1 Samuweli 23:16 - Mandinka Bible

¹⁶ Yonatani taata a yaa jee, ka a so hakili la ko, a si a jikoo loo Alla kaŋ.

1 Samuweli 23:16 Referans Kwoze

2 Timoti 2:1

Wo to ite n dinkewo, loo bambandinke hiinoo kaŋ, meŋ be Kiristu* Yeesu kono.

Efesusinkoolu 6:10

Labaŋo la, ali bambaŋ Maariyo kono, a la sembe baa ye ali sembentuŋyaa.

Luka 22:32

Bari n duwaata ite ye le, fo i la lannoo kana bo. Niŋ i muruta naŋ n kaŋ, i si i baadiŋolu* wakiilindi.”

1 Samuweli 30:6

Dawuda tarata niitoora baa le kono, kaatu kewolu ka ñiŋ ne fo ko, “Ali ŋà a buŋ.” Ì bee niyo kuyaata le, kaatu ì maŋ ì diŋolu je. Bari Dawuda ye a jikoo loo Yaawe* le kaŋ, a la Alla.

Luka 22:43

Malaayikoo fintita naŋ a kaŋ ka bo Arijana, a ye a wakiilindi.

Nehemiya 2:18

Bituŋ ŋa a fo ì ye n na Alla neemata m ma ñaameŋ, aniŋ mansa ye meŋ fo n ye. Ì ye n jaabi ko, “Ali ŋà tatoo seyinkaŋ loo dati.” Bituŋ ì ye ñiŋ dookuu betoo dati.

Kuma Kotoomaalu 27:9

Karabaanijiyo niŋ cuuraayoo ka niyo seewondi le, teeriyaa fanaa diyaa mu ñoo yaamaroo le ti.

Kuma Kotoomaalu 27:17

Ko newolu ka ñoo diyaa ñaameŋ, teeroolu ka ñoo so hakiloo la wo le ñaama.

5 Musa 3:28

Yosuwa yaamari, i ye a bambandi, i ye a fatiyandi. Kaatu ate le be Banisirayila ñaatonkayaa la ka Yoridani Boloŋo teyi. Ate le be a tinna la ì ye bankoo taa, i ka meŋ je teŋ.”

Yuuba 16:5

N daakumoo si ali wakiilindi noo le, n neŋo kumoo la diyaa ye dimoo bo ali kaŋ.

Esekiyeli 13:22

Ali ka moo tilindiŋolu jikilateyindi niŋ ali la faniyaa la, bari n nene te ì jikilateyindi la. Ali ka naa moo kuruŋolu wakiilindi kuu kuruŋ kewo la, ka ì koo dindi tuubiseyoo la fo ì kana kiisa noo.

1 Samuweli 23:15

Dawuda ye a loŋ ne ko, Sawulu ka a ñini le fo a si a faa. Kabiriŋ a tarata Horesa, meŋ be Sifu keñewuloo daala,