1 Pita 3:11 - Mandinka Bible

¹¹ A ye bo kuu jawoo to, a ye kuu kendoo baara. A ye kayiroo ñini, a ye a ke a hame kuwo ti.

1 Pita 3:11 Referans Kwoze

Matiyu 5:9

“Barakoo be kayira sabatindilaalu ye, kaatu ì be kumandi la Alla la dindiŋolu le la.

Jabuuroolu 34:14

I bo kuu jawoo to, i ye baara kuu kendoo la. Kayiroo ñini, i ye a ke i hame kuwo ti.

Hiburunkoolu 12:14

Ali katoo ke ka kayiroo sabatindi ali niŋ moolu bee teema, aduŋ ali si seneyaa, kaatu moo meŋ maŋ seneyaa, a nene te Maariyo je la.

Roomankoolu 14:19

Wo to, ali ŋà katoo kafu kuwolu to, mennu ka kayiroo saabu, aduŋ ì ka m̀ maakoyi ka ñoo bambandi.

Kolosankoolu 3:15

Aduŋ ali si Kiristu la kayiroo bula, a ye ali sondomoolu mara. Tooñaa, ali kumandita wo kayiroo le to ka ke balajaata kiliŋ ti. Ali tenturoo dii niŋ ali sondomoo bee la.

Roomankoolu 14:17

Kaatu Alla la mansabaayaa maŋ ke domoroo niŋ miŋo ti, bari tiliŋo, kayiroo aniŋ seewoo, Noora Kuliŋo kono.

Roomankoolu 12:18

Niŋ a si ke noo ali la karoo la, ali niŋ moolu bee si tara kayiroo kono.

3 Yohana 1:11

N kanuntewo, kana kuu jawoo nikiŋ, bari kuu betoo. Moo meŋ ka kuu betoo ke, wo bota Alla le yaa. Bari moo meŋ ka kuu jawoo ke, wo maarii nene maŋ Alla je.

Yankuba 4:17

Moo-wo-moo ye kuu betoo loŋ, bari a maŋ baara a la, wo kuwo keta junuboo le ti a maarii ye.

Hiburunkoolu 13:16

Ali kana ñina kuu bete kewo la. Ali si diiroo ke moolu la, mennu be suuloo kono, kaatu wo le mu sadaa ti, Alla seewoota meŋ na.

1 Timoti 6:18

Fankamaalu wakiilindi baara bete kewo la: Ì ye diiroo ke kendeke ì fansuŋ lafoo kaŋ,

Kalatiyankoolu 6:10

Baawo ŋà siloo soto le hani saayiŋ, ali ŋà kuu betoo ke moolu bee ye, sako m̀ baadiŋ Yeesu noomalankoolu.

Kalatiyankoolu 5:22

Bari Nooroo ka meŋ diŋ, wo mu kanoo le ti, seewoo, kayiroo, muñoo, mooyaa, beteyaa, foroyaa,

Roomankoolu 8:6

Ka i hakiloo tu i fansuŋ hame kuwolu kaŋ, wo ka saayaa le saabu, bari ka i hakiloo tu Alla la Nooroo la kuwolu kaŋ, wo ka baluwo niŋ kayiroo le saabu.

Roomankoolu 7:21

Wo to ŋa a je le ko, ñiŋ naata ke kuu le ti, meŋ ye m mara: Niŋ n lafita ka kuu betoo ke, a ka labaŋ n ye kuu jawu kewo le ti.

Roomankoolu 5:1

Baawo ǹ naata tiliŋ ka bo niŋ lannoo le la, kayiroo naata ǹ niŋ Alla teema ka bo niŋ m̀ Maarii Yeesu Kiristu* le la.

Yohana 17:15

M maŋ duwaa ko, i ye ì bondi duniyaa kono, bari i si ì tanka Seetaanoo* ma.

Matiyu 6:13

Aduŋ kana ǹ dundi marisa kuwo kono, bari i si m̀ bondi Seetaani* bulu. Kaatu ite le taa mu mansabaayaa ti, semboo aniŋ waroo fo abadaa. Amiin.

Matiyu 5:45

Ka bo niŋ wo siloo la, ali si naa ke ali Faamaa diŋolu ti, meŋ be Arijana. A ka a la tiloo mala moo jawoolu niŋ moo betoolu kaŋ ne, aduŋ a ka samaa jindi tilindiŋolu niŋ tilimbaloolu bee le kaŋ.

Jabuuroolu 37:27

I bo kuu jawoo to, i ye kuu kendoo baara, fo i si tu bankoo kaŋ fo abadaa.

Roomankoolu 7:19

N ka lafi kuu betoo meŋ ke la, m buka wo ke, bari kuu jawoo, m buka lafi meŋ na, n ka baara wo le la.

Luka 6:35

“Bari ali si ali jawoolu kanu, ali ye kuu betoo ke ì ye. Ali moolu fuu, ali kana i yillaa feŋ na ì bulu. Wo to le ali la joo be wara la, aniŋ ali be ke la Alla Mansa Tallaa la dindiŋolu ti, kaatu ate beteyaata wasabaloolu fee le fanaa, aniŋ kuruŋolu.

Luka 6:9

Bituŋ Yeesu ko ì ye ko, “Fo Musa la Luwaa* sonta le baŋ ka kuu betoo ke waraŋ ka kuu jawoo ke Loobula Luŋo la, ka moo niyo tankandi waraŋ ka a kasaara?”

Luka 1:79

A be mala la moolu kaŋ ne, mennu be siiriŋ diboo niŋ saayaa niiniyo koto. A be ǹ siŋolu taamandi la kayira siloo le kaŋ.”

Maaka 14:7

Baawo fuwaaroolu be tara la ali fee le waati-wo-waati, wo to ali si kuu kendoo ke noo ì ye le waatoo bee la, ali lafita a la ñaameŋ. Bari nte te tara la ali fee waati-wo-waati.

Kuma Kotoomaalu 16:17

Moo kendoo ka taa niŋ sila betoo le la, meŋ buka a duŋ kuu kuruŋo kono, meŋ ka a hakiloo tu a taañaa to, wo ka a niyo le tankandi.

Kuma Kotoomaalu 16:6

Ka bo kanu bambaloo niŋ tiliŋo la, junube kafaroo si soto noo wo le kono, niŋ moo silata Yaawe la, a te hame la kuu kuruŋ kewo la.

Kuma Kotoomaalu 3:7

Kana i faŋo muta moo ñaamendiŋo ti, sila Yaawe la, i ye fata kuu kuruŋ kewo la.

Jabuuroolu 125:4

Yaawe, kuu kendoo ke moolu ye, mennu mu moo kendoolu ti, mennu ŋaniyoo seneyaata.

Yuuba 28:28

Bituŋ a naata a fo hadamadiŋolu ye ko, “Tooñaa-tooñaa, nte Maariyo ñaasilaŋo, wo le mu ñaameŋo ti, aniŋ ka fata kuu jawu kewo ma, wo le mu fahaamuroo ti.”

Yuuba 2:3

Yaawe ko Seetaani ye ko, “I maŋ i hakiloo tu n na dookuulaa Yuuba la kuwo to baŋ? A ñoŋo maŋ soto duniyaa kono, sootaari te a la kuwo to, a tilinta, aduŋ Alla ñaasilannaa le mu. A ye a koo dii kuu jawu kewo la. I ye n ñori a kaŋ ka a kasaara, meŋ maŋ ke daliila kaŋ ti, bari hani wo ñaa-wo-ñaa, a be bambandiŋ a la dankeneyaa kaŋ.”

Yuuba 1:1

Kewo doo le nene ka soto Usi bankoo kaŋ, meŋ too mu Yuuba ti. Sootaari te a la kuwo to, aduŋ a tilinta. A silata Alla la, a ye a koo dii kuu jawu kewo la.

1 Pita 3:12

Kaatu Maariyo ñaa ka tara looriŋ moo tilindiŋolu kaŋ ne, aduŋ a tuloo ka ì la duwaa moyi le, bari a ka kuu jawu kelaalu kiitindi le.”

Kiitindirilaalu 11:14

Yefuta ye kiilaalu kii Ammoninkoolu la mansa kaŋ kotenke.