2 Mansoolu 15:13 - Mandinka Bible

¹³ Usiya la mansayaa sanji taŋ saba niŋ konontonjaŋo Yahuuda bankoo kaŋ, wo saŋo le mu Yabesi dinkewo Sallumu keta Banisirayila mansa ti. A ye kari kiliŋ ne ke mansayaa la Samariya saatewo kono.

2 Mansoolu 15:13 Referans Kwoze

2 Mansoolu 15:1

Yerobowamu dindiŋo la mansayaa sanji muwaŋ niŋ woorowulanjaŋo Banisirayila bankoo kaŋ, wo saŋo le mu Usiya keta Yahuuda mansa ti. Amasiya le ye Usiya wuluu.

Kuma Kotoomaalu 28:17

Niŋ moo ye moo faa, a kuwo ye a niyo toora, a ka ke borilaa le ti, a la baluwo bee kono, moo-wo-moo kana a maakoyi.

Kuma Kotoomaalu 28:2

Niŋ moolu keta balannaalu ti, bankoo ka maralilaa jamaa le soto, bari niŋ hakilimaa ye maraloo ke, tenkuŋo ka soto le.

Jabuuroolu 55:23

Ite Alla le be wo moofaalaalu niŋ neeneerilaalu ñori la kaburoo duuma, janniŋ ì be ì siyo talantewo baluu la. Bari nte de, ŋa n jikoo loo ite le kaŋ.

Yuuba 20:15

Ì ye suuñaari feŋolu mennu domo, ì si ì bee foonoo naŋ kotenke. Alla faŋo le ka ñiŋ feŋolu bondi ì kono.

2 Mansoolu 15:8

Usiya la mansayaa sanji taŋ saba niŋ seyinjaŋo Yahuuda bankoo kaŋ, wo saŋo le mu Yerobowamu dindiŋo dinkewo Jakariya keta Banisirayila mansa ti. A ye kari wooro le ke mansayaa la Samariya saatewo kono.

1 Mansoolu 16:24

Bituŋ Omuri ye Samariya konkoo saŋ Semeri ma kodiforoo kilo taŋ woorowula la, aduŋ a ye konkoo ñiŋ loo saatewo ti. Bituŋ a ye saatewo ñiŋ meŋ loo a ye a kumandi Samariya la ka a toolaa Semeri la, meŋ taa mu nuŋ konkoo ñiŋ ti.

1 Mansoolu 16:15

Asa la mansayaa sanji muwaŋ niŋ woorowulanjaŋo Yahuuda bankoo kaŋ, wo saŋo le mu Simuri keta mansa ti Tirisa, aduŋ a ye tili woorowula le ke mansayaa la. Wo waatoo la, kelediŋolu ye daakaa le loo Kibetoni kamma, Filisitinkoolu la saatewo.

Yesaya 1:1

Ñiŋ kuwolu le lankenemata Yesaya ye, Amosi dinkewo, Yerusalaamu aniŋ Yahuuda muumewo la kuwo to. A keta ñiŋ Yahuuda mansoolu la jamaanoolu le la: Usiya, Yotamu, Ahasi aniŋ Hesekiya.

Hoseya 8:4

“Ì ye mansoolu londi ì faŋ ye, ì maŋ feŋ fo n ye. Ì ye maralilaalu tomboŋ, ì maŋ n kalamutandi a la. Ì ka ì la sanoo niŋ kodiforoo taa, ka jalaŋolu dadaa ì la, ì la kasaaroo kaŋ.

Hoseya 10:3

Bituŋ ì si naa ñiŋ fo ko, “M̀ maŋ sila Yaawe la, wo le ye a tinna m̀ maŋ mansa soto. Bari mansa faŋo si muŋ ne ke noo ntolu ye?”