1 Pita 3:5 - Mandinka Bible

⁵ Musu senuŋolu mennu jikita Alla la, ì ka ì faŋ ñarandi nuŋ wo le ñaama, aduŋ ì ka soŋ ì keemaañolu ma le.

1 Pita 3:5 Referans Kwoze

1 Timoti 5:5

Furuyaamusu tooñaa, meŋ kiliŋ tuta, a ye a jikoo loo Alla kaŋ, aduŋ a ka tu tuukuriŋ duwaa niŋ daaniroo la, suutoo aniŋ tiloo.

1 Timoti 5:10

Aduŋ a ñanta seedeyaa betoo fanaa soto la a kebaaroolu to le: A ye ke moo ti, meŋ ye a diŋolu kuluu kuu, a ye luntaŋolu jiyaa, a ye Alla la moo senuŋolu siŋolu kuu, a ye moolu maakoyi, mennu be bataa kono, aduŋ a ye a faŋo dii dookuu betoo bee la.

1 Timoti 2:15

Hani wo, musoo be kiisa la le ka bo niŋ diŋ wuluwo la, niŋ a tententa lannoo kono, kanoo, seneyaa aniŋ faŋ kaañaŋo.

Kiilaalu 9:36

Wo waatoo la Yeesu noomalanka doo le be Yopa. A too mu Tabita le ti, bari Jirisi kaŋo to a too mu Dookas le ti. Ñiŋ musoo ka tu kebaara betoolu le ke la waati-wo-waati, aduŋ a ka fuwaaroolu fanaa maakoyi le.

Luka 2:37

wo koolaa a tuta furuyaa kono fo sanji taŋ seyi niŋ naani. A nene maŋ bo Alla Batudulaa to. Suutoo niŋ tiloo a ka tu Alla batoo le la, suŋo niŋ duwaa.

Yeremiya 49:11

Bari ali ali la aliyatiimoolu wo tu m bulu, ŋa ì la baluwo kanta, ali la furuyaamusoolu ye ì jikoo loo nte kaŋ.”

Kuma Kotoomaalu 31:30

Ñiiñaa si bo noo moo koto le, kuma diimaa si moo neenee noo, bari musoo meŋ silata Yaawe* la, wo ñanta le ka jayi.

1 Samuweli 2:1

Bituŋ Hanna duwaata, a ko: Yaawe* la kuwo kamma la n sondomoo faata niŋ seewoo le la. Yaawe ye n ke sembemaa ti. N daa si kuma baalu fo n jawoolu ma. N seewoota ñaameŋ, kaatu ite ye n tanka le.

Hiburunkoolu 11:11

Ka bo niŋ lannoo le la, Saara faŋo meŋ keebaayaata wuluwo ye, naata semboo soto ka diŋo wuluu, kaatu a laata le ko, Alla foroyaata le, meŋ ye laahidoo dii a la.

1 Timoti 2:10

Bari ì ñanta ì faŋolu ñarandi la niŋ kebaara betoolu le la, mennu beteyaata musoolu ye, mennu la seedeyaa ka Alla horoma.

Kiilaalu 1:14

Ì bee le keta ŋaniya kiliŋo ti ka tu duwaa la kendeke, ì niŋ musoo doolu niŋ Mariyaama, Yeesu baamaa, aniŋ Yeesu dookewolu.

Kuma Kotoomaalu 31:10

Jumaa le si musu kendoo soto noo? Musu kendoo le jarita ka tambi luuluwo la.

Efesusinkoolu 5:33

Hani wo, ali meŋ-wo-meŋ ñanta ali la musoolu kanu la le ko ali ye ali faŋolu kanu ñaameŋ, aduŋ musoo ñanta a keemaa horoma la le.

1 Pita 1:3

Jayiroo niŋ tenturoo be Alla ye, m̀ Maarii Yeesu Kiristu Faamaa! A la hiina baa le ye a tinna, ǹ wuluuta kotenke ka ke moo kutoolu ti, mennu ye jiki baluuriŋo soto, ka bo niŋ Yeesu Kiristu la saayaakoolaa wulindiroo la.