1 Pita 2:6 - Mandinka Bible

⁶ Kaatu a be safeeriŋ Kitaabu Senuŋo kono le ko: “A juubee, ŋa beroo le laa Siyoni* Konkoo kaŋ, tonkonna bere buuñaariŋo, ŋa meŋ tomboŋ. Moo meŋ laata ate la, wo te bula la maloo kono.”

1 Pita 2:6 Referans Kwoze

Yesaya 28:16

Bituŋ Maarii Yaawe ko, “A juubee, ŋa beroo le laa Siyoni* Konkoo kaŋ, bere kende baa, tonkonna bere buuñaariŋo, meŋ be ke la fondamaŋ bambandiŋo ti. Moo meŋ ye lannoo soto, wo maarii te jiijaa la.

1 Pita 2:4

Ali naa ate kaŋ, meŋ mu bere baluuriŋo ti. Moolu jututa a la le, bari Alla ye ate le tomboŋ, aduŋ bere kummaa baa le mu a ñaatiliŋo la.

Efesusinkoolu 2:20

A ye ali loo kiilaalu* niŋ kiilaariyaa kumafolaalu le la fondamaŋo kaŋ, Kiristu Yeesu faŋo mu bere kummaa baa ti daameŋ.

Jakariya 10:4

Maralilaalu be bo la itolu le kono, ì ye bambaŋ ko tonkonna beroo, ì ye loo ko tiriliisi* pikaloo, ì ye tiliŋ ko kalabeñoo.

Maaka 12:10

“Fo ali nene maŋ ñiŋ karaŋ Kitaabu Senuŋo kono ko: ‘Beroo meŋ buŋ loolaalu jututa a la, wo le naata ke tonkonna bere kummaa ti.

Roomankoolu 10:11

A be safeeriŋ ñiŋ kuwo to le ko: “Moo-wo-moo meŋ laata ate la, wo te malu la muk.”

Yesaya 50:7

Bayiri Maarii Yaawe le ka m maakoyi, n te bula la maloo kono. Wo kamma la, ŋa n ñaa bambandi le ko beroo, aduŋ ŋa a loŋ ne ko n te malu la.

Yesaya 42:1

Yaawe* ko: “N na dookuulaa fele, ŋa meŋ na kuwo bambandi. Ŋa ate le tomboŋ, aduŋ a la kuwo ye n seewoo le. M be n na Nooroo jindi la a kaŋ ne, aduŋ a be kiitii tilindiŋo naati la bankoolu kaŋ ne.

2 Timoti 3:16

Kaatu Kitaabu Senuŋo bee safeeta ka bo niŋ Alla la Nooroo le la, aduŋ a ye nafaa soto karandiroo to le, jalayiroo, kuluuroo, aniŋ nindiroo baluu tilindiŋo ye.

Yohana 7:38

Moo meŋ laata nte la, ‘Baluwo jiyo le be woyi la ka bo wo maarii kono,’ ko Kitaabu Senuŋo ye a fo ñaameŋ.”

Yesaya 54:4

“Kana sila, kaatu i te duŋ na malu kuwo kono. Kana jikilateyi, kaatu i te dooyaa soto la. I be ñina la maloo la le, meŋ keta i la i fondinkeemaa, aduŋ i hakiloo te bula la maloo la, biriŋ i keta furuyaamusoo ti.

Luka 23:35

Moolu loota jee, ì be koroosiroo kaŋ. Maralilaalu ye Yeesu ñaawali ko, “A ye moo koteŋolu tankandi le. Wo to a ye a faŋo tankandi, niŋ a ye a tara, ate le mu Alimasiihu ti, Alla la tomboŋ moo.”

Matiyu 12:18

“N na dookuulaa fele, ŋa meŋ tomboŋ, n kanuntewo, n niyo seewoota meŋ na kuwo to. M be n na Nooroo jindi la a kaŋ ne, aduŋ a be kiitii tilindiŋo bankee la bankoolu kaŋ ne.

Yesaya 41:11

“Ali a juubee, moolu mennu bee ka kamfaa ali kamma, ì be tara la maloo niŋ dooyaa le kono. Ali kelelaalu te feŋ nafaa la, aduŋ ì be kasaara la le.

Jabuuroolu 89:19

Waati jaŋ koomanto, i diyaamuta i la lannamoolu ye jeroo kono ko: “Ŋa semboo dii kelejawaroo doo le la, ŋa a tomboŋ moolu kono, ŋa a sikandi.

Jabuuroolu 40:14

Allamaa moolu ye malu mennu be a kata kaŋ ka m faa. Allamaa ì muumewo ye piwu. Mennu be lafiriŋ n na mantooroo la, Allamaa ì ye muru ì koo la, ì ye malu.

2 Pita 3:16

A diyaamuta ñiŋ kuwolu la, a la leetaroolu bee le kono. Kuu doolu be a la wo leetaroolu kono le, mennu fahaamoo maŋ sooneeyaa, aduŋ kalamutabaloolu niŋ hakilifulatiyolu ye wolu yelemandi. Wo mu kuwo le ti, ì ka meŋ ke hani Kitaabu Senuŋo dulaa doolu to, aduŋ a labaŋo be ke la ì la kasaaroo le ti.

2 Pita 1:20

Bari ali si ñiŋ fahaamu ko, kuma-wo-kuma be Kitaabu Senuŋo kono, moo te a fasari noo la a fansuŋ miiroo la.

Efesusinkoolu 1:4

Hani janniŋ duniyaa fondamaŋo be loo la, a ye ǹ tomboŋ ate le kono, ka ǹ ke moo senuŋolu ti, mennu maŋ sootaaroo soto a ñaatiliŋo la. Baawo a ye ǹ kanu le,

Kiilaalu 1:16

“Baadiŋolu*, Alla la kumoo Yudas la kuwo to ñanta timma la le ko Noora Kuliŋo diyaamuta ka bo niŋ Mansa Dawuda la ñaameŋ. Ate Yudas le ye moolu ñaatonkayaa, mennu ye Yeesu muta.

1 Musa 49:24

Bari i la kaloo tuta bambandiŋ ne, i buloo tariyaata, a bambanta. I semboo bota Yaakuba la Sembetii Baa le bulu, Isirayila Kantalaa, Isirayila la Bere baa.

Yesaya 46:13

M pareeta le ka n na tankoo sutiyandi naŋ, a maŋ jamfa, aduŋ n na kiisoo te mee la a be naa. M be Siyoninkoolu* kiisa la le, ŋa n na kallankeeyaa* dii Banisirayilankoolu la.”

Luka 20:17

Bituŋ Yeesu ye ì juubee, a ko ì ye ko, “Wo to, ñiŋ kumoo kotoo mu muŋ ne ti, meŋ be safeeriŋ ko: ‘Beroo meŋ buŋ loolaalu jututa a la, wo le naata ke tonkonna bere kummaa ti’?

1 Pita 2:8

Aduŋ: “A mu beroo le ti, moolu be taki la meŋ na, bere baa meŋ be moolu boyindi la.” Tooñaa, ì ka boyi le, kaatu ì maŋ Alla la kumoo muta. Wo boyoo keta kuwo le ti, Alla ye meŋ londi ì ye.