1 Samuweli 14:36 - Mandinka Bible

³⁶ Sawulu ko a la kewolu ye ko, “Ali ŋà taa Filisitinkoolu boyinkaŋ suutoo, ŋà ì kasaara fo fanoo ye ke, ŋà ì bee faa.” Ì ye a jaabi ko, “Feŋ-wo-feŋ beteyaata ite fee, i si wo ke.” Bari piriisoo ko, “Ali ŋà Alla ñininkaa foloo.”

1 Samuweli 14:36 Referans Kwoze

Yankuba 4:8

Ali sutiyaa Alla la, aduŋ a fanaa be sutiyaa la ali la le. Alitolu junubelaalu, ali ali buloolu kuu! Hakilifulatiyolu, ali ali sondomoolu seneyandi!

Malaki 2:7

“Piriisoo neŋo ñanta tara la looriŋ londoo sabatindoo le kaŋ n na kuwo to, aduŋ moolu ñanta yaamaroo ñini la ate le bulu. Kaatu ate le mu nte Yaawe Alihawaa Maariyo la kiilaa ti.

Yeremiya 6:5

Wo to ali ŋà wuli, ŋà a boyinkaŋ suutoo, ka a tatoolu teyi.’ ”

Yesaya 58:2

Ì be tara la n ñini la le luŋ-wo-luŋ, ka lafi ka n taañaalu karaŋ. Ì ka ì faŋo ke le ko moo tilindiŋolu, aduŋ ì ko, ì ka ì la Alla la yaamaroolu muta le. Ì ko, ŋa kiitiyo kuntu ì ye a ñaama. Ì lafita le ŋa sutiyaa ì la.

Jabuuroolu 73:28

Bari nte fee de, ka tara sutiyaariŋ Alla la, wo mu n ye kuu kende le ti. Ŋa Maarii Yaawe* le ke n jikiraŋo ti, ñiŋ kamma la n si kuwolu fo moolu ye a ye mennu bee ke.

1 Samuweli 11:11

Wo saamoo janniŋ fanoo ka ke, Sawulu ye a la kewolu ke talaadaa saba ti. Ì dunta Ammoninkoolu la daakaadulaa to, ì ye ì faa fo tilibuloo. Moolu mennu tuta jee, wolu bee le janjanta karoo bee la. Hani moo fula maŋ tu ñoo kaŋ.

Yosuwa 11:14

Banisirayilankoolu ye feŋolu bee le samba, aniŋ beeyaŋolu ka ì ke ì taa ti, ì ye feŋolu mennu bondi wo saatewolu kono keloo waatoo. Bari saatewolu moolu, ì ye ì bee le faa hawusaroo la, fo ì ye ì baŋ kasaara la. Hani niilamaa kiliŋ, ì maŋ wo le tu jee.

Yosuwa 10:19

Bari ali faŋolu kana tu jee. Ali tenteŋ ka ali jawoolu nooma, ali ì kele ka bo ì kooma la. Ali kana soŋ ì ye futa ì la saatewolu ma. Yaawe ali la Alla le ye ì duŋ ali buloo kono.”

4 Musa 27:21

A ñanta loo la Piriisi Eleyasa le ñaatiliŋo la, wo le be ñininkaaroo ke la a ye niŋ Urimu la, nte Yaawe ñaatiliŋo la. A la kumoo kaŋ, a niŋ Banisirayila jamaa be finti la wo le la, aduŋ ì be duŋ na wo le fanaa la.”

1 Samuweli 1:23

A keemaa Elikana ko a ye ko, “A benta i fee ñaameŋ, a ke wo ñaama. Sabati jaŋ, fo niŋ i ye a bondi. Allamaa Yaawe ye i la laahidoo ke tooñaa ti.” Bituŋ musoo sabatita suwo kono, a ye dindiŋo suusundi, fo a ye a bondi.