Roma 10:8 - TAFO AYO

⁸ Kashe Moyize pa lima kotoo? Tshe pa lima atake: «O'o ama Ndjaba sœ ndoo dœ ɓœ, œ sœ lœ ama zœ; œ sœ ndje tœ lɔsu zœ.» O'onœ asœmœ kœdœ o'o nœ kœyindœrœ á a sœ kœmɨndœ nœ.

Roma 10:8 Referans Kwoze

1 Timote 4:6

Œdœ ɓœ kœyisœ o'o asœ kɔ fœ aaya œdœ aayingɔ, ɓœ te bala ɔtshɔ ayi akwa nœ Yisu Kristu. Asœke œ ma adœke ɓœ te manda o'o nœ kœyindœrœ œdœ pe ɔtshɔrœ á endje yisœ nœ fœ ɓœ dœ ɔtshɔnœ.

1 Petro 1:25

Kashe o'o ama Gbozu Ndjaba œ sœpe waa dœ waa.» Andaa o'onœ asœmœ, œtœnœ kœdœ Ɔtshɔ O'onœ á endje yisœ nœ fœ 'e.

Galate 3:2

Mœ yindœ kœyu 'e dœ o'o bale: 'E gbɔ Ɨshirɨ nœ Ndjaba mbœrœ á 'e lɨsœ awa akwa nœ Ayuda a, too 'e gbɔ Ɨshirɨ nœ Ndjaba mbœrœ Ɔtshɔ O'o á 'e dji yé á yindœ nœ?

Galate 3:5

Lɔkɔ á Ndjaba sœ kœto Ɨshirɨ nœ ye fœ 'e yé á sœ kœmbœrœ afá ugurutœ 'e, tshe sœ kœmbœrœ tœnœ mbœrœ á 'e sœ kœlɨsœ awa akwa a? Bale nene, tshe sœ kœmbœrœ tœnœ mbœrœ á 'e dji Ɔtshɔ O'o yé á yindœ nœ.

Roma 10:17

Ataa, kœyindœrœ to lœ kœmɨndœ o'o ama Ndjaba yé kœmɨndœ o'o ama Ndjaba kœdœ kœmɨndœ Ɔtshɔ O'o nœ Kristu.

Akwa 10:43

Aayi kœgbara o'o kɔ pa lima tœ ye adœke uzu kɔ á tshe sœ dœ kœyindœrœ ga ndœ Yisu, lœ gbɔgbɔ nœ ɨ'ɨrɨ ye dœ́ Yisu dá Ndjaba œ djerœndœ ekperœ nœ ye.»

1 Petro 1:23

Gbambanœ nene, Ndjaba zu 'e tœ bishanœ lœ awa nœ o'o ama ye á dœ́ soro, á sœpe ungu dœ ungu. Kashe œ sœsœ lœ awa nœ uzu á tshe tshu nene.

Akwa 16:31

Polo œdœ Sila kœgi fœ she adœke: «Sœ dœ kœyindœrœ adœke Yisu kœdœ Gbozu yekane á tshe kœshe ɓœ awa bale dœ azu tshasœnda nœ zœ.»

Efeze 5:26

Tshe djutɔ Ikrizia dœ ungu batisimu œdœ pe o'o ama Ndjaba adœke Ikrizia wuta yerœ.