2 Pita 1:10 - Mandinka Bible

¹⁰ Wo to baadiŋolu*, ali hame baa soto ali la kumandiroo niŋ tombondiroo to ka wolu bambandi. Niŋ ali ye wo ke, ali nene te boyi la,

2 Pita 1:10 Referans Kwoze

2 Pita 3:17

N kanuntewolu, baawo ali ye ñiŋ kuwolu loŋ ne fokabaŋ, wo to ali si ali hakiloo tu, fo wo luwaantaŋolu la filoo kana alitolu fanaa fatandi tooñaa ma. Ali kana soŋ, ali ye foo wo dulaa bambandiŋo la, ali be looriŋ meŋ kaŋ.

Hiburunkoolu 6:11

Ǹ lafita le ko, alitolu meŋ-wo-meŋ ye wo hame baa kiliŋo yitandi fo labandulaa to, i si a je ali la jikoo si naa ke tooñaa ti.

Jabuuroolu 121:3

A te soŋ na i siŋo ye bo i koto, i tankandilaa buka jinkoo.

Mika 7:8

Jawoolu, ali kana kontaani ka ǹ je bataa kono. M̀ boyita ñaa-wo-ñaa piram, m̀ be wuli la le kotenke. M̀ be diboo kono ñaa-wo-ñaa, Yaawe le be ke la ǹ ye maloo ti.

Jabuuroolu 112:6

Moo tilindiŋo te wutu la a noo to. Moolu te ñina la a la fo fawu.

2 Pita 1:5

Wo to, ali katoo bee ke ka daajika betoo kafu ali la lannoo ma, ali ye londoo kafu daajika betoo ma.

2 Timoti 2:19

Bari Alla la fondamaŋ bambandiŋo te maamaŋ noo la, a be notoriŋ ñiŋ kumoolu le la: “Maariyo ye moolu loŋ ne, mennu mu a taa ti.” Aduŋ “moo-wo-moo meŋ ka Maariyo too kumandi, wo ñanta a koo dii la tilimbaliyaa la le.”

Jabuuroolu 62:2

N na semberaŋ beroo mu ate doroŋ ne ti, aniŋ n na tankoo. A mu n ye tatoo le ti, hani n te maamaŋ na muk.

Lankenemoo 22:14

Barakoo be moolu le ye, mennu ye ì la duŋ feŋolu kuu fo ì si taa noo yiroo to, meŋ ka baluwo dii, aniŋ ì si duŋ noo saatewo kono, ka bo niŋ a dundaŋ daalu la.

1 Pita 1:5

Ali be a soto la le, baawo Alla la semboo ka ali tankandi lannoo kono wo kiisoo le ye, meŋ be lankenema la luŋ labaŋolu kono.

1 Pita 1:2

M̀ Faamaa Alla ye ali tomboŋ ne, a ye ali londi ka ali ke a la moolu ti biriŋ foloodulaa to. A la Nooroo ye ali seneyandi le, fo ali si tu Yeesu Kiristu la yaamaroo mutariŋ, aniŋ a yeloo si ali jankundi. Allamaa Alla la hiinoo niŋ kayiroo ye tu yiriwaa la ali kono.

Yesaya 56:2

Seewoo be moo ye, meŋ ye ñiŋ ke, a ye a muta bambandinke, ka Loobula Luŋo horoma, a buka a dooyandi, aduŋ a ka tu jamfa la kuu jawu kewo la.”

Jabuuroolu 62:6

N na semberaŋ beroo mu ate doroŋ ne ti, aniŋ n na tankoo. A mu n ye tatoo le ti, hani n te maamaŋ na.

Jabuuroolu 37:24

Hani niŋ a takita, a te boyi la, kaatu Yaawe le ye a buloo muta.

Hiburunkoolu 6:19

Ŋà ñiŋ jikoo soto bambandinke ǹ niyolu ye le ko lankaroo, meŋ dunta ridoo kooma, Dulaa Senuŋ Baa* to.

Jabuuroolu 15:5

A buka a la kodoo dontolaa ka lankaŋo ñini, aduŋ a buka dukoo muta ka moolu la boloo taa, mennu maŋ kuu jawu ke. Moo meŋ ka kuwolu taamandi teŋ, wo te wutu la a noo to.

Matiyu 22:14

“Kaatu moo jamaa le kumandita, bari moo dantaŋ ne tombonta.”

Roomankoolu 11:29

Kaatu Alla buka nimisa a la tombondiroo la, sako a la soorifeŋolu.

Yankuba 2:10

Kaatu moo-wo-moo ye Luwaa bee muta, bari a naata yaamari kiliŋ tiñaa a kono, wo maarii ye Luwaa bee le tiñaa.

2 Pita 1:3

A la sembe kaawakuuyaariŋo ka bo Alla le bulu, wo le ye feŋ-wo-feŋ dii ǹ na, ǹ suulata meŋ na ka baluu Alla la siloo kaŋ. Ŋà wo bee soto le, kaatu ŋà ate loŋ ne, meŋ ye ǹ kumandi ka niyo soto a la kallankeeyaa* to, a niŋ baluu senuŋo.

2 Pita 3:14

Wo kamma la, n kanuntewolu, baawo ali ka wolu le batu, ali hame, a ye ali tara seneyaariŋ. Ali kana sootaari soto Alla ñaatiliŋo la, bari ali niŋ a ye tara kayiroo kono.

Yuuda 1:24

Tenturoo niŋ jayiroo be ate le ye, meŋ si ali tanka noo boyoo ma, ka ali sootaaribaloolu samba a la kallankeeyaa kono, ali be seewoo soto la a ñaatiliŋo la daameŋ.

Yosuwa 7:3

Kabiriŋ ì muruta naŋ Yosuwa kaŋ, ì ko a ye ko, “A maŋ jari, moo bee ye taa ka Ayi boyinkaŋ. Moo wuli fula waraŋ moo wuli saba dammaa kii ka jee taa. Kana moo bee batandi ka taa. Saatewo ñiŋ kewolu maŋ siyaa.”