1 Taarika 6:3 - Mandinka Bible

³ Amuramu ye dinkee fula le soto, Haaruna niŋ Musa, aniŋ dimmusu kiliŋ Miriyaamu. Haaruna dinkewolu, wolu le mu: Nadabu, Abihu, Eleyasa aniŋ Itama.

1 Taarika 6:3 Referans Kwoze

3 Musa 10:1

Silaŋ Nadabu niŋ Abihu Haaruna dinkee fuloo kiliŋ-wo-kiliŋ ye a la cuuraayi siisindiraŋo taa, a ye dimbaa keñemboo ke a kono. Ì ye cuuraayoo ke a kaŋ ne, aduŋ ì ye dimbaa koteŋ ne samba Yaawe* ye, meŋ maŋ ñaŋ, bayiri a maŋ ì yaamari a la.

2 Musa 6:20

Amuramu ye a binki Yokebedi le futuu, meŋ ye Haaruna niŋ Musa wuluu a ye. Amuramu ye sanji keme sanji taŋ saba niŋ woorowula le baluu.

3 Musa 10:12

Musa naata a fo Haaruna ye, aniŋ a dinkee fuloo Eleyasa niŋ Itama, mennu tuta baluuriŋ ko, “Ali siimaŋ sadaa toolu taa mennu tuta sadaalu to, ali ye mennu bo niŋ dimbaa la Yaawe ye, ali si a dadaa mbuuroo ti leweñi te meŋ to, ka a domo sadaajanidulaa* daala, kaatu a mu feŋ senuŋ baa le ti.

2 Musa 15:20

Bituŋ Miriyaamu, annabiyomu musoo, meŋ keta Haaruna baarimmusoo ti, ye tambuuroo taa, musoolu bee bulata a nooma, ì niŋ tambuuroolu niŋ doŋo.

Mika 6:4

Nte le ye ali bondi naŋ Misira, ka ali fintindi naŋ joŋyaa bankoo kaŋ. Ŋa Musa kii ka ali ñaatonkayaa, Haaruna aniŋ Miriyaamu.

1 Taarika 23:13

A dinkee keebaa Amuramu le mu Haaruna niŋ Musa faamaa ti. Haaruna niŋ a koomalankoolu le tombonta, ka mara jooraŋolu ma waatoo bee la, ka jani sadaalu* bondi Yaawe ñaatiliŋo la, ka baturoo ke, aniŋ ka neemoo duwaa moolu ye ka bo niŋ Yaawe too la.

3 Musa 10:16

Silaŋ Musa naata baakotoŋo la kuwo kisikisi, meŋ keta junube kafarilaŋ sadaa ti. A naata a loŋ ko, ì ye a muumewo jani le. Wo ye a tinna a kamfaata Eleyasa niŋ Itama kamma, Haaruna dinkee fuloo mennu tuta baluuriŋ. A ye ì ñininkaa ko,

2 Musa 28:1

Yaawe* ko Musa ye ko: I kotoomaa Haaruna kumandi, aniŋ a dinkewolu mennu keta Nadabu, Abihu, Eleyasa aniŋ Itama ti, i ye ì bondi Banisirayilankoolu kono. Wolu be piriisiyaa* dookuwo le ke la n ye.

2 Musa 24:1

Bituŋ Yaawe* ko Musa ye ko, “I niŋ Haaruna si taa nte yaa, aniŋ Nadabu, Abihu, aniŋ Banisirayila alifaa taŋ woorowula. Ali ñanta baturoo ke la dulaa jaŋ ne to,

2 Musa 6:23

Haaruna ye Eliseba, Amminadabu dimmusoo le futuu, a keta Naasoni baarimmusoo le ti, aduŋ a ye Nadabu niŋ Abihu, Eleyasa niŋ Itama le wuluu a ye.

2 Musa 2:7

Wo to le deenaanoo kotoo keebaa ye Firawoona dimmusoo ñininkaa ko, “Fo ŋa taa Hiburu musu kiliŋ kamma naŋ, ka deenaanoo suusundi i ye baŋ?”

2 Musa 2:4

A kotoomusoo loota dulaa jaŋo to, ka a juubee, meŋ be ke la a la.

1 Taarika 6:2

Kohati dinkewolu, wolu le mu: Amuramu, Isari, Heburoni aniŋ Usiyeli.

1 Taarika 6:4

Eleyasa naata Pineha wuluu, Pineha ye Abisuwa wuluu,

1 Taarika 15:10

Aduŋ ka bo Usiyeli kaabiiloo kono, moo keme, moo taŋ niŋ fula le naata, ì niŋ ì la ñaatonkoo Amminadabu.

1 Taarika 23:12

Kohati ye dinkee naani le soto, wolu le mu: Amuramu, Isari, Heburoni aniŋ Usiyeli.

1 Taarika 24:22

ka bo Isari koomalankoolu kono: Selomoti, ka bo Selomoti koomalankoolu kono: Yahati,