolu 1:8

Bari moo doolu be jee le mennu maŋ laa Adoniya kaŋ. Wolu le mu Piriisi Sadoki ti, Yehoyada dinkewo Benaya, Annabilayi Natani, Simeyi aniŋ Reyi, aniŋ Dawuda faŋo kantalaalu.

1 Mansoolu 4:5

Natani dinkewo Asariya le mu mansa la dookuulaalu la kumandaŋ baa ti. Natani dinkee doo Sabudi mu piriisoo le ti aniŋ mansa yaamarilaa.

Jabuuroolu 132:2

I miira a ye laahidoo meŋ taa, aniŋ a kalita ite Sembetii Baa ye ñaameŋ, Yaakuba ka meŋ batu,