1 Mansoolu 22:43 - Mandinka Bible

⁴³ Yehosafati bulata a faamaa Asa la siloolu le nooma, aduŋ a maŋ jenke. A ye kuu kendoo le baara Yaawe ñaa koto. Bari batudulaa tintiŋolu*, a maŋ wolu tiñaa. Moolu tententa le ka sadaalu* bondi jee, aniŋ ka cuuraayoolu siisindi jee.

1 Mansoolu 22:43 Referans Kwoze

1 Mansoolu 15:14

A maŋ batudulaa tintiŋolu bee bondi ñaa-wo-ñaa, Asa sondomoo muumewo bee tarata Yaawe le ye a la baluwo bee kono.

2 Mansoolu 12:3

Bari batudulaa tintiŋolu* maŋ buruka, aduŋ moolu ka sadaalu* bo aniŋ ì ka cuuraayoolu siisindi jee.

Kuma Kotoomaalu 4:27

Kana jenke bulubaa waraŋ maraa la, i faŋo tankandi kuu kuruŋo ma.

Jabuuroolu 125:5

Bari moolu mennu ka taa ì fansuŋ sila jenkeriŋolu la, i si wolu niŋ moo kuruŋolu kasaara ñoo la. Kayiroo ye tara Banisirayila fee.

Jabuuroolu 101:3

N te soŋ na n ñaa ye tara kuu jawu kewo kaŋ. Ŋa moo badaliriŋolu kekuwolu koŋ ne, n te soŋ na wo la muk.

Jabuuroolu 40:4

Seewoo be moo le ye meŋ jikita Yaawe la, meŋ buka jiki faŋ wara moolu la, waraŋ ka kafu moolu ma mennu ye feŋ kenseŋolu muta Alla ti.

2 Taarika 15:17

A maŋ batudulaa tintiŋolu* bondi Banisirayila ñaa-wo-ñaa, a sondomoo muumewo tarata Yaawe le ye, a baluu tiloo bee la.

2 Taarika 15:8

Kabiriŋ Asa ye ñiŋ kumoolu moyi, Annabilayi Asariya, Odedi dinkewo ye mennu fo, a naata bambaŋ kuu. A ye jalaŋolu bee bondi Yahuuda niŋ Benjamini tundoo kaŋ, aniŋ ka bo saatewolu to, a ye mennu taa Efurayimu konkotundoo* kaŋ, kaatu kuu ñewundiŋo le mu. A ye Yaawe la sadaajanidulaa* lookuu, meŋ be Alla Batudulaa Buŋo* pereŋo ñaatiliŋo la.

2 Taarika 14:11

Asa woosiita Yaawe, a la Alla ye ko, “Yaawe, moo te keriŋ ko ite, meŋ si sembentaŋolu tanka sembemaalu ma. Hee Yaawe ǹ na Alla, m̀ maakoyi, kaatu ntolu be tuukuriŋ ite le la, aduŋ m̀ fintita naŋ i too le la ka ñiŋ kelediŋ kafu baa kele. Hee Yaawe, ite le mu ǹ na Alla ti, kana soŋ moo ye i loo i fee.”

2 Mansoolu 18:22

Waraŋ fo a ko a be jikiriŋ Yaawe, ali la Alla le la baŋ? Fo ate Hesekiya maŋ wo le la batudulaa tintiŋolu niŋ sadaabodulaalu* buruka baŋ? Aduŋ a ko Yahuuda moolu niŋ Yerusalaamu moolu ye le ko, ì si naa ka baturoo ke sadaabodulaa doroŋ to, meŋ be Yerusalaamu.

1 Mansoolu 15:11

Asa baarata kuu tilindiŋo le la Yaawe ñaa koto, komeŋ a bonsuŋ Dawuda ye a ke nuŋ ñaameŋ.

1 Mansoolu 15:5

Kaatu Dawuda baarata kuu tilindiŋolu le la Yaawe ñaa koto, aduŋ a maŋ balaŋ ka Yaawe la yaamari kiliŋ muta a la baluwo bee kono, niŋ a maŋ ke Uriya, Hitinkoo la kuwo dammaa ti.

1 Mansoolu 14:23

Itolu fanaa ye jalaŋ batudulaalu loo ì faŋolu ye, jalaŋ bere looriŋolu aniŋ Asera jalaŋ doko looriŋolu, konkoolu bee kaŋ aniŋ yirisuŋ biireeriŋolu bee koto.

2 Musa 32:8

Ŋa ì yaamari ka siloo meŋ nooma, ì ye a bula le. Ì ye sani ninsituuraa le dadaa ka bo niŋ sani yelundiŋo la, ì ka sujudi wo le ye, ì ka sadaalu bondi a ye. Ì ka a fo le ko, ñiŋ ne mu itolu la alla ti, meŋ ye ì ñaatonkayaa ka ì fintindi naŋ Misira bankoo kaŋ.”

1 Mansoolu 3:2

Bari moolu tarata sadaaboo ke kaŋ nuŋ batudulaa tintiŋolu* le to, kaatu wo ye a tara le buŋ maŋ loo nuŋ foloo Yaawe tooyaa la.

1 Mansoolu 22:42

Yehosafati siyo be sanji taŋ saba niŋ luulu le kabiriŋ a be ke la mansa ti, aduŋ a siita Yerusalaamu ka maraloo ke fo sanji muwaŋ niŋ luulu. A baamaa too mu Asuba le ti, Silihi dimmusoo.

Kuma Kotoomaalu 13:1

Diŋ kendoo ka bula a faamaa la yaamaroo nooma le, bari ñaawalilaa buka soŋ yitandiroo la.