1 Mansoolu 18:38 - Mandinka Bible

³⁸ Bituŋ kabiriŋ a ye ñiŋ duwaa ke, Yaawe la dimbaa jiita naŋ sadaa ñiŋ kaŋ, a ye a jani, aniŋ loo ñiŋ, ka taa beroolu niŋ bankoo, aduŋ a ye jiyo fanaa bee jaa meŋ be dinkoo kono.

1 Mansoolu 18:38 Referans Kwoze

3 Musa 9:24

Wo to le Yaawe ye dimbaa jindi naŋ, a ye jani sadaalu niŋ ì keŋo bee jani sadaajanidulaa kaŋ. Kabiriŋ moolu ye wo je, ì wuurita, ì sujudita.

1 Taarika 21:26

Dawuda ye sadaabodulaa loo Yaawe ye jee, a ye jani sadaalu niŋ kayira sabatindiraŋ sadaalu bondi. A duwaata jee, aduŋ Yaawe ye a jaabi niŋ dimbaa la, ka bo naŋ saŋo santo, ka sadaa jani meŋ be sadaabodulaa kaŋ.

2 Taarika 7:1

Kabiriŋ Sulemani ye a la duwaa kumfaa, dimbaa jiita naŋ ka bo santo, a ye jani sadaalu* niŋ beeyaŋ sadaalu bee jani, aduŋ Yaawe la kallankeeyaa* ye Batudulaa Buŋo* bee faa.

Kiitindirilaalu 6:21

Dokoo meŋ be Yaawe la malaayikoo buloo kono, a ye wo le neŋo maa suboo niŋ wo mbuuroo la. Dimbaa malata beroo ñiŋ bala, a ye ñiŋ suboo niŋ mbuuroo bee jani. Bituŋ Yaawe la malaayikoo naata yeemaŋ a ñaa koto.

Yuuba 1:16

Wo maŋ paree diyaamoo la, doo fanaa naata a ko, “Alla la dimbaa le jiita naŋ ka bo saŋo santo, a ye saajiyolu jani aniŋ kantarilaalu, ì faata. Nte doroŋ ne kanata ka naa a fo i ye.”

2 Mansoolu 1:12

Eliya ye a jaabi ko, “Niŋ a ye a tara m mu Alla la moo le ti, wo to dimbaa ye bo naŋ santo, a ye i niŋ i la kelediŋ kafoo kasaara.” Wo loo to dimbaa bota naŋ santo, a ye kelediŋ kuntiyo niŋ a la kee taŋ luuloo bee faa.

1 Mansoolu 18:24

Bituŋ ali si ali la jalaŋo too kumandi, aduŋ nte be Yaawe le too kumandi la. Niŋ meŋ-wo-meŋ ye dankuroo ke niŋ dimbaa la, wo le mu Alla ti.” Bituŋ moolu ko, “Haa, wo mu kuu bete le ti!”

3 Musa 10:2

Loodulaa kiliŋ Yaawe ye dimbaa jindi naŋ ka ì kasaara, aduŋ ì faata a ñaatiliŋo la jee.

1 Musa 15:17

Kabiriŋ tiloo boyita, diboo dunta, dimbaa keraŋ pootoo aniŋ pacamoo le tambita ñiŋ beeyaŋ subu talaariŋolu teema.

Yesaya 31:9

Yaawe meŋ na batudulaa be Yerusalaamu, meŋ na sadaajanidulaa* be Siyoni, ye ñiŋ ne fo ko, Asiriya la kelediŋ bambandiŋolu ko konko beroo be bori la le silaŋo kamma. A la ñaatonkoolu be jikilateyi la le, ì ye bori ka ì la bandeeri dokoo tu jee.

Lankenemoo 13:13

Ate wo daafeŋ saŋarariŋ doo ye kaawakuu baalu le ke, hani a ka a kendi le, dimbaa ka bo naŋ saŋo santo ka jii duniyaa kono moo bee ñaa la.

3 Musa 10:1

Silaŋ Nadabu niŋ Abihu Haaruna dinkee fuloo kiliŋ-wo-kiliŋ ye a la cuuraayi siisindiraŋo taa, a ye dimbaa keñemboo ke a kono. Ì ye cuuraayoo ke a kaŋ ne, aduŋ ì ye dimbaa koteŋ ne samba Yaawe* ye, meŋ maŋ ñaŋ, bayiri a maŋ ì yaamari a la.

1 Mansoolu 18:37

N danku, n danku Yaawe, fo ñiŋ moolu si a loŋ ko ite Yaawe le mu Alla ti, aduŋ ko i ka ì sondomoolu le murundi i faŋ kaŋ.”

1 Mansoolu 18:35

fo jiyo ka woyi ka taa dinkoo ñiŋ kono, ka a fandi.