1 Samuweli 3:1 - Mandinka Bible

¹ Samuweli tarata nuŋ Yaawe* la dookuwo le la Eli koto. Wo waatoo Yaawe la kumoo la naa maŋ siyaa, jeroolu jamaa maŋ soto nuŋ.

1 Samuweli 3:1 Referans Kwoze

Jabuuroolu 74:9

Alla la kaawakuwolu taamanseeroolu maŋ naa ntolu ye. Annabiyomu kiliŋ maŋ tu ǹ kono kotenke, aduŋ moo te ǹ kono meŋ ye ñiŋ kuwo baŋ waatoo loŋ.

1 Samuweli 3:21

Yaawe tententa ka a faŋ yitandi a Batudulaa to Silo saatewo to, aduŋ jee le to a ye a faŋo lankenemayandi Samuweli ye ka bo niŋ a la kumoo la.

1 Samuweli 2:11

Bituŋ Elikanañolu seyita Rama, bari Samuweli ye dookuwo ke Yaawe ye Silo saatewo to le. A tarata piriisoo* Eli le koto.

1 Samuweli 2:18

Bari Samuweli be dookuwo ke kaŋ ne nuŋ Yaawe ñaatiliŋo la. Kambaanoo ka dendikoo duŋ, meŋ mulunta ko piriisoolu la dendika santonkoo.

Yesaya 13:12

M be moolu yaatewo dooyandi la le ko saniforoo, ì sotoo ye koleyaa ko Ofiri tundoo sanoolu.

1 Samuweli 3:15

Samuweli ye i laa fo fanoo keta, bituŋ a ye Yaawe Batudulaa bundaalu yele. A silata le ka ñiŋ kumoo fo Eli ye.

1 Samuweli 2:35

“M be piriisi tilindiŋo tomboŋ na m faŋo ye le, meŋ be n na kuwolu taamandi la, n lafita a la ñaameŋ ka bo n sondomoo niŋ n hakiloo kono. M be a koomalankoolu londi la le, ì ye bambaŋ, aduŋ waati-wo-waati ŋa mansa meŋ tomboŋ, a niŋ wo le be dookuwo ke la.

1 Samuweli 2:36

Bituŋ moo-wo-moo meŋ tuta i koomalankoolu kono, be naa la le, a ye a batu ka a daani mbuuru kuntoo la, aniŋ kodindiŋ. Ì si a fo a ye ko, ‘Dukaree! N taa, i ye n ke piriisoo la dookuulaa ti, fo n si domoroo soto, m be meŋ domo la.’ ”

Kuma Kotoomaalu 29:18

Niŋ Alla la yitandiroo te daameŋ, meŋ diyaata moo ye, a ka wo le ke, bari neemoo be moo le ye, meŋ ka luwaa muta.

Esekiyeli 7:26

Kooroo be laa la kooroo kaŋ ne, kibaari jawoolu ye tara looriŋ ñoo nooma. Moolu be annabiyomoo ñini la fo ì si kiilaariyaa kumoo soto meŋ bota Yaawe bulu. Luwaa la kuwo karandiroo be fili la piriisoolu* ma le, alifaalu fanaa la yaamaroo ye fili ì ma.