Biblia Todo Logo
Bib sou entènèt

- Piblisite -




1 Samuweli 2:5 - Mandinka Bible

5 Moolu mennu ka daañinoo soto nuŋ kendeke, saayiŋ wolu le ka ì faŋolu luwaasi banta, fo ì si domoroo soto. Bari moolu mennu konkota nuŋ, wolu maŋ konko kotenke. Musu jiidibaloo ye konoñaa woorowula wuluu, bari musu jiidilaa meŋ ye dinkee jamaa soto, wo tuta foo la semboo la.

Gade chapit la Kopi




1 Samuweli 2:5
11 Referans Kwoze  

A ye konkotoolu fandi niŋ feŋ betoolu la, bari a ye fankamaalu murundi, ì bulu kenseŋ.


Ate le ka a tinna musu jiidibaloo ye horomoo soto suwo kono, a ka diŋolu dii a la le, a ye a seewondi. Ali Yaawe jayi.


Musu meŋ jiidita diŋ woorowula la, wolu la faa si a ketundi, niijiyo ye koleyaa a ma. A la tilibula baa si ke a ye diboo ti. A si malu, aduŋ dooyaaroo si laa a kaŋ. Ì toomaalu mennu tuta baluuriŋ, m be ì jawoolu le bula la ì ye ì faa niŋ hawusaroo la.” Yaawe le ye a fo.


Hani jatoolu ka foo le, aduŋ ì ka konko, bari moolu mennu jikita Yaawe la, feŋ kende buka ì dasa.


Bari Iburayima ko a ye le ko, ‘N diŋo, i hakiloo bulandi ko, i la baluwo tumoo la, i ye feŋ betoolu bee soto le, aduŋ Lasarus ye feŋ jawoolu le soto. Bari saayiŋ, a sabarindita jaŋ ne, ite be tooroo kono.


Yaawe* ko: “Yerusalaamu, suukuwo laa. I ka muluŋ ne ko musoo meŋ nene maŋ diŋo soto. Suukuulaa dati, i ye sari seewoo kamma la. Ite musu kiideeriŋo, meŋ maŋ tiŋo la koleyaa loŋ, i be diŋ jamaa soto la le, ka tambi musoo la, kewo be meŋ bulu.


Bayiri Yaawe maŋ ate so diŋo la, a siinaa ka tu a niyo toorandi la le, fo a si kamfaa.


Bituŋ wo waatoolu kono Hanna harijeeta, aduŋ biriŋ waatoo siita, a naata dinkewo le wuluu. A ye a toolaa Samuweli la, ka a fo ko, “Kaatu ŋa Yaawe daani a la le.”


A be safeeriŋ ate le la kuwo to ko: “I si seewoo, musu jiidibaloo meŋ nene maŋ diŋo soto. Suukuulaa dati, i ye sari seewoo kamma la. Ite meŋ maŋ tiŋo la koleyaa loŋ, musu kiideeriŋo, i be diŋ jamaa soto la le, ka tambi musoo la, kewo be meŋ bulu.”


A be i la baluwo ke la le, ko a be nuŋ ñaameŋ, aduŋ a be ke la i topatoolaa le ti i la keebaayaa waatoo kono. I bitammusu meŋ keta i kanulaa ti, aniŋ meŋ tambita i ye dinkee woorowula la, le ye a wuluu.”


Bankoo be sunu la le komeŋ hadamadiŋo, a ye tiñaa. Hani Libanooni yiri sutoolu be malu la le, ì ye jaa. Saroni kunku betoolu be muluŋ na le ko keñewuloo*, Basani niŋ Karimeli yiroolu bee be ì jamboolu joloŋ na le.


Swiv nou:

Piblisite


Piblisite