2 Samuweli 14:25 - Mandinka Bible

²⁵ Saayiŋ, Banisirayila bee kono, moo te jee, moo si meŋ na ñiiñaa selendi Abusalomu kaŋ. Ka bo a sinkondiŋ labaŋo to, ka taa fo a kuŋo to, sootaari feŋ te jee.

2 Samuweli 14:25 Referans Kwoze

Yesaya 1:6

Ka bo ali siŋ teetewo to, ka taa fo ali kunteemoo to, kereyaa te jee, baramoolu niŋ warasoolu dammaa le be jee, aniŋ namaroolu. Ì maŋ ì kuu, waraŋ ka booroo ke ì bala, sako ka ì siti.

Yuuba 2:7

Wo le to Seetaani bota Yaawe ñaatiliŋo la. A ye Yuuba baloo bee ke kati jawu baa ti, ka bo a sinteetewo to fo a kuŋ teemoo to.

5 Musa 28:35

Yaawe be maadiŋ jawoolu le ke la ali siŋolu bala meŋ te jaara noo la, ka bo ali kuŋolu to ka jii naŋ fo ali sinteetewo to.

Efesusinkoolu 5:27

fo a si a parendi a faŋo ye kallankeeyaa* kono. A ye wo ke le, fo lanjuuroo, noroo waraŋ wo ñoŋ kuu siifaa doo te soto la a bala, bari a si seneyaa sootaaribaliyaa kono.

Matiyu 23:27

“Kooroo be alitolu Luwaa karammoolu niŋ Farisewolu ye, alitolu bunaafayoolu! Ali ka munta le ko kaburoolu, ì ye mennu muu lasoo la. Ì banta ka tara ñiiñaariŋ, bari konoto ka tara faariŋ moo kulu jaaroolu le la, aniŋ feŋ nooriŋolu.

Kuma Kotoomaalu 31:30

Ñiiñaa si bo noo moo koto le, kuma diimaa si moo neenee noo, bari musoo meŋ silata Yaawe* la, wo ñanta le ka jayi.

1 Samuweli 16:7

Bari Yaawe ko a ye ko, “Kana a la jamfoo niŋ a la ñiiñaa juubee. N te ate ke la mansa ti, kaatu nte buka kiitiyo teyi ko hadamadiŋolu ka a ke ñaameŋ. Hadamadiŋolu ka moo muluŋo le juubee, bari nte ka moo sondomoo le juubee.”

1 Samuweli 9:2

A dinkewo too mu Sawulu le ti. Fondinkee muluŋ ñiimaa baa le mu, a niŋ Banisirayilankoolu maŋ kaañaŋ. Aduŋ ate le jamfata ì bee ti.

Daniyeli 1:4

Ì ye ke fondinkewolu ti lanjuuru te mennu bala, ì ye ñiiñaa, ì ye ñaameŋ kuwo bee to. Ì si kalamutaroo ke kendeke, ì ye tariyaa fahaamuroo la karaŋo to, fo ì si dookuwo ke noo mansa yaa. Asipenasi le be ì karandi la Babiloninkoolu la kaŋo niŋ ì la kitaaboolu la.

1 Mansoolu 1:6

Adoniya faamaa nene maŋ a niyo kuyandi ka a fo a ye ko, “Muŋ ne ye a tinna i ye ñiŋ maañaa ke?” Aduŋ fanaa a ñiiñaata baake le, aniŋ ate le wuluu siŋo be Abusalomu kaŋ.

Esekiyeli 23:15

ì ye teesitiraŋolu siti ì tewolu to, naawoolu be minindiŋ ì kuŋolu la, mennu ka muluŋ ko Babiloni keleraŋ sareeti borindilaalu, mennu bota Kalideya bankoo kaŋ.