1 Korintinkoolu 2:16 - Mandinka Bible

¹⁶ A be safeeriŋ ì la kuwo to le ko: “Jumaa le ye Maariyo la miiroolu loŋ, waraŋ ka ke a yaamarilaa ti?” Bari ǹ niŋ Kiristu la miiraliñaa mu kiliŋ ne ti.

1 Korintinkoolu 2:16 Referans Kwoze

Roomankoolu 11:34

“Jumaa le ye Maariyo la miiroolu loŋ, waraŋ ka ke a yaamarilaa ti?”

Yohana 15:15

N te ali kumandi la joŋolu la kotenke, kaatu joŋo buka a loŋ, a maariyo be meŋ ke kaŋ. Ŋa ali kumandi n teeroolu le la, kaatu ŋa mennu bee moyi ka bo m Faamaa bulu, ŋa ali londi wolu la le.

Yuuba 15:8

Fo i nene maabeeta Alla la beŋo to le baŋ? Fo ñaameŋo kuwo danta ite doroŋ ne la baŋ?

Yeremiya 23:18

Bari wo annabiyomoolu kono jumaa le kiliŋ nene ka maabee Yaawe la mansabeŋo to, ka a la kumoo moyi, aniŋ ka a fahaamu, ka i lamoyi a la kumoo la, aniŋ ka a muta?

Yuuba 40:2

“I niŋ nte Alla Tallaa le be ñoo saba la baŋ? I lafita n soosoo la le baŋ? Wo to n jaabi.”

Yuuba 22:2

Hadamadiŋo si muŋ nafaa le soto noo Alla ye? Hani a ñaamendiŋ baa ye muŋ nafaa le soto a ye?

1 Musa 1:12

Wo le to bankoo naata fiifeŋolu siifaa-wo-siifaa soto, aniŋ yiroolu siifaa-wo-siifaa, mennu ka diŋ. Alla ye a je ko, a beteyaata le.

1 Korintinkoolu 12:8

Moo doo ye ñaameŋo kumoo le soto ka bo niŋ Nooroo la, doo ye londoo kumoo soto ka bo niŋ wo Noora kiliŋo la.