1 Korintinkoolu 16:18 - Mandinka Bible

¹⁸ Ì keta nte ye wakiilindirilaa baa le ti, aniŋ alitolu fanaa ye. Ali ñiŋ moo siifaalu buuñaa.

1 Korintinkoolu 16:18 Referans Kwoze

Filemoni 1:7

M baadiŋo, i la kanoo keta seewoo kuu baa le ti n ye, aniŋ wakiilindiroo, kaatu i ye Alla la moo senuŋolu jusulandi le.

2 Korintinkoolu 7:13

Wo kamma la, ali la wo kuwo ye ǹ sabarindi le. M̀ maŋ seewoo ǹ na sabarindiroo dammaa kamma la, bari Titus la seewoo fanaa ye ntolu seewondi le, kaatu ŋà a je le, ali ye sondome tenkuŋo meŋ dii a la.

1 Tesalonikankoolu 5:12

Baadiŋolu, m̀ be ali daani kaŋ ko, ali si moolu buuñaa, mennu be dookuwo la ali fee, aniŋ mennu marata ali ma Maariyo too la, aniŋ ì ka ali yaamari.

Kolosankoolu 4:8

M be a kii kaŋ ali kaŋ ñiŋ daliiloo faŋo le kamma la fo ali si a loŋ, ntolu be ñaameŋ, aduŋ a si ali sondomoolu wakiilindi fanaa.

Roomankoolu 15:32

Niŋ ñiŋ kuwo keta a ñaama, niŋ Alla sonta, n niŋ seewoo be naa la ali kaŋ ne, aduŋ ali la kafuñooyaa si m bambandi.

Kuma Kotoomaalu 25:25

Ko jii sumaa ka diyaa moo ye ñaameŋ, niŋ mindoo be a la, jamfa jaŋ kibaari diimaa ka ke wo le ñaama.

Kuma Kotoomaalu 25:13

Komeŋ jii sumaa ka diyaa ñaameŋ, niŋ tiloo be kandiriŋ, kiilaa soobeeyaariŋo la kuwo ka diyaa moo ye wo le ñaama, meŋ ye a kii.

3 Yohana 1:4

Nte maŋ seewoo soto, meŋ warata ka tambi ñiŋ na, ka a moyi ko, n na dindiŋolu be taama kaŋ tooñaa le kono.

Filemoni 1:20

Tooñaa, m baadiŋo, n lafita nafaa doo la i bulu le Maariyo la kuwo kamma la. Dukaree, n jusulandi Kiristu kono.

Hiburunkoolu 13:7

Ali hakiloo si bula ali la ñaatonkoolu la, mennu ye Alla la kumoo fo ali ye nuŋ. Ali i miira ì la baluwo la, aniŋ ì ye kuu betoolu mennu saabu. Ali ì la lannoo kuwo nikiŋ.