2 Samuweli 1:19 - Mandinka Bible

¹⁹ A ko: Banisirayilankoolu, ali la ñaatonkoolu be laariŋ konkoolu kaŋ, ali a juubee, ǹ na kelejawaroolu boyita ñaameŋ!

2 Samuweli 1:19 Referans Kwoze

2 Samuweli 1:27

Ali a juubee, ǹ na kelejawaroolu boyita ñaameŋ, keleraŋ jooraŋolu kasaarata!

2 Samuweli 1:25

Ali a juubee, ǹ na kelejawaroolu boyita ñaameŋ keloo teema! Yonatani furewo be laariŋ ali la konkoo kaŋ.

Niikuyaa Suukuwolu 5:16

Ñaroo jolonta le ka bo ǹ kuŋo to, kooroo boyita ǹ kaŋ, kaatu ŋà junuboo le ke.

Jakariya 11:10

Ŋa n na kantarilaŋ dokoo taa, ŋa meŋ toolaa Hiinoo la, ŋa a kati ka kambeŋo tiñaa, n niŋ bankoolu ye meŋ siti.

Jakariya 11:7

N keta saajii waafilaalu ye saajiyolu kantalaa ti, ì ka taa mennu kanateyi. Ŋa kantarilaŋ doko fula taa, ŋa kiliŋo toolaa Hiinoo la, kiliŋ doo Baadiŋyaa.

Niikuyaa Suukuwolu 2:1

Ayiwaalii! Maariyo la kamfaa kamma la, a ye tawali dibiriŋo le wanka Siyoni* moolu kunto. A ye Banisirayila darajoo jindi bankoo to le, ka bo naŋ saŋo santo. A ye Siyoni muta le ko, a siŋ looraŋo le mu nuŋ, bari saayiŋ a ye a hakiloo bo a kaŋ ne, a la kamfaa waatoo la.

Yesaya 4:2

Luŋo be naa le, luŋo meŋ Yaawe* la yiri soroŋo meŋ be Banisirayila bankoo kaŋ, a be yiriwaa la le, a ye tara ñiiñaariŋ. Moolu mennu tuta jee, bankoo senefeŋolu be ke la ì ye ŋaañaaraŋo le ti, aniŋ horomoo.

2 Samuweli 1:23

Sawulu niŋ Yonatani ye ñoo kanu, aduŋ ì diyaata baluwo to, hani saayaa to, ì maŋ talaa. Ì be tariyaariŋ ne ko saŋ ŋalasoo, aduŋ itolu le bambanta jatoolu ti.

1 Samuweli 31:8

A saamoo, kabiriŋ Filisitinkoolu naata ka furewolu la feŋolu bondi, ì ye a tara Sawulu niŋ a dinkee saboo furewolu be laariŋ Kilibowa Konkoo kaŋ.

Yesaya 53:2

Yaawe la lafoo kaŋ, a la dookuulaa baluuta le ko fiifeŋ mereŋo, meŋ ye suloo duŋ banku jaaroo kono. A maŋ ñiiñaa, waraŋ ka kallankeeyaa*, meŋ si ǹ ñaa faa a la kuwo to. M̀ maŋ feŋ je a muluŋo to, ǹ si lafi noo meŋ na.