1 Korintinkoolu 4:9 - Mandinka Bible

⁹ A munta m fee le ko, Alla ye makaamoo meŋ dii ntolu kiilaalu* la, a be moolu bee ye duuma le. Ǹ keta le ko moolu mennu kiitindita ka faa, baawo ǹ keta fele feŋo le ti duniyaa bee ye, malaayikoolu aniŋ moolu.

1 Korintinkoolu 4:9 Referans Kwoze

Hiburunkoolu 10:33

Waatoo doolu la, ì ka ali neŋ kenebaa to, ì ka ali toorandi. Ali doolu ka kafu moolu ma le, mennu toorandita wo ñaama.

Roomankoolu 8:36

Ǹ na kuwo be le ko a be safeeriŋ ñaameŋ: “Ite la kuwo le ye a tinna ì ka tu m̀ faa la, ì ka ǹ ke ko saajiyolu mennu ñanta kanateyi la.”

Hiburunkoolu 1:14

Fo malaayikoolu bee maŋ ke dookuulaalu doroŋ ne ti baŋ? Ì bee mu maakoyirilaa nooroolu le ti, Alla ye mennu kii wo moolu ye, mennu be kiisoo soto la.

Hiburunkoolu 11:36

Moo doolu be jee, ì ye wolu ñaawali le, aniŋ ì ye ì karawaasi. Ì ye hani neejoloo bula ì doolu la le, aduŋ ì ye doolu soroŋ bunjawoo kono.

1 Tesalonikankoolu 3:3

fo ali la ñiŋ toora kuwolu kana moo-wo-moo la lannoo lanjuuru. Alitolu faŋolu ye a loŋ ne ko, ñiŋ toora kuwolu mu ǹ taalu le ti.

2 Korintinkoolu 6:9

Ì ka m̀ muta moolu ti, mennu la kuwo maŋ loŋ, bari ǹ darajoo janjanta, waraŋ ko moolu mennu sutiyaata saayaa la, bari m̀ be baluuriŋ ne, waraŋ ko moolu, kuluuri koleŋo laata mennu kaŋ, bari m̀ maŋ foo ǹ niyo la.

Kiilaalu 19:31

Wo maralibankoo ñaatonkoo doolu mennu mu Pawulu teeroolu ti, ì ye kumoo kii a ye ka a daani ko, a kana taa bayee to.

Kiilaalu 19:29

Bituŋ saatewo bee jakasita. Ì bee wafuta ka taa beŋ ì la bayee to. Ì ye Kayus niŋ Aristakus muta ka ì kuruntu jee. Wolu mu Pawulu taamañoolu le ti, mennu bota Makedoniya.

Jabuuroolu 44:22

Ite la kuwo le ye a tinna ǹ ka tu faa la, ǹ keta le ko saajiyolu mennu ñanta kanateyi la.

Jabuuroolu 71:7

N na baluwo keta moo jamaa le ye kawandoo ti, kaatu ite le mu n na tuukuraŋ bambandiŋo ti.

Yeremiya 20:18

Muŋ ne faŋo ye a tinna nte wuluuta, ka bataa niŋ niikuyaa taki, ka n siyo baŋ maloo kono?

1 Korintinkoolu 15:19

Niŋ ŋà ǹ jikoo loo Kiristu kaŋ ñiŋ baluwo doroŋ ne kamma, wo to ntolu le la kuwo be balafaa daa to ka tambi moolu bee la.

2 Korintinkoolu 11:23

Fo itolu mu Kiristu la dookuulaalu le ti baŋ? Nte le tambita ì la wo to. Saayiŋ nte be diyaamu kaŋ ne ko ñaamaatoo! Ŋa dookuu baalu le ke ka tambi itolu la, n soronta bunjawoo kono siiñaa jamaa ka tambi itolu la, ì ye m buutee siiñaa jamaa le la mennu te konti noo la, aduŋ siiñaa jamaa n ka sutiyaa saayaa la.